香港新浪網 MySinaBlog
« 上一篇 | 下一篇 »
星屑醫生 | 17th Mar 2008, 16:12 PM | 虛擬玩樂, 影音熱潮

我從不反對 Cross-over,cross-over 可說是種實驗,把不同的元素共冶一爐,若能把忌廉溝進鮮奶中,集兩家之長,就得到更好更新的體驗了。

然而更多時候效果卻是未如理想,水溝奶已算是比較好的結果了,有時甚至可能是檸茶加奶,結成一大杯難喝的漿。

忽然得到貴賓票可以免費欣賞【港樂梁漢文鄭中基演唱會】,想不到一晚Show,就有齊忌廉溝鮮奶、水溝奶和檸茶加奶三種情況。

Picture

Picture

演唱會大部份時間的氣氛都比較平淡,即使當梁漢文獻唱【衣櫃裡的男人】或鄭中基唱【無賴】,也未能刺激起現場的熱烈反應。叫近90人的管弦樂團來奏流行曲,效果並不特別出色,看到整隊弦樂組一味的在拉幾個 cord,一下子給 Joey 幾聲電結他完全蓋過,就很有小題大做的感覺了。

整晚也不是沒有高潮,然而兩個高潮其實都十分反高潮!第一個竟出現在上下半換場的時間,當和音的 Patrick 和當電結他手的 Joey 走出來唱太極的【紅色跑車】和【留住我吧】,就立刻引來全場起哄。

更大的高潮就更令人意想不到!來自北京的二胡高手劉軍和香港管弦樂團協奏的【萬馬奔騰】,才真真正正把全場樂迷的心神攝住了。劉軍的二胡成了一匹領頭的脫韁駿馬,和管弦樂團的大群野馬在原野上爭走競逐。中西樂對踫,一時間,馬蹄聲、嘶叫聲、大地震動滿山滿谷。一曲過後,全場掌聲雷動,差點就要喊一聲「Bravo!」

反而輪到兩個主角再出場,氣氛又復歸平淡。其實兩個人都唱得不差,問題在於他們的流行曲無論如何都難以和古典音樂並駕齊驅,即使說不上是檸茶加奶,至少也是水溝奶了。

又想,其實來看港樂X梁漢文鄭中基的,是古典樂迷?梁漢文的 fans?鄭中基的 fans?港樂演唱會的定位應該如何?

PS:全晚最大的敗筆是贊助商送的這個孖條螢光棒,我全晚耳伴多了個鼓,坐在身旁的那老兄不停把兩枝棒當鼓棍打!

Picture


[9] Re: Irene 媽咪
Irene 媽咪 :
我都有睇到呢個演唱會, 感覺同你一樣,唔系覺得呢佢哋唱得唔好聽, 但系佢哋啲歌就算再重新編曲去同管弦樂合作, 都出唔到好效果, 兩頭唔到岸, 真系有啲浪費咗。我坐得較高位置, 成晚坐系後排吹管樂既人, 好多時都坐系到, 發揮唔到, 最慘系彈豎琴個琴師, 成晚都冇咩點彈過 !! 唉真系浪費... 之前我都有睇開管弦樂同其他歌手合作既演唱會, 最好系"羅文、陳潔靈同張學友"。下次希望佢哋再搵一啲partner系可以大家都發揮到就最好啦 !
哈,寫出來,才知很多朋友都有到場聽。我坐得太低,反而看得不及你清楚!

星屑醫生
[引用] | 作者 星屑醫生 | 18th Mar 2008 17:26 PM | [舉報垃圾留言]

[8]

我都有睇到呢個演唱會, 感覺同你一樣,唔系覺得呢佢哋唱得唔好聽, 但系佢哋啲歌就算再重新編曲去同管弦樂合作, 都出唔到好效果, 兩頭唔到岸, 真系有啲浪費咗。我坐得較高位置, 成晚坐系後排吹管樂既人, 好多時都坐系到, 發揮唔到, 最慘系彈豎琴個琴師, 成晚都冇咩點彈過 !! 唉真系浪費... 之前我都有睇開管弦樂同其他歌手合作既演唱會, 最好系"羅文、陳潔靈同張學友"。下次希望佢哋再搵一啲partner系可以大家都發揮到就最好啦 !


[引用] | 作者 Irene 媽咪 | 18th Mar 2008 17:16 PM | [舉報垃圾留言]

[7] Re: mayee
mayee :
醫生唔係成日話自己好忙既?
點解你仲有咁多時間寫個咁好睇既BLOG,
厲害~
你太誇獎了,多些來坐坐看看呀!

星屑醫生
[引用] | 作者 星屑醫生 | 18th Mar 2008 12:54 PM | [舉報垃圾留言]

[6] Hi

醫生唔係成日話自己好忙既?
點解你仲有咁多時間寫個咁好睇既BLOG,
厲害~


[引用] | 作者 mayee | 18th Mar 2008 10:17 AM | [舉報垃圾留言]

[5] RE:多謝醫生

回這篇日記,我都有睇,不過就冇貴賓飛,睇完之後,發覺同我預其中想像不太好。

醫生好多謝你解答我,我每日都有上黎睇你寫既野。

我想問,咁我個舊骨瘤要唔要理佢??因為現在已經由細變大,有時還有d痛。我可以點處理佢??

之前腦外科都寫左信,比我排腦內科,因為睇腦外科同眼科,都係話我腦內血管問題,我排到8月。我想問究竟我是等5月照MRI、8月睇腦內科,定係現在去睇醫生? 仲有既係,我最近既記憶力好差,同埋頭痛加劇左,是否同個腦有關係 ??

唔該曬你呀醫生。
我可否到你診所睇睇??


[引用] | 作者 音樂人 | 18th Mar 2008 01:10 AM | [舉報垃圾留言]

[4] 幾欣賞你~

睇左你幾編野...
一定唔係作文黎~^^"v
可能有少少共鳴喇=.=
不過e編未睇...都差唔多要訓了...
加左入我的最愛了^^"v唔好介意


[引用] | 作者 chocolate | 17th Mar 2008 23:00 PM | [舉報垃圾留言]

[3]

悶棍聲摻入弦樂中也是crossover.

田中小百合
[引用] | 作者 田中小百合 | 17th Mar 2008 22:54 PM | [舉報垃圾留言]

[2] 港樂

星屑醫生, 如果你真係對港樂有興趣既, 你大可以係每年的十一到港樂的免費文娛表演! 那現場的氣氛真的不錯呢!


[引用] | 作者 studen nurse S | 17th Mar 2008 21:52 PM | [舉報垃圾留言]

[1] 請問

你好! 醫生~!
本人早前在好奇心驅使下 我去由我出世至今看病的診所醫生要求copy自己的病歷 但他表示不能將病歷給我 若要病歷 他可以寫一份醫療報告給我 若5百元 而個價錢合理?
可是病人沒有權益知道自己的病歷嗎?
thanks !


[引用] | 作者 月亮小小姐 | 17th Mar 2008 19:29 PM | [舉報垃圾留言]