香港新浪網 MySinaBlog
« 上一篇 | 下一篇 »
星屑醫生 | 8th May 2007, 13:00 PM | 疾病與治療

嘉琳一句: 「醫生你自己做不做運動的?」問我得口啞啞. 後來Stannum 向我報說, 他的BMI 24點幾, 還每天做30分鐘以上的帶氧運動, 卻仍覺得不太夠! 哇, 其實那已是相當不俗的了.

剛巧昨天溫度上升至31度, 夏天令人想動多一點, 我也就下定決心要再做運動!

雖然作為醫生, 我卻一向沒有多大理會所謂健康生活, 只一味對自己身體的感覺才最著緊: 怕熱怕濕怕出汗, 怕累怕重更怕悶... 因此多年來都很少運動, 正正就是那種「四體不勤, 五穀不分」的人. 想當年沙士的時候我才是第二年的正式醫生, 還不能完全獨立運作, 又剛巧輪在骨科裡, 就算是留守在大後方. 雖然非緊急手術大都要暫停了, 仍不斷會有人跌傷斷骨需要進骨科處理. 那段期間全香港的人對自己的健康都有新體會, 我也是從那時開始對身體的狀況著緊多了點, 而且最緊要還是穿衣服可以好看些, 便把心一橫就 join 了個Gym 來做!

我覺得沙士時join Gym 其實是個很一流的決定, 朋友問我, 「哇, 裡面汗疊汗, 口沫橫飛, 豈不是個危險的地方!?」我卻反而認為沙士時去得到做 Gym, 還跑到大汗疊細汗的一定是個健康的人. 而且那時整間 Gym 裡空無一人, 全場任用, 又有很多職員不停在抹1:99, 因為他們才不能讓自己的Gym 上頭條成為沙士源頭, 因此這「最危險的地方」反而才是「最安全的地方」!

有網友說, 做了運動覺得更餓, 反而更吃多了. 這是個常見的現象, 通常因為做的運動不是有效的帶氧運動, 可能只是肌肉鍛鍊, 或運動時間不足. 結果消耗了的只是血液裡的血糖而不是脂肪, 於是血糖降低引發飢餓感, 就反而吃得多了.

血糖和脂肪的關係, 有點像天天要用的現金cash 和放在保險庫裡的金條. 血液裡流通使用, 像cash 那樣的能量形式是血糖; 多餘給儲起來以備不時之需, 像儲金條那般的能量形式就是脂肪. 有效的帶氧運動可以先消血糖然後動用脂肪, 那樣, 身體的脂肪比率才會有改善, 而不是純粹自己騙自己的體重減輕.

不過其實適量的脂肪儲備對身體的正常運作十分重要, 例如要製造荷爾蒙和其他必要物質, 因此不應該太過盲目討厭脂肪. 你看見健美先生很多都青筋暴現那樣子的, 就是因為脂肪比率降得太低, 於是連那些一向隱沒在脂肪裡的血管都顯現出來, 反而就不大好看了. 而且因為腹部欠缺骨骼結構, 於是肥肚腩就負起保護腹部器官的重大責任. 我曾在某事故中收過幾位身中多刀的病人, 其中兩人腹部都同樣中刀, 瘦的那個因為傷及內臟, 結果失血過多最終不治; 肥的那個卻只砍破了脂肪層, 略略縫針便很快康復, 想不到倒給肥腩救了一命呢. 


[26] Re:
Stannum :
如果每天做30分鐘運動不太見效﹐改為次數少些但做60分鐘﹐會不會好一些呢﹖
是會比較好! 中間一兩日做少少muscle training. 因為muscle 強些, 有助metabolic rate 高些, 就有助燃燒脂肪了. 而且人科d, 型d.


[引用] | 作者 星屑醫生 | 15th May 2007 18:48 PM | [舉報垃圾留言]

[25]

如果每天做30分鐘運動不太見效﹐改為次數少些但做60分鐘﹐會不會好一些呢﹖


[引用] | 作者 Stannum | 15th May 2007 10:39 AM | [舉報垃圾留言]

[24]

我有一個幾好o既減肥方法比各位男士享用,特別係一D冇野做,冇工番o既學生就更適合.
話說我上年考完高考之後冇野做,去搵暑期工.咁啱7仔倉請人,我就應徵,佢亦都請左我.我做左大約半個月,成果即刻出哂嚟.
腰圍 30'->28'or less
體重 65kg->61,62kg
身高 ~1.65m
份工可以當做一個減肥療程兼送錢.o係呢個療程入便,你唔需要減低你o既食量,但係要飲好多好多水.
當然,呢份工有潛在危險.同埋呢份工亦都會用好多時間.


[引用] | 作者 重考生 | 11th May 2007 12:09 PM | [舉報垃圾留言]

[23] Re:
:
好久沒來,發高燒病了,近期很多人病呢~講開做運動我上星期在一個醫生朋友介紹下去了上我的第一課泰拳,回來的確是[散晒]但居然真的輕磅了@@一個半鐘的威力,不過星期一換衫差點連腳也提不起來~哈哈,加上我足底有長期腳痛希望做d運動可以無咁痛啦~
做多些會反而無甘痛, 因為肌肉強化了.
你好些了嗎? 我也覺得泰拳減磅是很得的, 你看打的人個個都鋼條型你就知. 不過我覺得泰拳不大優雅就是... 哈.


[引用] | 作者 星屑醫生 | 10th May 2007 10:26 AM | [舉報垃圾留言]

[22] Re:
消遙人 :
星屑醫生~~
小妹的BMI係23.9,我覺得要開始做多D運動,但未做GYM的我,應該做什麼運動來收緊肌肉?因為小妹的身體線條不太好,大腿和小腿都很粗呢~~>_

拿, 你23.9, 其實只需略略keep 就得了. 我覺得可以游下水, 線條收得來而不會崩緊. 不用太劇烈, 反而可以游耐少少.


[引用] | 作者 星屑醫生 | 10th May 2007 10:24 AM | [舉報垃圾留言]

[21] Re:
護士小天使 :
早排忙考試,都冇時間做運動,依家出ward,放工又覺得好累,唔知出ward可唔可以當做左運動呢!
我覺得都幾當到, 好明顯能量消耗得幾犀利. 實情不會肥.


[引用] | 作者 星屑醫生 | 10th May 2007 10:17 AM | [舉報垃圾留言]

[20]

早排忙考試,都冇時間做運動,依家出ward,放工又覺得好累,唔知出ward可唔可以當做左運動呢!


[引用] | 作者 護士小天使 | 9th May 2007 19:02 PM | [舉報垃圾留言]

[19]

好久沒來,發高燒病了,近期很多人病呢~講開做運動我上星期在一個醫生朋友介紹下去了上我的第一課泰拳,回來的確是[散晒]但居然真的輕磅了@@一個半鐘的威力,不過星期一換衫差點連腳也提不起來~哈哈,加上我足底有長期腳痛希望做d運動可以無咁痛啦~


[引用] | 作者 | 9th May 2007 13:25 PM | [舉報垃圾留言]

[18]

星屑醫生~~

小妹的BMI係23.9,我覺得要開始做多D運動,但未做GYM的我,應該做什麼運動來收緊肌肉?因為小妹的身體線條不太好,大腿和小腿都很粗呢~~>_


[引用] | 作者 消遙人 | 8th May 2007 23:41 PM | [舉報垃圾留言]

[17] Re: Re:
星屑醫生 :
MINGMING :吓?肚腩反而救咗自己?但係我仲好想減咗個肚腩佢喎~~~做SIT UP又會腰骨痛, 做帶養運動又減到手腳, 減唔到肚腩... 唉~~~ 煩惱呢~~~不要做sit up, 減不到的. 做都做roll up, 起碼不怕整親背脊. 不過集中做腰會漲大, 連帶覆在上面的脂肪層, 條腰看起來更粗!

條腰看起來更粗?

吓? 咁唔好喇...


[引用] | 作者 mingming | 8th May 2007 23:40 PM | [舉報垃圾留言]

[16]

你的小肚腩理論好有趣!如果我中刀,我一定死更...我都是要快些增脂增肌先至得!


[引用] | 作者 水翟 | 8th May 2007 21:56 PM | [舉報垃圾留言]

[15]

emoticon 星屑醫生,乜你想做多d運動咩?不如,你走去當兵,參加英軍,跟"哈理"王子,去"伊拉克"做軍醫.你有冇睇過"雷霆救兵"?包你fit,又增添人生色彩,分分鐘"英女皇"頒個爵士,封地比你.


[引用] | 作者 湯漢斯 | 8th May 2007 21:50 PM | [舉報垃圾留言]

[14]

晚安,星屑醫生。

我一點肚腩也沒有……
假若不幸的話受傷,會有危險嗎? (笑)

我一直都有多一點脂肪暖暖身。


[引用] | 作者 魅音館 | 8th May 2007 18:23 PM | [舉報垃圾留言]

[13] Re: Re: 喘氣和老抽
星屑醫生 :
原本我也想join physical, 但總覺得physical 好像女仔比男仔多, 就怕好像看女仔那樣.
又唔係噃!我去 Shatin Physical,都好多男仔喎!


[引用] | 作者 五師兄 | 8th May 2007 17:08 PM | [舉報垃圾留言]

[12] Re:
Totoro :
我想....你也不及我懶,自入冬後,我除了在醫院落樓梯外,什麼運動也沒有做過呢!

那已經很大運動量了. 你知, 由這個block 去那block, 行好遠, 特別是有overflow 到無雷公, 更慘.


[引用] | 作者 星屑醫生 | 8th May 2007 16:57 PM | [舉報垃圾留言]

[11] Re: 喘氣和老抽
五師兄 :
我也是 Physical 的長期捐獻者。但今天的 BMI 升了上 25.0,是時候去做真運動了!(昨天做的「假運動」是從 HKU Lib 的地下行上三樓,然後喘氣十前鐘 and 雙腳大腿老抽!)(喘氣和老抽是我運動的一部份!)

你說老抽真的好好笑. 原本我也想join physical, 但總覺得physical 好像女仔比男仔多, 就怕好像看女仔那樣.


[引用] | 作者 星屑醫生 | 8th May 2007 16:56 PM | [舉報垃圾留言]

[10]

我想....你也不及我懶,自入冬後,我除了在醫院落樓梯外,什麼運動也沒有做過呢!


[引用] | 作者 Totoro | 8th May 2007 16:49 PM | [舉報垃圾留言]

[9] Re:
wingwing :
少少就好, wingwing 太多脂肪, 我已經join 了 physical !

還是恆心重要呀.


[引用] | 作者 星屑醫生 | 8th May 2007 16:43 PM | [舉報垃圾留言]

[8] Re:
cyn :
那麼你的gym會藉最後是超值還是變成供款活動? :p
我呢, 會籍就ok, 但同時為了會籍不會荒廢, 就跟了教練做, 那就真是奉獻活動! 不過我覺得都學得幾好, 能終生受用. 打好底, 就算一輪懶了無做, 做翻好快take up.


[引用] | 作者 星屑醫生 | 8th May 2007 16:39 PM | [舉報垃圾留言]

[7] Re:
MINGMING :
吓?肚腩反而救咗自己?但係我仲好想減咗個肚腩佢喎~~~做SIT UP又會腰骨痛, 做帶養運動又減到手腳, 減唔到肚腩... 唉~~~ 煩惱呢~~~

不要做sit up, 減不到的. 做都做roll up, 起碼不怕整親背脊. 不過集中做腰會漲大, 連帶覆在上面的脂肪層, 條腰看起來更粗!


[引用] | 作者 星屑醫生 | 8th May 2007 16:15 PM | [舉報垃圾留言]

[6] 喘氣和老抽

我也是 Physical 的長期捐獻者。但今天的 BMI 升了上 25.0,是時候去做真運動了!(昨天做的「假運動」是從 HKU Lib 的地下行上三樓,然後喘氣十前鐘 and 雙腳大腿老抽!)(喘氣和老抽是我運動的一部份!)


[引用] | 作者 五師兄 | 8th May 2007 15:46 PM | [舉報垃圾留言]

[5] Re:
cyn :
那麼你的gym會藉最後是超值還是變成供款活動? :p

哈哈...變咗供款活動~~~ 我諗住今個月就CUT咗佢, 轉會去第度...


[引用] | 作者 MINGMING | 8th May 2007 15:41 PM | [舉報垃圾留言]

[4]

不是覺得不夠﹐而是覺得做了幾個月都未見效哪。目標是想減5kg﹐回復以前身形。


[引用] | 作者 Stannum | 8th May 2007 14:35 PM | [舉報垃圾留言]

[3]

少少就好, wingwing 太多脂肪, 我已經join 了 physical !


[引用] | 作者 wingwing | 8th May 2007 14:08 PM | [舉報垃圾留言]

[2]

那麼你的gym會藉最後是超值還是變成供款活動? :p


[引用] | 作者 cyn | 8th May 2007 13:24 PM | [舉報垃圾留言]

[1]

吓?肚腩反而救咗自己?
但係我仲好想減咗個肚腩佢喎~~~
做SIT UP又會腰骨痛, 做帶養運動又減到手腳, 減唔到肚腩... 唉~~~ 煩惱呢~~~


[引用] | 作者 MINGMING | 8th May 2007 13:16 PM | [舉報垃圾留言]