香港新浪網 MySinaBlog
« 上一篇 | 下一篇 »
星屑醫生 | 31st Jul 2008, 20:02 PM | 疾病與治療

常常覺得,事情總是一窩蜂的發生。

從來都未曾聽過十字車會拋錨,卻竟然一窩蜂的接連發生事故。翻看資料,才知道單單在這個七月裡,就發生了過百宗救護車故障事件了。

連疾病也是一窩蜂的來。早兩星期,來接受診治的病人起碼過半數都是扁桃腺發炎,口腔裡的那兩顆東西脹起發紅不特止,有些還發到起了白斑甚至裂了開來(扁桃腺本來表面上就有很多裂紋),看著也覺得痛。

我發覺很多病人仍然無法分辨扁桃腺和淋巴腺,總愛指著頸項說扁桃腺發痛。

Picture

圖片自 MedicineWorld.org

記著了,張開嘴巴說聲「呀~~~~」,上面中間的是吊鐘(Uvula),軟顎(Soft palate) 兩旁一個在左、一個在右的就是扁桃腺(Tonsil)。

扁桃腺屬於淋巴系統中的一員,卻不是淋巴腺。

這幅圖有趣,特意找來給大家看,藍點的就是頸項主要的淋巴腺。而發扁桃腺的時候,特別是第7組的淋巴腺也會隨著一起發脹。

Picture

圖片自Queen's University Belfast:Clinical Skills Education centre

理 論上大部份(約7成)的扁桃腺炎都是由於病毒感染,這樣根本不需要吃抗生素。只要細心護理,一星期下來就會痊癒。不過病人要自己也小心留意病情發展,若扁 桃腺發炎是由於細菌感染、或者先受到病毒攻擊再給細菌二重攻擊,卻未得到適當治療的話,就有可能發到含膿,情況就可大可小了。


[13] 我的在 3

我的在"3"
昨天摸出來的...
現在在流鼻水
耳朵有時候會刺痛
會怎麼樣嗎??


[引用] | 作者 | 30th Jun 2012 08:45 AM | [舉報垃圾留言]

[12]

受或良多


[引用] | 作者 台南照顧 | 16th Aug 2011 09:10 AM | [舉報垃圾留言]

[11] 好辛苦...

岩岩睇左醫生話係扁桃腺發炎+含膿
打左針係冇咁痛 但仍然食唔到野 連肚口水都好痛..
成果人瘦哂 病左黎緊4日啦..
可以點做先食到野冇咁痛...唔想再瘦落去...好辛苦
訓又訓唔到 好痛好痛


[引用] | 作者 nath | 27th Apr 2010 21:49 PM | [舉報垃圾留言]

[10] help!

我想問....我星期日起一直低燒頭暈,睇西醫當流感醫,但頭暈情況無好轉。昨天中醫話我扁桃腺腫...我又唔係7號位腫,應該係鎖骨上少少腫(左邊好腫)。好擔心....唔知咩事>_


[引用] | 作者 Tommie | 7th Nov 2008 09:39 AM | [舉報垃圾留言]

[9] 扁桃腺

我老公發咗幾日燒,38-39度,今日第二次睇醫生(第一次喺急症室睇),醫生話扁桃腺發炎,仲係有膿個隻。佢話喺嘅情況下用蘗醫好嘅機會低過50%,所以建議做靜脈注射,一日注射三劑,兩至三日至會好。我冇想過扁桃腺發炎要做靜脈注射,呢個係咪最適當嘅治療?


[引用] | 作者 karen | 18th Oct 2008 23:08 PM | [舉報垃圾留言]

[8] Re: kin
kin :
我想問~係痛既時候有冇話食d咩或者飲d咩會好d+~有人又話飲楊桃汁+鹽~ok~咁其實有冇醫學根據+呢~ 我既扁桃腺由細開始就已經好肥大~但係大左之後就冇再大落去~又好少話發炎~ 真係好耐先會發一次~ 但係醫生都建議我割左佢~咁係咪真係有咁既需要呢~
針對扁桃腺,一般是說要常常發而且影響工作生活才要考慮割。
當然若和其他情況有關就另作別論,好像睡眠窒息或鼻鼾等。

吃甚麼止痛?吃止痛的藥就夠了,有時你不知吃的東西會不會撞西藥,好像西柚就會撞藥了。

星屑醫生
[引用] | 作者 星屑醫生 | 15th Oct 2008 10:06 AM | [舉報垃圾留言]

[7]

我想問~係痛既時候有冇話食d咩或者飲d咩會好d+~有人又話飲楊桃汁+鹽~ok~咁其實有冇醫學根據+呢~ 我既扁桃腺由細開始就已經好肥大~但係大左之後就冇再大落去~又好少話發炎~ 真係好耐先會發一次~ 但係醫生都建議我割左佢~咁係咪真係有咁既需要呢~


[引用] | 作者 kin | 15th Oct 2008 01:04 AM | [舉報垃圾留言]

[6]

如果我早d見到你個blog,咁就唔使成個8月都同扁桃腺發炎作戰啦﹗我就係一窩蜂發扁桃腺的其中一員,8月3日開始口朧痛同輕微發燒,睇第一次西醫(集團式經營,日日唔同醫生應診果種),例牌開左一般感冒消炎藥,話係一般傷風感冒。到8月6日吞口水同飲水都如刀割,以為係吊鐘腫起所至,因為仲有藥,所以就繼續食,不過仍然低燒。直至8月7日,呀大喉嚨,驚見喉嚨兩邊生滿白點,上網一查,知道應該係急性扁桃腺發炎,由於太少病倒&睇醫生,所以根本冇睇開的家庭醫生,於是即刻搵人介紹信得過的醫生(自己開診所果種),証實係扁桃腺發炎。

結果,總共睇咗5次醫生,食左7日抗生素之後,因為身體變得太虛弱,成個口都潰爛(好似成口都係飛滋咁),又頭暈暈,隻手仲生埋d透明水點,所以雖然白點未消晒,但退左燒,醫生就話唔可以再食抗生素啦,就食維他命c補充抵抗力啦﹗

之後我就開始食中藥調理身體,食咗3個禮拜,白點終於消晒,但係7號淋巴位依然有一粒圓圓的腫塊,按下有少少痛,仲好硬添﹗另外,就係喉嚨吊鐘兩側成日都紅紅地,有時發癢乾咳。唔知使唔使理果粒腫塊呢,定係遲d佢就會消失?請賜教。

p.s. 我係無意中發現「活塞男」事件,再無意中睇到youtube,先知道你個blog。你畫的公仔好cute,講解的醫學知識都好淺白易明,我班同事都睇得好開心,仲即刻將你個blog bookmark咗。多謝晒﹗


[引用] | 作者 Jenny | 18th Sep 2008 15:05 PM | [舉報垃圾留言]

[5] 扁桃腺

1年前之前患癌(2期),近發現扁桃腺發炎,需切除做手術,若不幸是淋巴腺擴散,後果會如何??在那兒可找多點資料??


[引用] | 作者 卡露 | 9th Sep 2008 20:55 PM | [舉報垃圾留言]

[4] Re: Tonia
Tonia :
想問吓... 如我吃了"熱氣"的東西, 7号的頸就漲漲痛 ! 是熱氣引起嗎 ?
7 號的淋巴對應鼻和喉的情況,所以當有感染發炎的時候,7號就會脹痛。

熱氣呢,我覺得是果,由於發炎,所以覺得喉乾鼻凅和發慶,就叫熱氣了。

星屑醫生
[引用] | 作者 星屑醫生 | 7th Aug 2008 12:35 PM | [舉報垃圾留言]

[3]

想問吓... 如我吃了"熱氣"的東西, 7号的頸就漲漲痛 ! 是熱氣引起嗎 ?

Tonia
[引用] | 作者 Tonia | 7th Aug 2008 09:29 AM | [舉報垃圾留言]

[2] Re: man
man : 我想問o下 No. 7 o個個位如果長期有痛、頂住o既感覺, 吞口水時更甚, 會有機會係咩事呢?我睇o左兩次醫生, 但因為摸落又冇腫, 佢o地都唔知咩事, 即係俾消炎藥我食.....到而家, 情況仍然冇咩改善....有其他的 exam 可以做嘛?
你自己的感覺也很重要,若真覺得有東西頂在那裡,可和你的醫生商量,看看是否照照超聲波比較好。

星屑醫生
[引用] | 作者 星屑醫生 | 7th Aug 2008 00:12 AM | [舉報垃圾留言]

[1]

我想問o下 No. 7 o個個位如果長期有痛、頂住o既感覺, 吞口水時更甚, 會有機會係咩事呢?
我睇o左兩次醫生, 但因為摸落又冇腫, 佢o地都唔知咩事, 即係俾消炎藥我食.....
到而家, 情況仍然冇咩改善....

有其他的 exam 可以做嘛?


[引用] | 作者 man | 6th Aug 2008 14:35 PM | [舉報垃圾留言]