香港新浪網 MySinaBlog
« 上一篇 | 下一篇 »
星屑醫生 | 23rd Nov 2006, 09:00 AM | 虛擬玩樂, 影音熱潮

心裡不快活, 自然想去流浪. 《Men from Mars and Women from Venus》 也說到, 男人需要一個洞穴, 讓他們獨個兒躲進去舐舐傷, 可以靜一下, 休息歇口氣.

躲夠了就自然會走出來...

可惜醫生有大間診所要照顧, 真是連深圳也無法去得到, 而且家有嬌妻更不可丟下不理! 好在現在出走流浪早已變得很方便, 一開電腦, 在網路上, 就有大把世界讓你暫時逃離現實躲起來了.

這兩天, 我就浪進了這個《瑪奇mabinogi》 的世界.

Picture

我可說多年來縱橫網上遊戲! 一直愛玩單機 RPG game, 常喜歡拿戰斧和施放火燄魔法. 後來因為翻版遊戲問題嚴重, 適逢互聯網越趨發達, 各大遊戲公司紛紛放棄單機RPG 轉而開發 on-line RPG, 就是近年多如過江之鯽的「萬人網上角色扮演遊戲」 (MMORPG)了.    

On-line game 可說是現在最便宜的玩樂方式. 好像這個瑪奇 on-line, 程式在官網裡免費download, 600多MB 3小時download 妥當. 遊戲費用全免, 無端端一毫子都不用花即可隨意任玩. 我一向喜歡玩遊戲, 但卻常欠缺耐心, 花三/四百元買一個game 玩不到一星期就已開始放棄. 不像太太那般可以玩100多個小時《無雙》, 連出名悶煞人的「無限城」也打到上60層!!! 現在這樣免費暢玩, 偶爾玩一下實在好極.

我奇怪這樣子營運一個遊戲, 人力物力也要花耗不少, 究竟遊戲代理賺甚麼?

像我這種得閒才玩一玩的人, 練功升level 當然絕無可能追得上那些隱閉式天天在線的網迷. 雖然在很多的on-line game 裡我常能遇到一些很大方, 熱心助人而且level 又高的朋友幫忙練功, 不過始終還是不太喜歡和陌生人組隊. 於是升等升得慢, 錢賺得少, 入地下洞窟一下子就給「怪」圍死了... 漸漸就懶得玩.

不過原來現在遊戲公司會讓一些Game 舖代理, 來讓玩家交易遊戲貨幣的. 於是港幣100元買得瑪奇幣50萬, 立時就可以在遊戲裡購置一些高價的裝備, 大大加高了玩者角色的各項能力, 於是即使level 不高也能一個人進出洞窟, 遊戲性就大大提高了!  

Picture

說回這個《瑪奇》, 哈, 感覺相當不錯, 卡通風格尤其討好, 人物的動作表情流暢而且十分抵死. 遊戲的世界已大致確立了: 戰鬥, 生活, 技能提升, 以至騎乘, 房屋, 寵物系統都十分完善. 在裡面生活, 自由度十分大, 不必一味打怪練功. 我更喜歡它的「無職業設定」, 不用淨刨論壇學配點:「力敏盜賊」如何, 「純智魔法師」又如何如何, 卻會因應你做了甚麼大事而給你稱號. 總之技能很多, 喜歡練哪一個都可以, 我就希望做個施放法術的魔斧手. 玩家之間沒競爭性, 玩的時候心情就可以更覺放鬆, 就少聽到有吵鬧了. 年頭的時候我玩《魔獸世界》, 常在中立地方打獵的時候給敵對陣型的玩家殺死. 給殺得多自然無癮, 結果就再沒有玩了.

Picture

最特別的是遊戲有個音樂系統, 可以在遊戲裡作曲然後讓角色彈奏不同樂器公開表演給其他玩家聽, 十足就是一個「遊吟詩人」! 不能不提它的各種寵物, 看看圖:

PicturePicture
只能說, 超超超超超得意! 可愛到暈, 牠們還可以幫你負重, 戰鬥和施放法術, 對你忠心耿耿.
Picture
Picture
哇, 馬就更加正! 漂亮得沒話說.
看樣子我還有一輪沉迷, 天價再炒高幾倍的電視遊戲機? 叫它們過主吧!
Picture
延伸: 瑪奇官網
       瑪奇blog! (竟然有blog添!)

[26] Re: Re: Re: Re:
Skracl :
紫流 :我好耐之前一開始又係玩夜精獵人, 拖住隻龜一個人好搞笑, 可能因為我比較鐘意一個人玩, 所以玩獵人....而家連之前既pw都唔記得,由頭玩過, 又係玩番夜精獵人, 叫做「紫貓」不過我玩獵人下副本好似都係累街坊........(=..=")現在無聊又開了一個人類法師叫「金吉貓」

我做賊的!! 獸人!! 獵人solo 強, 有隻pet 幫手~ 好方便! 組隊要好好咁管住隻pet lo~~~ 成日lure 晒d 怪埋o黎~ hehe~
做賊其實用undead 會好d~ 瘦d喎難瞄準d喎~我d friend 話~ =,=

UNDEAD 個樣好騎呢. 甩皮甩骨好有趣.


[引用] | 作者 星屑醫生 | 27th Nov 2006 23:39 PM | [舉報垃圾留言]

[25] Re: Re: Re:
紫流 :
我好耐之前一開始又係玩夜精獵人, 拖住隻龜一個人好搞笑, 可能因為我比較鐘意一個人玩, 所以玩獵人....
而家連之前既pw都唔記得,由頭玩過, 又係玩番夜精獵人, 叫做「紫貓」不過我玩獵人下副本好似都係累街坊........(=..=")
現在無聊又開了一個人類法師叫「金吉貓」

我做賊的!! 獸人!! 獵人solo 強, 有隻pet 幫手~ 好方便! 組隊要好好咁管住隻pet lo~~~ 成日lure 晒d 怪埋o黎~ hehe~

做賊其實用undead 會好d~ 瘦d喎難瞄準d喎~我d friend 話~ =,=


[引用] | 作者 Skracl | 27th Nov 2006 22:58 PM | [舉報垃圾留言]

[24] Re: Re:
星屑醫生 :
紫流 :我好耐之前公測時都有玩呢個game呀~~而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

忘了問, 你們在wow 是甚麼角色? 我是夜精獵人, 叫星屑奧利安! 也就是獵戶座了! 超型!

我好耐之前一開始又係玩夜精獵人, 拖住隻龜一個人好搞笑, 可能因為我比較鐘意一個人玩, 所以玩獵人....

而家連之前既pw都唔記得,由頭玩過, 又係玩番夜精獵人, 叫做「紫貓」不過我玩獵人下副本好似都係累街坊........(=..=")

現在無聊又開了一個人類法師叫「金吉貓」


[引用] | 作者 紫流 | 27th Nov 2006 12:40 PM | [舉報垃圾留言]

[23] Re: Re:
Skracl :
紫流 :我好耐之前公測時都有玩呢個game呀~~而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

係咪玩台灣server ar? 玩開邊個呢~ ? 記得以前玩第一隻mmorpg (ultima online) 果陣最慘烈~ 死o左仲要被人打劫呀~ 辛辛苦苦掘o既礦同造o既武器就咁眼白白被人偷晒~ =,=
超開心有人認同wow最好玩~ hehehe~ btw, 以前有冇玩blizzard其他game (eg. diablo, wc1, wc2, wc3)

我有玩diablo, 那是所有人都會玩diablo的.


[引用] | 作者 星屑醫生 | 27th Nov 2006 11:51 AM | [舉報垃圾留言]

[22] Re:
米米 :
今日打算上網搵下自己身體既事點知就在無意間睇到"有時很潮, 有時卻也無聊~* 幸福就在面前, 只在乎你願不願走近來"比哩幾句深深甘吸引住..就按左入來睇睇左好幾遍..也有聽左醫生的廣播..覺得原來而家d醫生真係幾"in"
以前一直都唔對身體有留意..但係哩次就唔同..奇就奇在醫院檢查完也不知道是什麼病食了藥打了針的確好了...但停止食藥後兩天..也是今天身體也好像回到剛剛發病個陣..奇怪..
不過睇完你寫既野..有時真係覺得好奇妙既幸福就在面前..只在乎你願不願走近來的確面前既就係幸福..人係活在當下..而不是活在過去幸福永遠都在面前..而不是背後..嘻嘻..

對, 過去塑造現在的你, 現在的你則要抓面前未來的幸福! 拋包袱不容易, 反而更應轉化過去的包袱而成為現在可用的資產來抓幸福.


[引用] | 作者 星屑醫生 | 27th Nov 2006 11:50 AM | [舉報垃圾留言]

[21] Re:
紫流 :
我好耐之前公測時都有玩呢個game呀~~
而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

忘了問, 你們在wow 是甚麼角色? 我是夜精獵人, 叫星屑奧利安! 也就是獵戶座了! 超型!


[引用] | 作者 星屑醫生 | 27th Nov 2006 11:48 AM | [舉報垃圾留言]

[20] Re:
紫流 :
我好耐之前公測時都有玩呢個game呀~~
而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

我也覺得wow 的系統差不多是完美的. 不過我始終容易玩膩所有遊戲就是.


[引用] | 作者 星屑醫生 | 27th Nov 2006 11:47 AM | [舉報垃圾留言]

[19] Re:
Kat :
估唔到醫生除o左鐘意寫Blog之外,都鐘意玩on-line game.^^
By the way,我想問問風濕病的英文名稱係咩,thanks^^

風濕: rheumatic
類風濕: rheumatoid
關節炎: arthritis

喂, 我早說過香港的醫生不懂中文的呀... 哈.


[引用] | 作者 星屑醫生 | 27th Nov 2006 11:45 AM | [舉報垃圾留言]

[18] Re:
Tonia :
Hi Doctor, I just found out my girl is reading this

咦, 我也看看找不找到來讀下! 你女兒說好看嗎?


[引用] | 作者 星屑醫生 | 27th Nov 2006 11:43 AM | [舉報垃圾留言]

[17] 答各位!

艾力, JC: 換機啦! 4000元有一部夠玩有餘的呀!

重考生: PS3, Wii 都貴... 尤其是當你看見玩Wii 手掣飛脫打爆電視的可怕情況, 就知道還是正正經經玩傳統的遊戲機好了...

lomin: 試下啦, 最特別的是當你買了寵物, 可以用那寵物log in, 用狗狗的視角來玩!!!! 超特別!

skracl: 是呀, 真的很浪費時間, 所以免費是好的, 真有時間就玩玩, 沒時間也就算. 太浪費時間也真不好, 事實應該做的時還真多.

顏, 你過獎了. 多些留言啦, 要是多幾個人玩, 組隊就比較方便了. 祝你考試成功!


[引用] | 作者 星屑醫生 | 27th Nov 2006 11:41 AM | [舉報垃圾留言]

[16]

今日打算上網搵下自己身體既事
點知就在無意間睇到"有時很潮, 有時卻也無聊~* 幸福就在面前, 只在乎你願不願走近來"
比哩幾句深深甘吸引住..就按左入來睇
睇左好幾遍..也有聽左醫生的廣播..覺得原來而家d醫生真係幾"in"

以前一直都唔對身體有留意..
但係哩次就唔同..奇就奇在醫院檢查完也不知道是什麼病
食了藥打了針的確好了...但停止食藥後兩天..也是今天
身體也好像回到剛剛發病個陣..奇怪..

不過睇完你寫既野..有時真係覺得好奇妙既
幸福就在面前..只在乎你願不願走近來
的確面前既就係幸福..人係活在當下..而不是活在過去
幸福永遠都在面前..而不是背後..嘻嘻..


[引用] | 作者 米米 | 26th Nov 2006 15:19 PM | [舉報垃圾留言]

[15] Re: Re:
星屑醫生 :
太要組隊的我不行, 因為驚累街坊. 而且打副本那些太複雜了. 最重要是在40level 上下卡了等...

agree ar... 我都係鍾意solo多d~~~ 不過, 組隊有組隊o既味道, 我試過同4個人一齊打個副本 (有冇人知點解中文會釋副本呢~~??), 打o左4, 5 次.. 因為我o地係越級挑戰... 每次失敗o左, 都會反省下 & 重新部署過, 而且見到大家o既合作性高o左, 合拍o左~ 最後終於都完成到, 果種感覺果種成功感真係難以言喻呀~ ^_^

唔知其他人有冇依種感覺, 打solo唔會令一個人咁stick to隻game, 相反, 如果你 "以上" o既經驗越多, 就會越上癮越著迷~

hehehe~


[引用] | 作者 Skracl | 26th Nov 2006 00:12 AM | [舉報垃圾留言]

[14] Re:
紫流 :
我好耐之前公測時都有玩呢個game呀~~
而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

係咪玩台灣server ar? 玩開邊個呢~ ? 記得以前玩第一隻mmorpg (ultima online) 果陣最慘烈~ 死o左仲要被人打劫呀~ 辛辛苦苦掘o既礦同造o既武器就咁眼白白被人偷晒~ =,=

超開心有人認同wow最好玩~ hehehe~ btw, 以前有冇玩blizzard其他game (eg. diablo, wc1, wc2, wc3)


[引用] | 作者 Skracl | 26th Nov 2006 00:03 AM | [舉報垃圾留言]

[13] Re:
紫流 :
我好耐之前公測時都有玩呢個game呀~~
而家因為要日日響屋企休養, 得閒有精神就玩「魔獸世界」(wow)都係覺得魔獸最好玩...希望唔好比人暗殺就好~_~

太要組隊的我不行, 因為驚累街坊. 而且打副本那些太複雜了. 最重要是在40level 上下卡了等...


[引用] | 作者 星屑醫生 | 25th Nov 2006 17:02 PM | [舉報垃圾留言]

[12]

我好耐之前公測時都有玩呢個game呀~~

而家因為要日日響屋企休養, 得閒有精神就玩「魔獸世界」(wow)
都係覺得魔獸最好玩...希望唔好比人暗殺就好~_~


[引用] | 作者 紫流 | 25th Nov 2006 09:45 AM | [舉報垃圾留言]

[11] Re: Professional question?
Madame butterfly :
e生
咪玩住先, 我想問下現在流行洗腸, 你鼓唔鼓勵做?

消委會早前已經講過,洗腸不單沒有任何醫學或科學支持,還會有機會弄傷或受感染,電視新聞都有報導喎。


[引用] | 作者 starrynight | 24th Nov 2006 15:35 PM | [舉報垃圾留言]

[10]

估唔到醫生除o左鐘意寫Blog之外,都鐘意玩on-line game.^^

By the way,我想問問風濕病的英文名稱係咩,thanks^^


[引用] | 作者 Kat | 24th Nov 2006 14:14 PM | [舉報垃圾留言]

[9] Professional question?

e生

咪玩住先, 我想問下現在流行洗腸, 你鼓唔鼓勵做?


[引用] | 作者 Madame butterfly | 24th Nov 2006 10:39 AM | [舉報垃圾留言]

[8] Re:
Tonia :
Hi Doctor, I just found out my girl is reading this Book http://205.210.158.25/ipac20/ipac.jsp?session=1164C195124M3.12600&profile=ext&uri=link=3100008~!631297~!3100001~!3100002&aspect=basic_search&menu=search&ri=9&source=~!training&term=Judy+Moody%2C+M.D.+%3A+the+doctor+is+in%21+%2F&index=ALLTITL#focus


[引用] | 作者 Tonia | 24th Nov 2006 06:17 AM | [舉報垃圾留言]

[7]

Hi Doctor, I just found out my girl is reading this


[引用] | 作者 Tonia | 24th Nov 2006 06:16 AM | [舉報垃圾留言]

[6]

醫生你好~
我都睇o左你個blog個幾月啦~
呢次亦都係我第一次ge留言
好鍾意你ge文字 & o係度同唔同ge人交流
之前有d人話你ge玩樂類文章好得
哈~睇完呢篇~
我都好同意!^^
考完試,相信我好有機會會o係o個度流浪~呵呵


[引用] | 作者 | 24th Nov 2006 01:43 AM | [舉報垃圾留言]

[5]

我都係由玩rpg再演變成玩mmorpg的~ 但我好少玩中文game~ 玩o左WoW都兩年喇~

但係依d game真係好..... 虛耗時間~ 一打起上o黎就幾個鐘幾晚~~

hehe~


[引用] | 作者 Skracl | 24th Nov 2006 01:19 AM | [舉報垃圾留言]

[4]

睇完你個介紹, 即刻走左去download:p
未玩過呢類online game, 試下先~
睇左你o既blog一年啦, 都做左rom一年, 第一次留言:p
你的玩樂類文章好有影響力, 可能因為你連玩都高要求,所以有"質素保證" haha~


[引用] | 作者 lomin | 23rd Nov 2006 21:00 PM | [舉報垃圾留言]

[3]

比醫生講到我都有d想玩tim. 我睇下如果考完試冇野做,可能都會試下玩.

但係估唔到醫生太太咁好耐性, 肯玩到60層.

醫生唔會覺得連wii都係天價掛.


[引用] | 作者 重考生 | 23rd Nov 2006 18:40 PM | [舉報垃圾留言]

[2]

好似好好玩咁wo.... @_@

只怕用我部腦會慢到一格格咁看 ~

原來醫生與妻子都是機迷呢 ~ 呵呵....


[引用] | 作者 艾力 | 23rd Nov 2006 16:22 PM | [舉報垃圾留言]

[1]

你就好啦..有得玩, 我早2年搵到呢個game想玩..點知..唉~~
電腦唔爭氣, 配備唔得, d/l好晒都係有得睇冇得玩..激死我!


[引用] | 作者 JC | 23rd Nov 2006 14:08 PM | [舉報垃圾留言]