香港新浪網 MySinaBlog
« 上一篇 | 下一篇 »
星屑醫生 | 21st Feb 2007, 23:05 PM | 胡說生活

警告:以下內容非實用科學,不從西醫角度出發,敬請留意。

農曆新年,有害健康,多項新年後症狀全港爆發。

1)假期太短引致假期後抑鬱,有排未得復活(其實捱完個3月就復活的了!)

2)拜年時的惡性兢爭引致自我型象低落(阿乜表哥幾好幾好,阿乜表嫂個細佬個女幾叻幾叻...)及身份迷失 (被問到何時拍拖,何時結婚及何時生仔時...)

3)團年飯開年飯引致消化不良,脂肪積聚及老人癡呆(就是那髮菜蠔豉惹的禍了)

4)過量食用瓜子導致舌頭創傷及口腔發炎(筆者正身受其害,痛苦中)過量煎堆油角引致喉嚨發炎 (筆者正身受其害,痛苦中)

5)不停要笑不停要笑導致面部肌肉僵硬,和笑紋加深

)晚晚不肯睡, 或出去夜浦, 或追看做到凌晨4點的《新紮師妹》等笑片, 導致拜年時對著姨媽姑姐時的 GCS (格拉斯哥昏迷指數) 跌至11-14分= 遊魂, 而第二晚跌至3分= 陷於昏迷! (詳情可參考: 何謂昏迷指數?)

7)阿姐鍊喉式大唱賀年歌引致耳鳴(阿姐迷:你可以不聽的呀!)

8)參拜上香煙霧瀰漫引致眼睛敏感 (見他們個個戴著潛水鏡真好笑)

9)派發年尾雙糧和開工利是引發心痛 (筆者正身受其害,痛苦中)

10)逗得太多利是引致身痕 (這個就是抵死的!)

不幸出現以上徵狀,應盡早看醫生。


[18]

中一同十 ^0^


[引用] | 作者 Mo媽 | 23rd Feb 2007 19:55 PM | [舉報垃圾留言]

[17]

暫時一樣都唔中,由於冇放過假,所以連有後遺症既權力都無....


[引用] | 作者 護士小天使 | 23rd Feb 2007 16:30 PM | [舉報垃圾留言]

[16] Re: Re:
星屑醫生 :
cyt :
好在我樣樣都冇份,唔駛拜年唔駛拜神唔駛派利是..可惜都冇咩利是收..唉,唔係中第10點就發咯
你的年宵如何? 賺得盤滿缽滿吧.

你一定冇去我個blog睇哩嘿嘿,蝕到訓低呀哈哈!!(因為我唔係老細,所以我笑得出,做老細個幾位因為實力雄厚,都笑得出~~)


[引用] | 作者 cyt | 23rd Feb 2007 11:17 AM | [舉報垃圾留言]

[15] Re:
我就是我 :
我中咗好多種病懲........唉~~~ 過完年又要積極減肥喇~~~

這就是我們生活的推動力. 一個假望一個假, 天冷預備過年, 天熱又要減肥... 人生就快過, 你看, 一霎眼都3月了.


[引用] | 作者 星屑醫生 | 23rd Feb 2007 09:25 AM | [舉報垃圾留言]

[14]

我中咗好多種病懲........唉~~~ 過完年又要積極減肥喇~~~


[引用] | 作者 我就是我 | 23rd Feb 2007 01:20 AM | [舉報垃圾留言]

[13]

星屑醫生:

有關iTunes store 那邊,其實我改唔到。
要改的話,你需要在feedburner 內smartcast的podcast search keyword更改。


[引用] | 作者 pig | 22nd Feb 2007 15:18 PM | [舉報垃圾留言]

[12]

emoticon我冇過年後遺症,因為我每日都很抑鬱.而且,我亦打破傳統,冇食過團年飯,冇去過拜年,冇逗過利是,冇見過任何人,吃罐頭食品,一個人在屋企,斷六親.所以,我唔會受這些封建,虛偽傳統約束.


[引用] | 作者 楊過 | 22nd Feb 2007 14:10 PM | [舉報垃圾留言]

[11]

目前只中了第2點~
由於個人不喜歡年糕, 煎堆和大部份全盒食物, 免除了很多後遺症~
而且今年首次不用被迫跟家人到黃大仙, 也避免了被"香"薰的刑罰~ 哈~


[引用] | 作者 Oscar | 22nd Feb 2007 11:43 AM | [舉報垃圾留言]

[10] Re:
cyt :
好在我樣樣都冇份,唔駛拜年唔駛拜神唔駛派利是..可惜都冇咩利是收..唉,唔係中第10點就發咯

你的年宵如何? 賺得盤滿缽滿吧.


[引用] | 作者 星屑醫生 | 22nd Feb 2007 11:02 AM | [舉報垃圾留言]

[9]

好在我樣樣都冇份,唔駛拜年唔駛拜神唔駛派利是..可惜都冇咩利是收..唉,唔係中第10點就發咯


[引用] | 作者 cyt | 22nd Feb 2007 10:38 AM | [舉報垃圾留言]

[8] Re: Re: Re:
井蛙 : 星屑醫生 :井蛙 :有呀! 中了一、二、三點, 明天去看星屑醫生你係咪有利是逗! 蛙哈哈!可以, 至少我不會問你何時結婚呀, 哈哈. 嘿! 今晚真係去看政府門診醫生, 看看之前照的膝蓋, 到時他會決定是否轉介蛙做物理治療。點解要抽血呢?
這個真不知呢? emoticon 無血和這有關呀.


[引用] | 作者 星屑醫生 | 22nd Feb 2007 09:43 AM | [舉報垃圾留言]

[7] Re: Re:
星屑醫生 :
井蛙 :有呀! 中了一、二、三點, 明天去看星屑醫生你係咪有利是逗! 蛙哈哈!可以, 至少我不會問你何時結婚呀, 哈哈.

嘿! 今晚真係去看政府門診醫生, 看看之前照的膝蓋, 到時他會決定是否轉介蛙做物理治療。點解要抽血呢?


[引用] | 作者 井蛙 | 22nd Feb 2007 09:41 AM | [舉報垃圾留言]

[6] Re:
火綾 :
應該還有:
「因為過份堆起逗利是的笑容,引致面部肌肉過份緊張,嚴重者會變成長年笑面或笑不出」
另,不太明第六,新紮師妹和你眼光光有什麼關係 ??

哈, 你做下面部按摩啦, 還會引至笑紋加深.
我加這個上去.


[引用] | 作者 星屑醫生 | 22nd Feb 2007 09:12 AM | [舉報垃圾留言]

[5] Re:
流星 :
我暫時未中任何一病徵,因仍在假期中,我又無勁食、勁煲電視、碟,也沒有四出拜年……,不過這幾天執屋執到我日月無光。

那就好了. 總有人免疫. 我的舌瘡勁痛, 像有玻璃插著...


[引用] | 作者 星屑醫生 | 22nd Feb 2007 09:11 AM | [舉報垃圾留言]

[4] Re:
井蛙 :
有呀! 中了一、二、三點, 明天去看星屑醫生你係咪有利是逗! 蛙哈哈!
可以, 至少我不會問你何時結婚呀, 哈哈.


[引用] | 作者 星屑醫生 | 22nd Feb 2007 09:09 AM | [舉報垃圾留言]

[3]

應該還有:

「因為過份堆起逗利是的笑容,引致面部肌肉過份緊張,嚴重者會變成長年笑面或笑不出」

另,不太明第六,新紮師妹和你眼光光有什麼關係 ??


[引用] | 作者 火綾 | 22nd Feb 2007 08:12 AM | [舉報垃圾留言]

[2]

我暫時未中任何一病徵,因仍在假期中,我又無勁食、勁煲電視、碟,也沒有四出拜年……,不過這幾天執屋執到我日月無光。


[引用] | 作者 流星 | 22nd Feb 2007 01:55 AM | [舉報垃圾留言]

[1]

有呀! 中了一、二、三點, 明天去看星屑醫生你係咪有利是逗! 蛙哈哈!


[引用] | 作者 井蛙 | 22nd Feb 2007 00:53 AM | [舉報垃圾留言]