香港新浪網 MySinaBlog
« 上一篇 | 下一篇 »
星屑醫生 | 19th May 2010, 10:34 AM | 香港感情

 

Youtube 裡給人看了上萬次,留言足有七版,不過都是清一色的罵。「在電視看見,真想打爆電視!」「信佢一成,雙目失明!」是最常見的留言。

針對大橋:

1. 香港是個「囡囡」,中央是「阿媽」。這種觀念就值得一個大交叉!你估現在是文革時代,爹親娘親,不及毛主席親?

2. 即使是阿媽,她也可以是個不聞不問的阿媽,更可以是個偏心的阿媽。別忘了,她不是只有你一個囡囡的。

3. 即使中央是個愛你的阿媽,她也可以認為得到條裙對你未必好,就怕你得吋進呎。若令其他女也有樣學樣,那麼阿媽就肯定頂不住了。

4. 阿媽既然一心打算整條裙給個女,為甚麼一開始不實牙實齒講明?甚至可以讓阿女在過程中幫手,母女關係豈不和諧?在整裙的幾天裡令個女坐立不安,責任在阿媽。

5. 這個阿媽有信用嗎?四十年前殺了大家姐、二十年前在你眼前殺了二家姐... 到現在她才還不准你提起這件事。上兩年你想要條裙去ball,她明明白紙黑字寫了會給你弄來,可惜後來硬說你自己根本搞不清想要長裙還是短裙。結果你無裙去ball,她還說你咎由自取。這記憶還一直歷歷在目。

信任?信任是有基磋的。

6. 信任,能讓夢想成真?甚麼邏輯?甚麼理據支持這說法?實在「信任」根本不是達成夢想的方法。尤其是若然你信用破產,去銀行借錢的時候說「信任,讓夢想成真」,看看警衛會否轟你出去? 

你老實說「跪下,能讓你活下去」,我反而認同這是客觀事實。

7. 而核心問題是,即使阿女由頭到尾不信阿媽,若然阿媽真心愛囡囡想要整那條裙的話,還是會整。無心整條裙,話之阿女望穿秋水,信任阿媽信到地老天荒十二個永不,她也不會得到那條裙。

8. 真實卻是:

阿女說要條裙,阿媽整了條二手繡了隻飛龍的旗袍。阿女千萬個不情願,說太老套,「全世界都知道,去 ball 當然要穿ball 裙!」阿媽說:「不是一味要外國的東西就好,中國人,無條件穿西式 ball 裙!」拗了很久,阿媽終於說:「好,就玩鋪勁啦!」阿女滿心期待,誰知一看,還是之前那條旗袍,只不過在上面加多幾條彩帶。

「哪,加了後現代西洋元素,你就要了它吧!」阿女即刻 O 了嘴。

阿女覺得阿媽好過分,就想拿條裙去問下阿爸阿姨叔伯舅舅細佬「去ball 應穿ball 裙!?」是對是不對。正當叔伯親戚想回答之際,阿媽忽然下令:「邊個都唔準睬阿女!在我家,沒有明文規定可以全家表態!唔好攪攪震,否則唔好吃我煮的晚飯!」於是一眾三姑六婆連環禁聲,還放風說對於去 ball 是否一定要著西裙家裡根本沒有共識,甚至更離譜地說旗袍也是外國來的 ball 裙(因為旗人本是外族)!更有個夢熊阿伯說「你三歲到現在都未穿過西裙,現在忽然要穿,一定是給人利用了... 其實去ball 穿睡衣也可以...」

只有弟弟肯出聲,誰知阿媽即刻一哭二鬧三上吊,說弟弟不孝不忠,破壞家庭和諧。再說,即使弟弟說反對,還有十幾個家庭成員沒表態!沒表態,就是不贊成去 ball 必要穿 ball 裙了。

頂你。(忍不住,對不起。) 

「阿女,你先要了這條旗袍,這樣才有機會到你大學畢業時給你買了西裙。人要向前走,不能沿地踏步... (下刪百字)...」大姨媽說。「若你反骨傷阿媽心,阿媽反面不給你西裙、甚至甚麼裙都不給你,這責任在於你身上呀!」

這才是我們的真實,好可悲。 

「要我穿彩帶飛龍旗袍去 ball,我寧願無衫著!」再想深一層,我的ball 我自己去,我的裙我自己做出來,為甚麼要問阿媽? 

 

針對細橋:

1. 路過別家廚窗,看見別人的作品,回家抄參考抄襲,然後讓阿媽山寨式炮製。 

2. 港女式的囡囡一點不討好。

3. 「加班的父母」是無可奈何逼著要接受的現實,不值得誇獎。人應該活得更有質素!唔該唔好再硬 sell 做生做死的獅子山精神! 

4. 「媽咪咁忙,一定趕不及整我條裙啦。」暗暗責怪阿女,令人不知不覺認為這個阿女不好,一點都不體諒做母親的苦。甚至在搵食與扮靚之間盲目高舉扮靚,是個自私的不孝女。

5. 為甚麼政府可以賣政治廣告?這樣遊戲規則不是極偏頗嗎? 一定要投訴廣管局,政府賣不良產品廣告,企圖令香港人利益受損!


[19] 生活甜蜜美滿...推

生活甜蜜美滿...推
殺手春藥
免費下載a片
教你搞定心愛的美眉
80997ce5-fe2d-490d-b403-e5f3f45a9a5b


[引用] | 作者 催情無限 | 13th Jul 2011 08:29 AM | [舉報垃圾留言]

[18]

在下甘拜下風, 請繼續指教, 可以學到你萬分之一既功力, 都應該無慾無求。


[引用] | 作者 buy steroids | 11th Oct 2010 19:16 PM | [舉報垃圾留言]

[17]

對唔住,中國大陸讓你們那麼失望,內地已經被中國這個阿媽封鎖了所有壞壞的消息,很多NEWS已經被和諧,內地IE無法打開FACEBOOK,YOUTUBE等,我們睇新聞只知小小一部份。


[引用] | 作者 stan | 28th May 2010 15:58 PM | [舉報垃圾留言]

[16]

我第一次睇完個廣告,跟住o左嘴~ 關咩事ar, 做廣告個人超差lo~ 睇完都5知佢up咩, 一陣政府實話li個廣告5知又用左十萬9千7去整


[引用] | 作者 Dawn | 25th May 2010 02:14 AM | [舉報垃圾留言]

[15] Re: OMG
OMG : 70後 :繼通過興建高鐵, 補選唔投票之後, 香港政府又一浪費納稅人血汗錢既傑作。Yeah!正一70後傻仔。。。。

OMG, 你實在係與眾不同, 香港唔可以冇左你, 你先至係民主發展既典範, 在下甘拜下風, 請繼續指教, 可以學到你萬分之一既功力, 都應該無慾無求。


[引用] | 作者 70後 | 20th May 2010 23:39 PM | [舉報垃圾留言]

[14] Re: 70後
70後 :
繼通過興建高鐵, 補選唔投票之後, 香港政府又一浪費納稅人血汗錢既傑作。Yeah!


正一70後傻仔。。。。


[引用] | 作者 OMG | 20th May 2010 19:38 PM | [舉報垃圾留言]

[13]

繼通過興建高鐵, 補選唔投票之後, 香港政府又一浪費納稅人血汗錢既傑作。Yeah!


[引用] | 作者 70後 | 20th May 2010 18:28 PM | [舉報垃圾留言]

[12] Re: 一位80後青年
一位80後青年 :
OMG :

醫生仔,你又發燒呀?醒下啦你。
醫生個故仔作得好好喎~又夠應棍~omg你話人發燒前可否講出原因??omg仔, 你又發神經呀?醒下啦你。



喂,你發口痕呀?定發花癲先?定係先天性腦部發育不健全呀?
陰公,唉。


[引用] | 作者 OMG | 20th May 2010 06:41 AM | [舉報垃圾留言]

[11]

I read this thru facebook, a gentleman wrote this when finished watching the video, he said
the connotation係將政府同市民o既關係類比為家庭關係,以家庭的關愛灌輸「政府為人民」o既意識。唔關事唔緊要,呢D野播多幾次就可以潛移默化,成套片入面個「以溫情為基調o既信任」先係重點想宣傳o既意識。
不過要用到呢種咁冒險o既跳躍式discourse formation,政府一係就搏補選後可以趁亂取巧,一係就已經狗急跳牆。

I pretty much agree with it, but I doubt it will show any effectiveness, if u ask me.


[引用] | 作者 Celian | 20th May 2010 01:17 AM | [舉報垃圾留言]

[10]

四十年前殺了大家姐、二十年前在你眼前殺了二家姐...


[引用] | 作者 Frankie | 20th May 2010 00:10 AM | [舉報垃圾留言]

[9] Re: OMG
OMG :

醫生仔,你又發燒呀?
醒下啦你。




醫生個故仔作得好好喎~又夠應棍~
omg你話人發燒前可否講出原因??
omg仔, 你又發神經呀?
醒下啦你。


[引用] | 作者 一位80後青年 | 19th May 2010 22:32 PM | [舉報垃圾留言]

[8] Re: 星屑醫生
星屑醫生 :
我懷疑你留這幾隻字,未必有錢收。

醫生仔,我無錢收????
哈,多謝關心喎。
傻仔,你入左泛民????
你就真係無錢收。。。。。
仲肯定會嘔突。。。。。


[引用] | 作者 OMG | 19th May 2010 21:00 PM | [舉報垃圾留言]

[7]

老實說,OMG 的嘴炮很強 o.o
其實我都明白你的,有一篇其實講得好到肉。
我仲記得你話班卜街剩係識反,但又比唔到實質建議。
其實我都同意的,不過醫生又講得岩。
「藥石亂投既後果唔係奇蹟好番,而係死得仲快。」
咁講真,大家既心都唔係邪惡既,只係大家都見到不公既事先咁火爆姐。
我都唔係做咩架兩,其實我都好希望睇你地大戰 ga,可以學下野,不過只係心中有感而發多口講句 o.o


[引用] | 作者 阿甲 | 19th May 2010 20:40 PM | [舉報垃圾留言]

[6] Re: OMG
OMG : 醫生仔,你又發燒呀?醒下啦你。

OH!  偶像,又俾我見到你了。你唔講我都唔知,原來你fans club,入會費是否五條腳毛?我已準備好入會,如果個fans club未有會歌,我這小fans可否建議用這首歌?每次聽到這首歌,我就想起你英姿及你fans對你的支持,oh,偶像,我們一起和著你唱吧!!!!!!

   「無賴」

   但是仍 (在地球) 唯獨妳愛我這廢人

 出錯妳都肯去忍

 然而誰亦早知不會合襯

 偏偏妳願意等



 為何還喜歡我 我這種無賴

 是話妳蠢還是很偉大

 在座每位都將我踩 口碑有多壞

 但妳亦永遠不見怪



 何必跟我 我這種無賴

 活大半生還是很失敗

 但是妳死都不變心 跟我笑著捱

 就算壞 我也不忍心 (偷偷作怪)

 讓我緊緊的跟隨你,偶像!


[引用] | 作者 OMG的fans | 19th May 2010 19:50 PM | [舉報垃圾留言]

[5]

醫生仔,你又發燒呀?
醒下啦你。


[引用] | 作者 OMG | 19th May 2010 19:16 PM | [舉報垃圾留言]

我懷疑你留這幾隻字,未必有錢收。

[引用版主回覆] | 作者 星屑醫生 | 19th May 2010 19:29 PM

[4]

即係話hk抄人地西方玩民主,自己無創意無腦諗。

又諷刺你香港等如死靚妹,識講識抄唔識做,永遠要老媽子出手先造得好。

另外,你做女既唔好咁多爹問問問,整件野俾你係你執到,唔整俾你個衰女係道理。依d就叫做「信任」啦﹖知道無﹖

第一次睇依個廣告...... -.-


[引用] | 作者 艾力 | 19th May 2010 17:59 PM | [舉報垃圾留言]

[3]

第一次睇時未到最後真係估唔到sell乜,到最後出那兩句野,即 O 嘴


[引用] | 作者 星夜 | 19th May 2010 12:19 PM | [舉報垃圾留言]

[2]

香港政府唔環保!廣告含過量塑料成份啊.....


[引用] | 作者 阿甲 | 19th May 2010 12:17 PM | [舉報垃圾留言]

[1]

阿女理想條裙同阿媽整條裙相差十萬幾千尺...
阿女(香港人)明明想要條無帶露膊淺紫色腰間有個蝴蝶結,你就整條吊帶"電"紫心口有d波波...就話一樣???
差不多先生咩??

你叫我妥協??唔係掛,你試下問d女,件衫唔岩心水就唔岩...買件唔岩心水既,一定唔鍾意

更何況,依家個政改...政府對普選既立場...係旗袍(中國式民主??)同低胸裙既分別囉....


[引用] | 作者 路人 | 19th May 2010 12:15 PM | [舉報垃圾留言]