香港新浪網 MySinaBlog
« 上一篇 | 下一篇 »
星屑醫生 | 21st Jun 2006, 09:48 AM | 像我這樣一個醫生

平均分: 10.00 | 評分人數: 1

港島東小中風

人人股事大瀉

醫生有得補水

港島東小中風

今天難得陽光普照, 我以為上班應該會比較容易的了. 誰知今天最後竟然遲大到, 還破了我自己個人的最遲回診所紀錄! 就是因為東區走廊大塞車, 龍尾塞到東隧鯉魚門出口, 華蘭路, 和鯉景灣... 因為昨晚下大雨, 加人人通宵看英格蘭?

香港的交通極容易癱瘓, 十足十一個慢性病病人:

血壓高: 人多車多, 真是你有壓力, 我有壓力! 

動脈粥樣硬化: 路小狹窄, 又四處修路築路, 還有經常出現的濕滑和路面不平

壞膽固醇高: 駕駛人士不肯禮讓, 左穿右插 

血糖高: 半吉的巴士又實在過多...

一聲唉唷, 就隨時100%阻塞血管中風癱瘓了.

**********

人人股事大瀉

有點奇怪, 可能因為上年太多人打了流感針, 今年天冷的幾個月裡, 就沒有覺得流感零舍大規模肆虐. 誰知等吃過五月粽, 連寒衣都收入籠以後, 諾沃克病毒才來爆發. 

我覺得我診所附近的住宅區裡, 上星期可能也有點輕微爆發, 10個有8個都是來看肚瀉, 到診人數立時就很有點增長了...    

**********

醫生有得補水

好高興, 簡直有中了六合彩的感覺. 連離職(甚至過了身!) 的醫生也有得補償, 不過我有點擔心只能追回2002年或以前的超時, 因為那時以後後醫院定立了制度, 醫生要自行記下於法定假期時開了工的日數, 然後在一定時間內申請補放了它, 否則愈時就不能再追回. 此外不知道實習醫生又有沒有得補? 外科六年最多有得補22萬, 我減下減下可能只剩下2年確實有得追, 不過22萬除3 =7萬也很不錯, 比三獎派彩還要多!

補充一點資料:

香港在1993年時每千名人口只有1.2個醫生,2004年時增加至1.6名,11年增加33%,不遜於亞洲其他地區,但和英國(2.1名)、加拿大(2.1名)、新西蘭(2.1名)、澳洲(2.5名)、美國(2.4名)等地方比較,則仍然落後一截,和丹麥(3.3名)、法國(3.3名)、德國(3.3名)、瑞士(3.6名)等比,距離更遙遠。

醫學院每年新畢業的醫生大約有300多個, 退休數字則難以掌握. 截至2003年尾, 香港醫生的註冊數字為11016, 至2004年尾則為11242, 按年增加226個. 過去5年香港的註冊醫生增長率為2-3%.

2005年年中的香港人口為6,943,600人,按年增長0.9%. 2004年中至2005年中的出生人數為53,200人, 死亡人數為38,000人, 自然增長人數為15,200人. 淨移入人口有45,800人, 當中持單程通行證移入的有38,800人. 此外還有220,900流動居民. 加上醫管局時常陷於破產邊緣和香港經濟有點反覆, 這個1000:1.2 的數字, 要多久才能倍增以能追近歐美國家? 我覺得就是遙遙無期了.


[24] Re:
Fanny :
送星爸一句話,大難不死,必有後福

啊, 這個正已得著了, 他因此信主, 就是好得無比的福!


[引用] | 作者 星屑醫生 | 23rd Jun 2006 13:48 PM | [舉報垃圾留言]

[23]

送星爸一句話,大難不死,必有後福


[引用] | 作者 Fanny | 23rd Jun 2006 13:46 PM | [舉報垃圾留言]

[22] Re: Re: Re: Re:
卡路 :
哈哈, 我都是官塘人, 係協和街, 每隔幾個鋪位就有一間診所, 不少診所更有夜診服務。
流星 :星屑醫生 哇, 這麼好, 你是那一區的?

Kwun Tong

原來咁多官塘人既,小女子都係官塘人,果度真係好多診所


[引用] | 作者 護士小天使 | 22nd Jun 2006 18:56 PM | [舉報垃圾留言]

[21] Re: Re: 流星, 卡諾
星屑醫生 :
卡路 :哈哈, 我都是官塘人, 係協和街, 每隔幾個鋪位就有一間診所, 不少診所更有夜診服務。流星 :星屑醫生 哇, 這麼好, 你是那一區的?

Kwun Tong我就是估到你們應該是官塘人. 那條協和街, 診所直情成行成市, 可以叫做診所街.

我覺得連裕民城間麥當X下面都開左一間細細的診所,真係好誇張。以前個位用來賣M記雪糕咋~


[引用] | 作者 Carrie | 22nd Jun 2006 11:33 AM | [舉報垃圾留言]

[20] Re: 卡路

其實我 exactly 係住 SMP gei, 無數錯應該都有5間診所,次次要睇醫生都要早早掛號或晨咁早企o係門口等開門,如果唔係真係等一粒鐘都輪唔到我,好慘﹗

卡路 :
哈哈, 我都是官塘人, 係協和街, 每隔幾個鋪位就有一間診所, 不少診所更有夜診服務。
流星 :星屑醫生 哇, 這麼好, 你是那一區的?

Kwun Tong


[引用] | 作者 流星 | 22nd Jun 2006 09:14 AM | [舉報垃圾留言]

[19] Re: 流星, 卡諾
卡路 :
哈哈, 我都是官塘人, 係協和街, 每隔幾個鋪位就有一間診所, 不少診所更有夜診服務。
流星 :星屑醫生 哇, 這麼好, 你是那一區的?

Kwun Tong


我就是估到你們應該是官塘人. 那條協和街, 診所直情成行成市, 可以叫做診所街.


[引用] | 作者 星屑醫生 | 22nd Jun 2006 09:02 AM | [舉報垃圾留言]

[18] Re: Re: Re:

哈哈, 我都是官塘人, 係協和街, 每隔幾個鋪位就有一間診所, 不少診所更有夜診服務。

流星 :
星屑醫生 哇, 這麼好, 你是那一區的?

Kwun Tong


[引用] | 作者 卡路 | 22nd Jun 2006 07:36 AM | [舉報垃圾留言]

[17] Re: Re:
星屑醫生 哇, 這麼好, 你是那一區的?

Kwun Tong


[引用] | 作者 流星 | 22nd Jun 2006 01:06 AM | [舉報垃圾留言]

[16]

唔知星屑醫生多數何時經過東隧﹖以我的經驗,多數過了8:00a.m.就會開始塞車的喎﹗


[引用] | 作者 流星 | 22nd Jun 2006 01:05 AM | [舉報垃圾留言]

[15] Re:
流星 :
我住的那一區有好多好多的私家診所,有私人執業的也有集團的,單是一段街已經有超過六間診所,但係間間都其門如市,人潮湧湧﹗同區的醫院(不論急診和各項門診)和賽馬會一樣都係那麼多人,有病要看醫生真係等都等到傻。可能我這區人口太密集,唉~ 死症。

哇, 這麼好, 你是那一區的?


[引用] | 作者 星屑醫生 | 22nd Jun 2006 01:02 AM | [舉報垃圾留言]

[14]

我住的那一區有好多好多的私家診所,有私人執業的也有集團的,單是一段街已經有超過六間診所,但係間間都其門如市,人潮湧湧﹗同區的醫院(不論急診和各項門診)和賽馬會一樣都係那麼多人,有病要看醫生真係等都等到傻。
可能我這區人口太密集,唉~ 死症。


[引用] | 作者 流星 | 22nd Jun 2006 01:00 AM | [舉報垃圾留言]

[13]

if hk gov't increases its (already-high) taxes on car and gasoline or only allows cars on certain roads in certain time period (i think Singapore is doing this) or encourages carpool, will it alleviate traffic jam? if hk can expand its subway/rail system like Japan/Europe...


[引用] | 作者 ken.yong | 21st Jun 2006 21:51 PM | [舉報垃圾留言]

[12]

醫生有得補水真係好!坦白講醫生尤其越低級,超時工作既情況真係好嚴重,完全唔明點解要連續工作三十六小時,太不合理,對醫生個人或是對病人也很危險。
不過既然用錢可以解決到,睇黎個問題都唔係好大...

近日巴士有按章工作,更嚴重會罷駛,不知道醫護界有日罷工會點呢?


[引用] | 作者 護士小天使 | 21st Jun 2006 18:35 PM | [舉報垃圾留言]

[11]

really lots of GE recently... haha... as a life-saving water for us in this summer


[引用] | 作者 george | 21st Jun 2006 18:18 PM | [舉報垃圾留言]

[10]

哇,你全本看了一片?真是我的榮幸。其實我所識的只是皮毛,都是在班門弄斧吧了。
大部份內容都是我寫的,其中小部份分給了其他同學寫。

離了職的怎樣獲得賠償?到時若你知道方法,請通知我一聲喎!

靚媽說得沒錯,『依家香港搵醫生看病一啲都唔難吖﹗通街都係私人診所﹗閒閒地一個屋邨都有二三間架啦﹗重有啲開24潻﹗』
私家醫生有很多,但公立醫院欲人手不足。就是因為公私營醫療失衡,公立醫院照顧了九成病人,餘下小部份就由眾多私家醫生去分。
所以造成公立醫生做死,私家醫生得閒死的情况!


[引用] | 作者 Anthony | 21st Jun 2006 16:25 PM | [舉報垃圾留言]

[9] Re:
Game Girl :
我看應該是夏天來,多人吃了凍食,所以就出現問題。因為我自己返到屋企第一件事都是打開雪櫃,飲一杯冰水,之後再食一年西瓜!

我自己正是這樣! 食西瓜就搞搞地肚, 但又忍不住不吃.


[引用] | 作者 星屑醫生 | 21st Jun 2006 16:13 PM | [舉報垃圾留言]

[8]

我看應該是夏天來,多人吃了凍食,所以就出現問題。因為我自己返到屋企第一件事都是打開雪櫃,飲一杯冰水,之後再食一年西瓜!


[引用] | 作者 Game Girl | 21st Jun 2006 16:08 PM | [舉報垃圾留言]

[7]

假期返工第一項工作是填表!!不過,醫院有無得俾你放又係另一個問題,一陣又說唔可以行開咁耐,一陣又話A醫生同B醫生係呢段時間放喎,你可唔可以遲d,遲d放又說今個好多假期喎,你可唔可以再遲d放...哈永無休止的拖...


[引用] | 作者 Game Girl | 21st Jun 2006 15:56 PM | [舉報垃圾留言]

[6]

我住港島東,覺得D交通已經算唔差lu...起碼我番工放工同去玩都ok...=)


[引用] | 作者 Carrie | 21st Jun 2006 13:13 PM | [舉報垃圾留言]

[5]

唔記得講香港嘅交通問題潻﹗死症嚟架﹗無得醫架﹗路少人多車多點醫喇﹗華佗再世都無偈啦﹗


[引用] | 作者 靚媽 | 21st Jun 2006 13:07 PM | [舉報垃圾留言]

[4]

我覺得依家香港搵醫生看病一啲都唔難吖﹗通街都係私人診所﹗閒閒地一個屋邨都有二三間架啦﹗重有啲開24潻﹗

恭喜你中咗六合彩三獎噃﹗請飲茶﹗


[引用] | 作者 靚媽 | 21st Jun 2006 13:04 PM | [舉報垃圾留言]

[3]

六億囉. 不知會點?


[引用] | 作者 星屑醫生 | 21st Jun 2006 12:57 PM | [舉報垃圾留言]

[2]

六億囉. 不知會點?


[引用] | 作者 星屑醫生 | 21st Jun 2006 12:56 PM | [舉報垃圾留言]

[1]

睇見個title...笑死我....諗左一陣三者有何關連...原來係咁。

醫管局係唔係一次過回水?咁旨會唔會破產架?


[引用] | 作者 Carrie | 21st Jun 2006 12:51 PM | [舉報垃圾留言]