香港新浪網 MySinaBlog
« 上一篇 | 下一篇 »
星屑醫生 | 19th Jun 2006, 10:26 AM | 老爸入院記

平均分: 10.00 | 評分人數: 1

喂, 老豆,

你入o左醫院, 唔經唔覺都就快成個月囉.

你而家係好好多, 算死過翻生o架喇. 我次次o黎, 都有睇住你D抽血報告, 你都算好有進步. 之前個腎比D藥搞到虧o左, 而家有番尿, 個人唔再水腫, 再等多一陣你就會更好o架啦. 慘就慘在隻耳囉, 而家聽唔到o野你實覺悶, 但係果陣救命要緊無辦法, 唯有希望遲D好番D啦, 如果唔係你無得聽粵曲就係慘Do既. 

所以我成日話你, 「病向淺中醫」, 少少病痛就好去醫喇, 就唔駛搞到而家o甘. 人地個個盲腸炎濕濕碎, 你就搞到差D連命都無, 何苦! 人地知我係醫生, 實笑我啦: 連個老豆腸仔爆先識得帶佢去醫, 做乜鬼醫生o播! 

而家你仲係好虛弱, 營養唔夠, 個人好潺. 你可能因為D藥o既關係, 口味暫時變晒, 就唔係好有胃口食得落o野. 不過食唔落都要食o架, 唔食邊得有力喎. 你唔食, 我叫醫生係個肚度開個窿係個胃度擺條食物喉出o黎, 就o甘直接倒食物落去, 你就口寡喇.   

你又唔使驚, 依家唔使住, 嚇下你先o者. Anyway 點都好, 而家你叫做穩定番我先至安樂D, 之前唔係幾得閒理到你, 我其實都有D唔安樂. 等白血球落番正常, 個腎又妥當喇, 你就返得屋企o架喇.

而且, 我上個禮拜聽到話你竟然信主, 我初初直頭唔可以相信, 仲唔夠膽話比人聽o添. 之後探你果陣同你確認, 你對住我們笑笑口點點頭, 我先至敢信你真係信o左. 而家諗翻, 我其實好似多馬, 信心仲比唔上你. 不過, 我真係好開心.

最好笑係太太問你有冇祈下禱, 你扁下嘴話: 我都唔識祈. 老豆, 你唔使怕呢樣o既, 主一早知你想點, 聖靈自會用說不出o既嘆息幫你祈禱o架喇.

放心啦, 總之比D心機儲翻肥自己, 就得o架喇. 比個叻你!


[38] Re:
星屑醫生 : 很多謝你們這樣戥他高興. 希望他可以早日和我們一同去教會崇拜啦. 不過他有時會不開心, 太沒胃口, 也自覺太瘦了. 睡了一個月發軟蹄, 還哭了起來. 哭了兩次...
你咪當bb咁呵番錫番佢囉﹗老人變小孩無錯架﹗好似我依家有時都會嗲下靚靚架﹗


[引用] | 作者 靚媽 | 21st Jun 2006 13:13 PM | [舉報垃圾留言]

[37]

恭喜晒你爸爸信主!YEAH!!YO!!

當年我老爸信主的時候我都好開心,到佢受浸講見證,我仲喊到唔清唔楚。^^


[引用] | 作者 Carrie | 21st Jun 2006 12:54 PM | [舉報垃圾留言]

[36]

很多謝你們這樣戥他高興. 希望他可以早日和我們一同去教會崇拜啦. 不過他有時會不開心, 太沒胃口, 也自覺太瘦了. 睡了一個月發軟蹄, 還哭了起來. 哭了兩次...


[引用] | 作者 星屑醫生 | 21st Jun 2006 12:41 PM | [舉報垃圾留言]

[35]

恭喜你爸爸信主,淨係這件事己是
叻叻叻叻叻叻叻啦....


[引用] | 作者 厨師妹妹 | 21st Jun 2006 11:08 AM | [舉報垃圾留言]

[34]

好開心呀,知道你爸爸已經信主,真係替你高興!我都要加油!


[引用] | 作者 elly | 21st Jun 2006 00:38 AM | [舉報垃圾留言]

[33]

雖然你寫老爸的病的時候都不煽情, 但看在眼內, 總感覺一點心痛...

可能想起自己太忙, 很久沒有回家看爸媽了...很想他們啊~

希望世伯好快可以龍精虎猛la!! :D


[引用] | 作者 tina | 20th Jun 2006 00:53 AM | [舉報垃圾留言]

[32]

呀........對不起,打多了個「趣」字.......當然是「很高興」,不是「很高興趣」......


[引用] | 作者 心齋 | 19th Jun 2006 21:15 PM | [舉報垃圾留言]

[31]

非常恭喜呀!!!很高興趣聽到世伯信了主!

雖然有點馬後砲的,但真是「神叫萬事都互相效力,叫愛神的人得益處呢!」

願神繼續祝福你們!


[引用] | 作者 心齋 | 19th Jun 2006 21:12 PM | [舉報垃圾留言]

[30]

你哋兩個都好叻﹗要老人家信主係較難嘅事嚟架﹗成世人根深柢固嘅觀念﹐好難改變架﹗老伯信咗主真係恭喜你哋啦﹗


[引用] | 作者 靚媽 | 19th Jun 2006 20:16 PM | [舉報垃圾留言]

[29] Re:
護士小天使 :
看到這封信內裡包含了無限的關心無限的愛護 無限的幸福我相信你爸爸知道你咁愛護佢一定很安慰 而且從你既一字一文,我也相信作為你的病人 能被你醫冶也很幸福

哇, 你太過獎了. 我有時也是個會黑面, 又懶行來行去的醫生呢. 不過這件事以後, 會著意多些去明白別人的感覺. 我也覺得, 你會是個很好的護士呢.


[引用] | 作者 星屑醫生 | 19th Jun 2006 19:51 PM | [舉報垃圾留言]

[28]

看到這封信
內裡包含了無限的關心
無限的愛護 無限的幸福
我相信你爸爸知道你咁愛護佢一定很安慰 而且從你既一字一文,我也相信作為你的病人 能被你醫冶也很幸福


[引用] | 作者 護士小天使 | 19th Jun 2006 19:23 PM | [舉報垃圾留言]

[27] Re:
sarsze :
wow such a good news! Now he has gained eternal life despite he nearly lost his life! Hope your relationship with him will become sweeter as well, hehe...

多謝, 你又點先? 幾時帶阿石仔回來香港?


[引用] | 作者 星屑醫生 | 19th Jun 2006 18:51 PM | [舉報垃圾留言]

[26]

wow such a good news! Now he has gained eternal life despite he nearly lost his life! Hope your relationship with him will become sweeter as well, hehe...


[引用] | 作者 sarsze | 19th Jun 2006 18:46 PM | [舉報垃圾留言]

[25] Re:
cc :
喂喂喂... 學到嘢喎... 咁樣打係咪親切感大d呢?!
希望你爸爸快d出院啦!!

不是, 打得我很辛苦呢, 只此一次, 下不為例...


[引用] | 作者 星屑醫生 | 19th Jun 2006 18:43 PM | [舉報垃圾留言]

[24]

喂喂喂... 學到嘢喎... 咁樣打係咪親切感大d呢?!

希望你爸爸快d出院啦!!


[引用] | 作者 cc | 19th Jun 2006 18:33 PM | [舉報垃圾留言]

[23] Re: Re:

外父出院時雖然有輕微發燒, 但現在一天比一天好些, 我估計只要多四天的穩定, 便可以話完全好哂!

同路人乙可能太勞累, 最近病咗, 佢可能無 check e-mail, 叫佢 check 下信箱。

諗 d 可吊起星爸胃口的食物給他吃啦, 病人好需要食物能量來抵抗病魔, 唔知佢可唔可以吃芝士蛋糕呢? 伊籐家d cheese cake 叮熱數秒來吃也不俗。

星屑醫生 :

還未好晒, 他太吃不到食物我有點擔心.
你外父呢? 他怎樣了, 我send 過封email 給同路人乙.


[引用] | 作者 同路人甲 | 19th Jun 2006 17:32 PM | [舉報垃圾留言]

[22] Re:
同路人甲 :
真的好開心見到星爸快好哂又信咗主! 你地兩仔爺可以一齊返教會了。
希望星爸的耳聾只是暫時性, 遲些兒可以好返哂! 願主祝福您們一家人!

還未好晒, 他太吃不到食物我有點擔心.

你外父呢? 他怎樣了, 我send 過封email 給同路人乙.


[引用] | 作者 星屑醫生 | 19th Jun 2006 16:55 PM | [舉報垃圾留言]

[21]

真的好開心見到星爸快好哂又信咗主! 你地兩仔爺可以一齊返教會了。

希望星爸的耳聾只是暫時性, 遲些兒可以好返哂! 願主祝福您們一家人!


[引用] | 作者 同路人甲 | 19th Jun 2006 16:53 PM | [舉報垃圾留言]

[20]

Arale,流星,

你們真熱情呢. 太太也有問他, 快些好就可以一起去教會了. 他說好. 我好期待, 快些到這樣的一天.


[引用] | 作者 星屑醫生 | 19th Jun 2006 16:37 PM | [舉報垃圾留言]

[19] to: rabbit, purplecelia, fanny

Rabbit: 我相信你必定pass, 定d來, 第時告訴我們你的苦與樂吧.

purplecelia: 「主能將苦難變成祝福!」, 這個極真, 祂將我原本都半放棄的事扭轉, 不單給他留著在世的生命, 更給他永遠的生命. 很多謝祂.

fanny: 這次寫得有點玩耶, 為了沖淡些煽情. 不過回望整個過程, 實在是很令人感動的. 因為, 要一個75歲的老人信主, 除非遇著生關死劫, 讓他明白之前的經驗都是幫不到他的, 人才會肯認, 唯有主能幫助他.


[引用] | 作者 星屑醫生 | 19th Jun 2006 16:28 PM | [舉報垃圾留言]

[18] Re: 小草, 小柔, game girl

to 小草:是呀, 這件事上, 主的保守十分明顯, 每一步祂的心意都很擺到明的.

小柔: 我覺得也不是的, 因為救恩不是買賣, 要你很好很愛神祂才給你. 你看舊約偉人, 尤其是雅各(以色列), 他沒有一件事是光明正大的, 但神就是對他有心意, 他就能成就大事.
神也對你有心意,
今天撒的種, 何時收, 由誰人收說不得, 但是總會有得收, 因為主連野地裡的百合花, 祂也看顧.

game girl: 看見這些事, 心裡會覺得難受. 人都不在了, 學習寬恕, 不是自己蝕底的, 反而是一種釋放.


[引用] | 作者 星屑醫生 | 19th Jun 2006 16:23 PM | [舉報垃圾留言]

[17]

好高興看到星屑爸信主的消息,好感恩!
星屑爸要努力,等好番後跟星屑醫生一起返教會。


[引用] | 作者 流星 | 19th Jun 2006 16:00 PM | [舉報垃圾留言]

[16] 勁呀 !

勁呀 ! 感謝主 !!! 比2個叻你同星爸 !!

但願我的家人有天會有如此福氣....


[引用] | 作者 Arale | 19th Jun 2006 15:27 PM | [舉報垃圾留言]

[15]

人在最無助的時候,都選擇信主的,因為我也是,可能覺得在心靈上得到安慰
星屑醫生,我看了你今次的Blog,有點感動


[引用] | 作者 Fanny | 19th Jun 2006 14:52 PM | [舉報垃圾留言]

[14]

哇,太好啦!!!
今次入院一事,雖然這反段日子很難渡過,但反而令星屑爸信左主,恭喜晒!
我仲開心過中左獎!

「主能將苦難變成祝福!」


[引用] | 作者 PurpleCeLiA | 19th Jun 2006 14:42 PM | [舉報垃圾留言]

[13]

哈哈~ 我還未畢業呢, 本星期五才知結果~ 好緊張, 好驚viva 有什麼 "差池". 很高興看到你爸爸的情況好轉了 =).


[引用] | 作者 rabbit | 19th Jun 2006 14:33 PM | [舉報垃圾留言]

[12] Re: Re:
星屑醫生 :
Game Girl :剛買飯盒上來吃,就看到這封信,你是否打算印出來,一陣拿去給他!?

不會, 他不知這個blog, 要是知道了, 我真面紅死! 我在他面前擺出一副臭屁臉的多... 哈哈.

看到你這樣溫馨,不期然想起一位小朋友,他老爸死了已近一年,到今天還是仇恨他呢!


[引用] | 作者 Game Girl | 19th Jun 2006 13:26 PM | [舉報垃圾留言]

[11] Re: Re:
星屑醫生 : 小柔 :其實係看到你爸信了主, 是最開心看到的事 ! 恭喜你! 令到自己家人信主對我來說是一件很難的事情, 你真幸福!~ 不用羨慕, 因為上帝一直愛我們, 必不會讓我們愛的人憂憂愁愁下到陰間. 祂有祂的時間, 我們能做的, 是禱告與學習等候, 不要灰心.

星屑醫生, 謝謝你的鼓勵, 我會禱告的!emoticon 都等了咁多年, 自己也不敢再跟他提及了. 最近也聽到一些朋友決了志, 有時我會問自己,是不是做得不夠好呢? 其實我自己早有了答案,

就是: 我不夠愛神.

就好比一段愛情一樣, 我愛自己多過愛對方, 太激烈的愛情不太適合自己. 好像有點壓力. 因為愛神好像要把自己盡量做得更好, 又怕失見證, 好矛盾.

星屑醫生, 我是否很奇怪呢? 這是我的感想.


[引用] | 作者 小柔 | 19th Jun 2006 13:19 PM | [舉報垃圾留言]

[10]

你爸爸信主實在太好啦!!
雖然今次攪到咁大件事,感謝神借這機會令他接受神的愛,果然在每件事的背後總有神的祝福!


[引用] | 作者 小草 | 19th Jun 2006 13:10 PM | [舉報垃圾留言]

[9] Re:
小柔 :
其實係看到你爸信了主, 是最開心看到的事 ! 恭喜你! 令到自己家人信主對我來說是一件很難的事情, 你真幸福!~

不用羨慕, 因為上帝一直愛我們, 必不會讓我們愛的人憂憂愁愁下到陰間. 祂有祂的時間, 我們能做的, 是禱告與學習等候, 不要灰心.


[引用] | 作者 星屑醫生 | 19th Jun 2006 13:06 PM | [舉報垃圾留言]

[8]

其實係看到你爸信了主, 是最開心看到的事 ! 恭喜你! 令到自己家人信主對我來說是一件很難的事情, 你真幸福!~emoticon


[引用] | 作者 小柔 | 19th Jun 2006 13:01 PM | [舉報垃圾留言]

[7] Re:
MissLee :
爸爸媽媽到了某年紀,就變成子女的子女了。這是看到你這篇文的感覺。

是呀, 有一陣子, 我覺得我做了阿媽精神上的老公, 而家就做了老爸精神上的daddy.


[引用] | 作者 星屑醫生 | 19th Jun 2006 12:48 PM | [舉報垃圾留言]

[6] Re: Re:
雪蓮 :
bj :一個咁孤寒, 多幾個佢啦:叻叻叻叻叻叻叻叻叻叻...............咪是, 你咁孤寒架..(講笑)..好開心聽到你爸爸好返好多..

不過他真的不肯吃東西. 昨天母親緊張, 還逼他得有點急燥. 結果晚上淨吃了些蘋果和提子. 怎夠!

所以只得一個叻.


[引用] | 作者 星屑醫生 | 19th Jun 2006 12:46 PM | [舉報垃圾留言]

[5] Re:
Game Girl :
剛買飯盒上來吃,就看到這封信,你是否打算印出來,一陣拿去給他!?

不會, 他不知這個blog, 要是知道了, 我真面紅死! 我在他面前擺出一副臭屁臉的多... 哈哈.


[引用] | 作者 星屑醫生 | 19th Jun 2006 12:43 PM | [舉報垃圾留言]

[4]

爸爸媽媽到了某年紀,就變成子女的子女了。這是看到你這篇文的感覺。


[引用] | 作者 MissLee | 19th Jun 2006 12:24 PM | [舉報垃圾留言]

[3] Re:
bj :
一個咁孤寒, 多幾個佢啦:
叻叻叻叻叻叻叻叻叻叻...............

咪是, 你咁孤寒架..(講笑)..
好開心聽到你爸爸好返好多..


[引用] | 作者 雪蓮 | 19th Jun 2006 12:12 PM | [舉報垃圾留言]

[2]

剛買飯盒上來吃,就看到這封信,你是否打算印出來,一陣拿去給他!?


[引用] | 作者 Game Girl | 19th Jun 2006 12:10 PM | [舉報垃圾留言]

[1]

一個咁孤寒, 多幾個佢啦:
叻叻叻叻叻叻叻叻叻叻...............


[引用] | 作者 bj | 19th Jun 2006 11:47 AM | [舉報垃圾留言]