香港新浪網 MySinaBlog
« 上一篇 | 下一篇 »
星屑醫生 | 7th Dec 2009, 10:17 AM | 香港感情

即使資深蘋果 fans,其實很多時候都未必用得盡 mac 機的一眾 basic function。不過其實 ilife 的功能真的很強大,最緊要還是十分易用,而且樂趣無窮。

我集合了 iMovie,Garage Band,Keynote 之力,並一眾網絡資源,終於煉成了這個 MV!誠意邀請大家欣賞!

我覺得自己都幾有剪接天份。哈哈。之前的歌曲版本算是 Demo 版,現在才是來真的。我無法申請高登account,煩各位有心人幫我 post 去高登和人網。Thanks!

Youtube裡有網友留言說,「起高鐵不是政治事件,唔起仲死得快。」我不同意。起一條以民為本,讓國內的人可以來,香港的人可以去的鐵路,並且以合理的價錢按時造好,這絕對是德政,無反對之理由。但現在既然以全港市民的六百六十九億血汗錢來興建,比世上所有的高鐵都貴了幾十倍,到頭來卻只用來服侍未來西九上的一眾貴人呢,就是太太太過份了。

別給人家口號式的說法蒙騙,要問自己:第一,香港要死了嗎?第二:若是要死,因為甚麼死?第三:若是要死,起一條高鐵就可以不死了嗎?

我是醫生,我告訴你,藥石亂投的結果不是 Do no harm,卻是死得更快。

再調轉頭想,這條高鐵會引發甚麼問題?因為這世上的事沒有一味好的,尤其是當政府越要一面倒地唱好,你越要懷疑事實是否真的這樣好。前車可鑑,有哪一隻白象真正值回票價?維港巨星滙是人辦,迪士尼是人辦了,西鐵就是人辦了。

這次比之前更弊,若然到時「唔好」的話,不是我們「當時運高見唔到」就可以解決。利息支出,營運支出、維修支出... 項項都是億億聲的。而與此同時,政府的其他支出卻全部勒緊褲頭,於是教育醫療社福以至政府各項服務(特別是價低者得的外判系統)全面萎枯,貧富的生活質素,就進一步被拉開了。

而「三小時生活圈」的做法除了叫做容易引全國人來香港之外,是否意味將來「不夠優質的人」要遷到比天水圍更遠的地方住,那麼到時他還是不是香港人呢?

不過相比這些,我覺得有一點更嚴重,就是功能組別的問題。

保皇黨保皇保到你我都早已麻木,但這次功能組別包攬利益集團包到出面,就實在太過份。有功能組別存在,說明我們的社會根本是個由一小撮精英操控的社會。因此運輸界議員只需得運輸界老細級人士的百來票,就可以得到一個議籍。全港一萬個醫生都有得投醫學界的票,會計師也有得投會計師的票。那麼為麼貨車司機沒得投運輸界的票?地盤紮鐵沒得投工程界的票?因為政府覺得,這些界別一共上百萬從業員中,只有那少數老細級的,才算可投票的精英。

而這些精英之所以成為精英,全因為他們有千千萬萬個非精英為他們賺錢,然後這千千萬萬個非精英,再容讓他們延著臉把自己壓搾。

龍應台十幾年前問:「中國人,你為甚麼可以不憤怒!?」我現在也要這樣問:「香港人,你為甚麼可以不憤怒!?。」希望大家不吝嗇幾下功夫,把這MV 傳給你的朋友,讓全香港人知道高鐵這「富貴門」的真相。

[26]

無聊來晃晃ㄛ~~


[引用] | 作者 歌林服務站 | 7th Dec 2011 16:50 PM | [舉報垃圾留言]

[25]

大大支持~~


[引用] | 作者 整形 | 17th Nov 2011 16:03 PM | [舉報垃圾留言]

[24] 反高鐵的政治投機份子看吧

反高鐵,祇是藉口矣! 反特區政府才真,以反特區而攻擊中國共產黨就是這班人的終極目標,乜十物十後的人亦是前保乜育物育的人,用完這藉口就轉另一藉口而矣,如果英國人還在的話,那班人呢?有如狗仔一般,乖乖搖尾,順順耷頭喇,哈哈哈,中國人眼裡的香港滿奸,外國人眼內的可愛寵兒,西方耶穌的不異信徒,漢人眼裡的迷信,媚外,崇洋走狗,算吧,講幾多都無用,敵我分明,不死不休,放長眼看吧,睇下香港變狗地抑或人間喇,請呀!


[引用] | 作者 是必要講 | 16th Mar 2010 18:55 PM | [舉報垃圾留言]

[23] Re: fighting phoneix
fighting phoneix :
我冇話西鐵冇用wor....我話唔合乎成本效益ja ma. 我都冇話迪士尼冇用,我話佢可唔可以回本仍係未知之數姐。
任何未完成既投資或者基建,佢地既成本效益都係未知數,回唔回到本都係未知數,照你咁講,不如乜q都唔好做,乜q都唔好起,坐係度等運到啦?
 
 
仲有,依家其實好多旅客都真係唔係搭機鐵去鐵場ga. 如果你話唔起機鐵既話旅客就要自己搭的士巴士去機場,禁問一句,...

就我冇話咩都唔好做lor....

仲有,幾十年前既巴士小巴服務有幾差你知唔知? 你話就話係未雨綢繆,實際上呢? 只怕到真係有機會用既時候,可能又要用多一大筆錢裝修,再加上係"等有用"既果一段日子果一個地方可以做既野,唔係冇用既。我個人認為唔值lor...

係呀! 我唔用唔等於個個唔用,不過睇下幾多反對聲音就知有幾多人唔用。

你話我自私,係! 我認! 不過我覺得你甘樣係人身攻擊lor.

先安內後攘外,社會民生都未做好既時候,有咩資本去做d 甘既野呀? 內0地人有幾益我呀? 做個香港人,生活頻頻撲撲,為咩呀? 都係想要兩餐溫飽有瓦遮頭姐,但依家個樓價呢? 托內地人鴻福,貴到個個打工仔都買唔起。有埋高鐵,市中心就俾晒佢地住,香港人呢? 就要住返去天水圍,再唔係返大陸住lor....

仲有...我幾時話我係巴士迷呀?? 我都冇話我鍾意等紅燈,又冇話我鍾意不停轉車,亦冇話我鍾意過多幾次關。但係你要我俾成萬銀,為左等少幾個紅燈,轉少一兩次車(我出西九搭都要轉車la....)過少一次關....甘我寧願等多幾個紅燈,轉多一兩次車,過多次關la....

有幾多個內地人會因為高鐵而黎香港買野呀? 工作都應該有一定既數量,但甘咪攪到香港個unemployment rate increase lor....仲有,係唔係因為要俾建築工人有工開就起高鐵呀? 就其實本末倒置左....

我明白每個人都有自己既立場同睇法,我亦都冇話你講既野係啱定係錯。我表達既只係我自己既立場,就係我覺得唔值,尼個係價值觀既問題。再講落去都冇用,我唔想無lala 係人地個blog 度攪到好似罵戰甘,無事無幹就唔好再reply la,無謂阻住晒人地d 留言。

最後,答埋你呀,點解9年前唔出聲?? 因為9年前我得6歲lor=]]

講完


[引用] | 作者 hingguu | 8th Jan 2010 20:51 PM | [舉報垃圾留言]

[22] Re: hingguu

我冇話西鐵冇用wor....我話唔合乎成本效益ja ma. 我都冇話迪士尼冇用,我話佢可唔可以回本仍係未知之數姐。

任何未完成既投資或者基建,佢地既成本效益都係未知數,回唔回到本都係未知數,照你咁講,不如乜q都唔好做,乜q都唔好起,坐係度等運到啦?

 

 

仲有,依家其實好多旅客都真係唔係搭機鐵去鐵場ga. 如果你話唔起機鐵既話旅客就要自己搭的士巴士去機場,禁問一句,起左機鐵佢就一定搭ga?就算佢搭,唔係都係自己搭咩?我個重點係,機鐵當初高估左既客量做成既就係一大個空既月台,尼樣野,又會唔會再發生係高鐵上?

 

係wor,幾十年前已經有巴士的士小巴,大把選擇,仲起地鐵黎做乜呢?起左地鐵就一定搭嫁喇咩?又貴!未雨綢繆、預留位置完全冇問題

 

加上,你都識講啦,方便大陸人呀!點解要我俾錢去方便人地但又唔方便我呀!仲有,我幾時有講高鐵唔方便新界人呀!

你呢個想法好鬼自私,你自己唔用,唔等於人地唔會用!仲有,比多d大陸人落黎香港洗$,最後咪又係益左你? 

 

我都住港島ga,不過我都唔會搭高鐵lor....仲有,高鐵係香港段係去唔到成幾百公里ga...最多係100公里ga ja....唔快得車幾多ja.

咁又係,你係巴士迷,你鍾意等紅燈,你又鍾意不停轉車,你又鍾意過多幾次關,我明白既


有,香港其實就好細。外國高鐵要係市中心係因為佢地地方大,由郊區出市區要好耐,但香港呢?講真除左方便內地人黎香港買樓我睇唔到有咩用。最終香港樓價就
高到大多數香港人買唔起(其實依家已經係)我冇話過唔起高鐵,但係唔係要用個甘貴既方法先?你睇下其他國家,有邊度既高鐵做價甘貴ga?
唔係唔用錢,係要點樣用錢?我最重要要講既係,「效益是和成本掛鉤的」。同樣成本,可唔可以帶黎更高效益?

每個人對高鐵既價值都有唔同,你覺得唔值,但我覺得讓大陸人來香港旅遊買野洗$,帶動兩地經濟,加強就業,就係值,邊個國家?自己睇http://paper.wenweipo.com/2010/01/07/HK1001070012.htm

點樣用錢?已經唸左9年!你到依家乜都準備好晒先至黎話唔得!姐係搞事!再比多十年你去唸點樣用錢都係冇用!廢話多說無益!你係有本事既,就快d提出用低成本得到最大效益既方案,講唔出既,西九方案就係最好,唔可以再拖拖拉拉!

fighting phoneix
[引用] | 作者 fighting phoneix | 8th Jan 2010 05:15 AM | [舉報垃圾留言]

[21] Re: hingguu

我冇話西鐵冇用wor....我話唔合乎成本效益ja ma. 我都冇話迪士尼冇用,我話佢可唔可以回本仍係未知之數姐。

任何未完成既投資或者基建,佢地既成本效益都係未知數,回唔回到本都係未知數,照你咁講,不如乜q都唔好做,乜q都唔好起,坐係度等運到啦?

 

 

仲有,依家其實好多旅客都真係唔係搭機鐵去鐵場ga. 如果你話唔起機鐵既話旅客就要自己搭的士巴士去機場,禁問一句,起左機鐵佢就一定搭ga?就算佢搭,唔係都係自己搭咩?我個重點係,機鐵當初高估左既客量做成既就係一大個空既月台,尼樣野,又會唔會再發生係高鐵上?

 

係wor,幾十年前已經有巴士的士小巴,大把選擇,仲起地鐵黎做乜呢?起左地鐵就一定搭嫁喇咩?又貴!未雨綢繆、預留位置原來有問題?

 

加上,你都識講啦,方便大陸人呀!點解要我俾錢去方便人地但又唔方便我呀!仲有,我幾時有講高鐵唔方便新界人呀!

你呢個想法好鬼自私,你自己唔用,唔等於人地唔會用!仲有,比多d大陸人落黎香港洗$,最後咪又係益左你? 

 

我都住港島ga,不過我都唔會搭高鐵lor....仲有,高鐵係香港段係去唔到成幾百公里ga...最多係100公里ga ja....唔快得車幾多ja.

你咁唔鍾意高鐵,當然唔好搭啦!到時高鐵真係起好左,你都唔好搭呀!你咁鍾意等紅燈,又鍾意不斷轉車,咪搭巴士囉。

仲有,香港其實就好細。外國高鐵要係市中心係因為佢地地方大,由郊區出市區要好耐,但香港呢?講真除左方便內地人黎香港買樓我睇唔到有咩用。最終香港樓價就高到大多數香港人買唔起(其實依家已經係)我冇話過唔起高鐵,但係唔係要用個甘貴既方法先?

已經講左啦,等大陸人落黎買野同工作,我地自己既建築工人又有工開~咁你又有乜野方法呀,講黎聽下啦?唔好剩係識反對,冇建設呀,願聞其詳!

 

你睇下其他國家,有邊度既高鐵做價甘貴ga? 唔係唔用錢,係要點樣用錢?我最重要要講既係,「效益是和成本掛鉤的」。同樣成本,可唔可以帶黎更高效益?

邊個國家?自己睇http://paper.wenweipo.com/2010/01/07/HK1001070012.htm

每個人覺得高鐵應該值幾多都各有唔同想法,你認為唔值,我認為值~遇多無謂,你有本事既,就講個更高效益既方案出黎,否則西九方案就是最好既方案,唔可以再拖拖拉拉

fighting phoneix
[引用] | 作者 fighting phoneix | 8th Jan 2010 05:01 AM | [舉報垃圾留言]

[20] Re: fighting phoneix
fighting phoneix :

然而,效益是和成本掛鉤的。的確,西鐵解決了新界西的交通問題是無庸置疑的事實,迪士尼帶來的歡樂亦然。但是值不值得呢? 同一筆的金錢應用在其他的地方的時候,是不是可以有更好的效益呢? 新界西市民受惠於西鐵帶來的方便,西鐵既然解決了新界西的交通問題,那西鐵當然是有用。其他事情未解決,不等於高鐵唔洗起,你用呢個point去反...


我冇話西鐵冇用wor....我話唔合乎成本效益ja ma. 我都冇話迪士尼冇用,我話佢可唔可以回本仍係未知之數姐。仲有,依家其實好多旅客都真係唔係搭機鐵去鐵場ga. 如果你話唔起機鐵既話旅客就要自己搭的士巴士去機場,禁問一句,起左機鐵佢就一定搭ga?就算佢搭,唔係都係自己搭咩?我個重點係,機鐵當初高估左既客量做成既就係一大個空既月台,尼樣野,又會唔會再發生係高鐵上?

加上,你都識講啦,方便大陸人呀!點解要我俾錢去方便人地但又唔方便我呀!仲有,我幾時有講高鐵唔方便新界人呀!我都住港島ga,不過我都唔會搭高鐵lor....仲有,高鐵係香港段係去唔到成幾百公里ga...最多係100公里ga ja....唔快得車幾多ja.

仲有,香港其實就好細。外國高鐵要係市中心係因為佢地地方大,由郊區出市區要好耐,但香港呢?

講真除左方便內地人黎香港買樓我睇唔到有咩用。最終香港樓價就高到大多數香港人買唔起(其實依家已經係)

我冇話過唔起高鐵,但係唔係要用個甘貴既方法先?你睇下其他國家,有邊度既高鐵做價甘貴ga? 唔係唔用錢,係要點樣用錢?

我最重要要講既係,「效益是和成本掛鉤的」。同樣成本,可唔可以帶黎更高效益?


[引用] | 作者 hingguu | 7th Jan 2010 17:49 PM | [舉報垃圾留言]

[19] Re: hingguu

然而,效益是和成本掛鉤的。的確,西鐵解決了新界西的交通問題是無庸置疑的事實,迪士尼帶來的歡樂亦然。但是值不值得呢? 同一筆的金錢應用在其他的地方的時候,是不是可以有更好的效益呢?

 

新界西市民受惠於西鐵帶來的方便,西鐵既然解決了新界西的交通問題,那西鐵當然是有用。其他事情未解決,不等於高鐵唔洗起,你用呢個point去反對高鐵是十分無聊。

 

迪士尼現在就像一個無底深潭,不停地用錢,要多少年才可以回本,以至能否回本都仍是未知知數。又例如機鐵,乘客量不及預期,而現在的香港站的月台後,就有了一個沒有用的月台。這不是浪費是什麼?

 

迪士尼還未擴建完成,佢既潛力仲未完全引發出來,你現在就說其冇用,是否言之過早同埋武斷?機鐵乘客量不及預期,是不是等於沒用?是不是等於浪費?如果唔起機鐵,即係話你要外國遊客自己搭的士,巴士到機場?

 

同樣,用七百億興建高鐵是否值得? 七百億,等如每名市民要付出一萬元,去建一條你可能一生也用不到一次的鐵路。如你所說,就算有預期3成的使用量,一年仍只是一千萬人,一人一串魚蛋也只不過是一千萬串。但現在要付出的整整七百億。是7後面有10個零的七百億。一串魚蛋5蚊姐係一百四十億串魚蛋呀! 尚未計算建後的各樣經常支出。全港只得一個機場,當沒有選擇的時候大家當然要去。但兩個港澳碼頭,你住西環會不會去尖沙嘴那一個? 高鐵建在西九,大家有無數個選擇回內地,不一定要要選擇高鐵。同時,對於大部分市民來說,用其他的交通工具較快捷和便宜。為什麼還要 選擇高鐵呢?

你如何得出「大部分市民用其他的交通工具較快捷」呢個結論?其他文通工具要轉n次車,過n次關,而且速度點比得上幾百公里的高鐵?你話新界區市民用不著高鐵?我夠可以話人口密度高既香港島同埋九龍區既市民好需要高鐵啦?唔通你又唔洗理佢地喇wor?再講,高鐵除左服務香港市民之外,更重要既係方便大陸人直接來香港既市中心旅遊,消費,工作,加強兩地交流,當中既經濟利益絕對比700愈更多,你睇唔到呢一點已經證明你唔知高鐵既作用係邊度。

 

建高鐵就和賭博沒有分別? 等一舖翻身?只怕越踩越深。七百億,是不是可以用在其他的地方,改善社會民生,而不是做成貧者越貧、富者越富呢?

你咁怕,不如乜都唔洗起,乜都唔好做,咁你安落啦?高鐵是長遠投資長遠計劃,同賭博係完全兩回事,而且其他改善社會民生既措施例如派糖係短期既,總之兩樣野都要同時去做。

 

fighting phoneix
[引用] | 作者 fighting phoneix | 7th Jan 2010 14:22 PM | [舉報垃圾留言]

[18] Re: 星屑醫生
星屑醫生 :
謝!之前我有看過!年青人的熱情令人感動!

謝謝醫生觀賞!

從某過角度看我們也是年青人啊,至少我們還會為在問題在部落格裡發聲……

洪雄熊
[引用] | 作者 洪雄熊 | 7th Jan 2010 12:24 PM | [舉報垃圾留言]

[17]

我也用我的文字和照片來聲援一下:

1218反高鐵影像紀實
http://bearhungfactory.mysinablog.com/index.php?op=ViewArticle&articleId=2121400

洪雄熊
[引用] | 作者 洪雄熊 | 7th Jan 2010 02:44 AM | [舉報垃圾留言]


謝!之前我有看過!年青人的熱情令人感動!

[引用版主回覆] | 作者 星屑醫生 | 7th Jan 2010 10:55 AM

[16] Re: Mike
Mike :
你提及的西鐵、迪士尼例子,我不能認同.
西鐵的乘客量少過預期,但並不代表西鐵沒有效益.西鐵解決了新界西的交通樽頸,也避免了只靠屯門公路的風險.多年前,屯門大塞車,很多人在巴士被困了五個小時,便是因為當年沒有鐵路提供另一條出路.
自從西鐵接通尖東一帶之後,以我親身體驗來說,乘客量也是不斷上升.在西鐵通車之初,乘客量較少,傳媒大肆報道,其後乘客量回升,傳媒沒有興趣報道,所以你才會有西鐵效益不高的印...


然而,效益是和成本掛鉤的。的確,西鐵解決了新界西的交通問題是無庸置疑的事實,迪士尼帶來的歡樂亦然。但是值不值得呢? 同一筆的金錢應用在其他的地方的時候,是不是可以有更好的效益呢?

迪士尼現在就像一個無底深潭,不停地用錢,要多少年才可以回本,以至能否回本都仍是未知知數。又例如機鐵,乘客量不及預期,而現在的香港站的月台後,就有了一個沒有用的月台。這不是浪費是什麼?

同樣,用七百億興建高鐵是否值得? 七百億,等如每名市民要付出一萬元,去建一條你可能一生也用不到一次的鐵路。如你所說,就算有預期3成的使用量,一年仍只是一千萬人,一人一串魚蛋也只不過是一千萬串。但現在要付出的整整七百億。是7後面有10個零的七百億。一串魚蛋5蚊姐係一百四十億串魚蛋呀! 尚未計算建後的各樣經常支出。

全港只得一個機場,當沒有選擇的時候大家當然要去。但兩個港澳碼頭,你住西環會不會去尖沙嘴那一個? 高鐵建在西九,大家有無數個選擇回內地,不一定要要選擇高鐵。同時,對於大部分市民來說,用其他的交通工具較快捷和便宜。為什麼還要 選擇高鐵呢?

建高鐵就和賭博沒有分別? 等一舖翻身?只怕越踩越深。七百億,是不是可以用在其他的地方,改善社會民生,而不是做成貧者越貧、富者越富呢?


[引用] | 作者 hingguu | 3rd Jan 2010 22:16 PM | [舉報垃圾留言]

[15]

你提及的西鐵、迪士尼例子,我不能認同.

西鐵的乘客量少過預期,但並不代表西鐵沒有效益.西鐵解決了新界西的交通樽頸,也避免了只靠屯門公路的風險.多年前,屯門大塞車,很多人在巴士被困了五個小時,便是因為當年沒有鐵路提供另一條出路.

自從西鐵接通尖東一帶之後,以我親身體驗來說,乘客量也是不斷上升.在西鐵通車之初,乘客量較少,傳媒大肆報道,其後乘客量回升,傳媒沒有興趣報道,所以你才會有西鐵效益不高的印象.

而且西鐵通車之後,分流了乘客,新界西的路面交通顯著改善,每日數十萬居民節省了乘車時間,這種效益,並不是只從西鐵乘客量可以看到.

至於迪士尼,同樣是客量少於預期,但仍然創造了不少工作機會(興建以及營運都有),增加了香港旅遊業吸引力,以及每年為幾百萬人次帶來歡樂.和西鐵一樣,有些效益,單看迪士尼盤數是看不的.例如我帶姪仔姪女去迪士尼玩,他們長大了後看當時的照片也感到好開心,這也是無形的效益.

何況迪士尼正在擴建,最終是否成功,還是未知之數,海洋公園早年也是蝕大錢,近年才賺錢,一個項目是否成功,並不是只靠開幕時的客量來斷定.

同樣道理,高鐵近七百億元投資,但每日預算有近十萬名乘客,就算最終只及預算的三成,也是每日三萬人,一年近一千萬人次.這樣多的人流,對香港的經濟怎會沒有幫助?每名高鐵乘客落車吉一串魚蛋,都講緊幾萬串了.

至於你說,高鐵只服待西九的一眾貴人,我想問,機場設於東涌,那麼機場是否只服待東涌居民?港澳碼頭在上環、尖沙咀,那麼碼頭只服待上環、尖沙咀居民?

就算沒有高鐵,現時也有很多香港人在珠三角謀生,有高鐵可以方便他們回港探親,但改善交通並不代表把「不夠優質的人」遷到比天水圍更遠的地方吧?時代愈進步,交通愈改善,居住與工作的地方可以相隔更遠,三十年前元朗居民很難在港島工作,現在已很平常,一個小時可以由港島回元朗.我認為,不能把改善交通,視為把「不夠優質的人」遷到遠方的陰謀.


[引用] | 作者 Mike | 3rd Jan 2010 18:35 PM | [舉報垃圾留言]

[14] like

我喜欢听哦


[引用] | 作者 DBA | 18th Dec 2009 09:40 AM | [舉報垃圾留言]

[13] Re: old doctor
old doctor :
現在當醫生得咁閒!


希望這不是諷刺話。
但我很慶幸醫生不只是埋首工作、數數賺了幾多錢,也會關心社會
孫中山也棄醫從文,認為醫身不如醫心、醫國,香港現在的確生病了。
高官們太傻太天真,難道一條高鐵就解決得了香港邊緣化、貧富懸殊、醫療失誤、商鋪租金暴漲、青少年吸毒問題、學生英語水平下降、跨區就業困難、政府部門互相卸責、市區重建原居民慘變人球……?簡直是頭痛醫腳。
話扯遠了,不過值得為了高鐵損害基層市民的利益嗎?政府要兩害相權取其輕。


[引用] | 作者 喔牛 | 9th Dec 2009 21:33 PM | [舉報垃圾留言]


謝理解!我花了兩天一共十小時做好,忙極,這些時間也是有的。只看人有沒有那個心。

[引用版主回覆] | 作者 星屑醫生 | 12th Dec 2009 00:52 AM

[12]

「香港人,你為甚麼可以不憤怒!?。」

只能說香港人做慣〔當奴〕,憤怒一下之後,不僅不會反抗,更會轉而憎恨打擾他們平穩美夢的人--參與社會運動的人

過去港英時代,尚有上升階梯的時代,當奴還可望做到奴上奴,今日連中等收入人士,生活質素都不斷下降
看看劉延東去博鰲論壇跟富豪第二代握手,香港落在富豪第一代手上,如今他們又準備把香港交給他們的第二代,香港人還要當奴,實在該死


[引用] | 作者 乙人 | 9th Dec 2009 17:54 PM | [舉報垃圾留言]


只能說香港人做慣〔當奴〕,憤怒一下之後,不僅不會反抗,更會轉而憎恨打擾他們平穩美夢的人--參與社會運動的人,這是精句,我要把它 twitter 了出去!

[引用版主回覆] | 作者 星屑醫生 | 9th Dec 2009 20:03 PM

[11] Re: 阿貓
阿貓 :

而這些精英之所以成為精英,全因為他們有千千萬萬個非精英為他們賺錢,然後這千千萬萬個非精英,再容讓他們延著臉把自己壓搾。這個會不會有點過了火,我同樣學醫(病理學),我覺得是千千萬萬其他人成就我的存在。我同樣努力30年,眼睛也弄至有毛病。我同樣反對特權,不過,我從來冇壓搾過人。作為學醫之人,如此說,有否以偏概全,希望你用詞要慎重...


第二點就是,我現在比較的是運輸旅遊紡織業等組別和我們醫學,會計,法律,教育等,你見到當中的奇怪之處嗎?

我沒說我們行業有壓搾業界,你不用趕著認。我是說,那些從業員沒份投票的業界代表,才是壓搾他們的人。你問問任何IT 界的人,那個IT立法會議員能代表他們嗎?NO la。

星屑醫生
[引用] | 作者 星屑醫生 | 9th Dec 2009 10:45 AM | [舉報垃圾留言]

[10]

而這些精英之所以成為精英,全因為他們有千千萬萬個非精英為他們賺錢,然後這千千萬萬個非精英,再容讓他們延著臉把自己壓搾。

這個會不會有點過了火,我同樣學醫(病理學),我覺得是千千萬萬其他人成就我的存在。我同樣努力30年,眼睛也弄至有毛病。我同樣反對特權,不過,我從來冇壓搾過人。

作為學醫之人,如此說,有否以偏概全,希望你用詞要慎重,不能一竹篙打一條船人,才配合你的所學。

功能组別是政權的手段,堅持保留功能組別的得益者是自私;但不能讓你作出上述結論,是兩回事呀!做醫生切忌過份主觀定論。

抱歉!開罪了!

阿貓
[引用] | 作者 阿貓 | 9th Dec 2009 09:18 AM | [舉報垃圾留言]


hi,這不是過不過火的問題,是在這事上採的路線問題。我這是中間偏左的看法。在政治光譜裡,一點不過火。對某些人,包括共產主義來說,還道不夠左。

所以不同意見需要對話,而不一開首就責難對方呢。haha。

[引用版主回覆] | 作者 星屑醫生 | 9th Dec 2009 10:30 AM

[9]

現在當醫生得咁閒!


[引用] | 作者 old doctor | 9th Dec 2009 08:30 AM | [舉報垃圾留言]

[8]

星屑先生,你的MV真棒!已經有人把你的MV貼在香港人網了!

http://www.hkreporter.com/talks/thread-849635-1-1.html


[引用] | 作者 Irene | 8th Dec 2009 21:40 PM | [舉報垃圾留言]

[7]

太好啦~perfect呀~講得好!


[引用] | 作者 Mr.M | 8th Dec 2009 14:37 PM | [舉報垃圾留言]

[6]

你很棒!加油哦.....


[引用] | 作者 芭比 | 8th Dec 2009 13:56 PM | [舉報垃圾留言]

[5]

我支持你... 我要將之傳開去!!
借來一用!!


[引用] | 作者 CC | 7th Dec 2009 23:53 PM | [舉報垃圾留言]

[4]

以今日之科技, 興建一條廿公里的鐵路, 竟然耗費六百多億元, 實在太悖乎常理了.


[引用] | 作者 Histo | 7th Dec 2009 22:25 PM | [舉報垃圾留言]

[3] 路過

難得呀

好少香港人有獨立思考能力了

支持你呀!!!!


[引用] | 作者 lo | 7th Dec 2009 21:25 PM | [舉報垃圾留言]

[2]

依隻真係大白象來~ 唔知有無人上下其手。

星屑醫生出心出力,仲唱埋,勁......!!

erich
[引用] | 作者 erich | 7th Dec 2009 18:24 PM | [舉報垃圾留言]

[1]

醫生:
D歌詞好正啦,而唱功都OK啦,但有進步空間.
如果可以在'頭條新聞'這類節目播出街就超正啦!


[引用] | 作者 NYK | 7th Dec 2009 15:09 PM | [舉報垃圾留言]