香港新浪網 MySinaBlog
« 上一篇 | 下一篇 »
星屑醫生 | 27th Feb 2008, 18:19 PM | 香港的醫療本相

電腦拿了去整,我度過了一天半沒有電腦的日子,真的覺很難過。或許雖然還未算「上網成癮」,卻可能雖不中卻亦不遠了。

無法立刻答大家的留言,我會盡快補回的,因為真的很多謝大家的支持和鼓勵。同時也錯過了不少評論時事的機會...就先說這個醫學院醜聞。

港大醫學院爆出試題外洩的新聞,外面人聽來自然覺得不可思議,我卻一點都不會覺得不可思議。Dr. Patil (現在已是Prof. 了?) 是外科的高級醫生,本身是印度人,在大學裡也有教席,是歷屆醫學生一致推崇的好老師。每屆畢業班的班代表都必定會在考試前約他一次(通常要加一兩個樣子楚楚可憐的女學生),他就會詳細和班代表討論外科課程重點和考試要注意的事項。然後班代表就會將這些重點發散開去,給班上的所有同學知道,這個做法已是多年的傳統,我就說,應該和那些所謂的「補習社名師」的情況有點類似。補習名師貴在貼題目準,Dr. Patil 大概也就是這樣了。

唉,他真是個很好的老師,常常講印度式無聊笑話。他對病人無微不至,對教學也很有熱誠。多年來大學醫院的權力鬥爭無日無之,從來都很少聽得他捲入漩渦或向那一方靠攏,想不到今次竟輪到他!最記得做醫學生的時候,有次在東華醫院上堂,由他帶隊四處看病例個案,當看到一個大腸癌病人的時候,我忽然感到有點肚痛、冒汗、耳朵嗡嗡作響、頭暈眼花,然後竟倒在地上不省人事了...

醒來的時候第一眼就看到 Dr. Patil 和一班同學,他們在我昏迷的時候夾手夾腳把我搬到 office 裡。他們都笑我太潺弱了,同學 J 小姐還告訴我,臨倒下的時候才聽到我說:「我暈喇...」,轉過頭來我已經暈在地上,就覺得好搞笑。Dr. Patil 教大家,這就是vasovagal attack,喝點暖水就會沒事的了。

往事如煙,盼望這事好能盡快平息,Dr. Patil 可以享受優哉遊哉的退休生活。


[8] 醫生...打搞曬...

對唔住 打擾你了
我諗應該好多人問過你點樣先可以做醫生
但係我真係好想問

我需然有熱誠去讀醫 但係成績目前唔見得人
係美國讀3流大學(社區大學)不但只 平均分因為英文問題而有所拉低 近期好迷妄 我唔知係咪應該要放棄讀醫呢個大想頭 但係自己又真係好想讀醫科
我記得 曾經我一個女朋友同我講過"讀醫生 唔一定係天才 但係一定係好努力GE人" 講努力 我真係唔會輸比任何人架

我曾經想去D診所度直接問下D醫生有咩心得 但係硬係覺得醫生有種高高在上GE感覺 唔敢問....

現在GE我真係好失落 我明年就要報名轉其他比較好GE大學 但係我個心仲係度諗緊放棄定唔放棄 我已經有一科拎左B 又有一科只得A- 而家讀緊GE科 可能都係唔係B就係A- 醫生阿醫生 求下你指點下我吧.....我真係好想用自己GE努力去當上醫生 然後用自己雙手去幫助別人呀 我而家GPA得3.4 係咪姐係冇機會讀醫LA?........


[引用] | 作者 76軒 | 12th Mar 2008 12:54 PM | [舉報垃圾留言]

[7] 同意

同意Irene媽咪的說法

> 人事鬥爭處處皆是, 我相信Prof. 只是因為佢倆邊都不靠攏, 所以變成了中間的犠牲品吧了 !

剛出社會時
也是"堅持"不捲入辦公室派系當中
但現實社會中當"中立派"(起碼自己以為是"亂世中的清流")
有時會吃力不討好

記得暫離職場前
一位前輩跟我說過

"選了一邊 最多是另一邊的人與妳為敵"
"兩邊都不選 對兩邊而言 妳都是敵...in other words...the whole world/war is against you...會連一個戰友都沒有"

聽起來很不舒服
但現在站得遠遠地往回看那幾年
又好像...有幾分道理啊!

Unicorn
[引用] | 作者 Unicorn | 9th Mar 2008 16:08 PM | [舉報垃圾留言]

[6]

人事鬥爭處處皆是, 我相信Prof. 只是因為佢倆邊都不靠攏, 所以變成了中間的犠牲品吧了 ! emotion 好多時不要以為自己倆邊都不靠攏就等如中立, 自問不理世事就可以好舒服, 到真實的時候又是兩碼子的事。emotion 系商業世界入面仲殘酷, 仲多這類型的事在我邊發生。

話時話你都幾好笑喎!系暈之前仲識講我暈啦 emotion ; 我就連講都講唔到, 事原最近一次約一個多月前發生,當我逛街的時候, 忽然覺得好肚痛(系好痛好痛個種) , 於是到洗手間, 座下來已經全身都好唔舒服, 個頭暈暈地全身出曬汗, 咁我都知唔多好, 座在厠格內個人定番啲冇暈既感覺就準備行出去之际, 一企起身眼前一黑,就系入面暈咗emotion, 過咗幾耐都唔知之後起番身, 個面青曬, 老公問我做咩事去咗咁耐, 我都答唔出。後來我同個醫生朋友講開, 佢就系話 vasovagal, 無得解釋, 但我好多時都會發生, 但不頻密, 唔知系咪真冇事呢? emotion 但無事時又check唔到啲咩 ka 喎 ! 都真系有計 !!!


[引用] | 作者 Irene 媽咪 | 4th Mar 2008 01:18 AM | [舉報垃圾留言]

[5]

錯了地方留言...請幫我delete..
thanks!


[引用] | 作者 星月 | 1st Mar 2008 00:18 AM | [舉報垃圾留言]

[4] 恐怖童話故事分享

哈哈~小時很喜歡看童話故事
也看過一些好恐怖的,還記得"世界童話集" 這套卡通片...可能播放時間10-15 分鐘而已~

有一個小朋友常常很夜訓在玩玩具,她不信媽媽所說的話...
"如果有小孩過了深夜12時還沒睡覺, 就會給女巫捉去一個很遠的地方"
結果她不相信媽媽所說的話,洩洩了...
給女巫捉了到一個樂園, 要她一直繼續玩, 直至x 那天.

到現在還有陰影..一到12點都有d 怪怪的感覺#.#


[引用] | 作者 星月 | 1st Mar 2008 00:16 AM | [舉報垃圾留言]

[3]

星屑醫生,您好!
雖然我唔係HKU既SN, 但係呢一單新聞我每一日都有跟進住! 我諗成件事很有可能你所講既一樣 - 人事鬥爭! 其實有人既地方就一定有是非架啦! 希望呢件事快d完結, 亦希望呢一位好教授可以繼續係HKU教育出更多的好醫生!!


[引用] | 作者 student nurse sue | 28th Feb 2008 14:23 PM | [舉報垃圾留言]

[2]

正如你所言,是人事鬥爭。
我的學系,都有prof堂上講試題,或派十多條題目,暗示或明示在裡面抽數條出來。外泄了試題又如何呢﹖都要溫習才考得好的,更何況有些題目是難答的。

Him
[引用] | 作者 Him | 27th Feb 2008 21:44 PM | [舉報垃圾留言]

[1]

我都係 hku 醫學生, prof. patil 真係一個好好既醫生 +老師..希望佢無事啦! 我地都唔想無左呢個又教得好又好笑既老師!


[引用] | 作者 mm | 27th Feb 2008 19:58 PM | [舉報垃圾留言]