香港新浪網 MySinaBlog
« 上一篇 | 下一篇 »
星屑醫生 | 30th May 2007, 18:46 PM | 虛擬玩樂, 影音熱潮

平均分: 10.00 | 評分人數: 1

今天竟有奇遇, 第一次到有線電視錄影廠試cue.

我看過有線電視新聞主播張宏豔小姐的書《再見女主播》, 想不到裡面所說的情況今天都一一活現眼前. 遊電視台, 對我來說真是十分新奇而且難忘的體驗呢.  

所謂試cue, 原來就是試試看著鏡頭讀稿, 學習電視台錄製節目的運作方式, 還有預先預習和綵排節目的錄播程序. 記得張宏豔的書裡也有說到, 攝影機鏡頭前原來都架著一幅反光玻璃鏡面, 字幕會從下面投影到鏡面上. 於是主持人只要眼望著鏡頭, 自然能同時間看到稿子, 不須要事先將每隻字背進腦裡.

不過要講得好真的好難. 第一次試講真正緊張, 感覺就是整個人也繃直起來. 一時間心裡有很多負擔: 說話要清析, 順暢, 淡定而且感覺輕鬆; 說出來的話要握要, 言之有物又要令人容易明白; 一set 三部camera, 遠鏡時望一號機, 大頭就要曉得自然地慢慢望向二號機, 還要時不是望望拍擋作眼神交接, 不要一直眼定定; 耳伴還隨時會傳來控制室裡導演的提示聲音, 這時就要能不動聲色的照著指示執生...

哇, 初初學, 真是應接不暇.

事後看片, 才知道自己的樣子看起來原來很呆, 常不記得笑, 笑起來又有點牽強, 腰不夠挺直, 臉也有點側, 還時會食螺絲... 相比身邊那位專業的拍檔 Mani, 真是差天共地呀... 不過真要多謝真正的女主播Mani 和監製Ada 的鼓勵和幫助, 還有那位臨時扮作嘉賓醫生的有趣小姐 (sorry, 忘了問妳的名字...). 全靠她們向我逗趣, 我才能放輕鬆些笑多一點.

還沒說, 節目是有線電視財經資訊台, 逢星期日上午10時現場直播的《至fit 男女》. 我當客席主持的集數還未正式錄播, 要遲一點才會有得看. 節目會談論到很多有用的醫療技術和健康知識, 看了真會很有得著, 還可以phone-in 來問問題呢. 如果想看看我如何呆的話, 就請細心留意, 看看幾時出現一個醫生古古怪怪的, 怕且那就是我了...




[34]

Thank you so much for your effort to educate the public. It is at least as important as treating the patients. A gram of prevention is worth a kg of cure, right? Keep it up!! It is absolutely not easy to speak in front of the camera. I had video made of myself reading news stories at a CNN studio tour. Unlike you, I had to pay. :)) It was both fun and nerve wrecking.


[引用] | 作者 Sasa | 10th Jun 2007 13:15 PM | [舉報垃圾留言]

[33] Re: Re: Re:
cyt :
星屑醫生 :cyt :我有裝有線!好野!你個幾集係邊日做呀?暫不說實, 總之要過一排... 哈.

咁好難個個星期日坐係到捕你嗃..講實下好嗃


七月中開始啦... 哈哈. 我覺得好尷尬呢...


[引用] | 作者 星屑醫生 | 1st Jun 2007 12:35 PM | [舉報垃圾留言]

[32] Re: Re:
星屑醫生 :
cyt :
我有裝有線!好野!你個幾集係邊日做呀?暫不說實, 總之要過一排... 哈.

咁好難個個星期日坐係到捕你嗃..講實下好嗃


[引用] | 作者 cyt | 1st Jun 2007 12:22 PM | [舉報垃圾留言]

[31]

我。都。冇。裝。有。線。呀~~~~~~


[引用] | 作者 VL | 1st Jun 2007 02:40 AM | [舉報垃圾留言]

[30] Re:
張的 :
估唔到cable會採取「自殺式」式攻擊?!醫生,有無聽到Mani不停叫真神阿拉?好左我得now :p.
死仔,忘了說,代我多謝你老表一聲。


[引用] | 作者 星屑醫生 | 1st Jun 2007 01:03 AM | [舉報垃圾留言]

[29]

估唔到cable會採取「自殺式」式攻擊?!醫生,有無聽到Mani不停叫真神阿拉?好左我得now :p.


[引用] | 作者 張的 | 1st Jun 2007 00:40 AM | [舉報垃圾留言]

[28]

>.


[引用] | 作者 | 31st May 2007 20:32 PM | [舉報垃圾留言]

[27]

哎呀....無裝有線喎, 無得睇添~~~><

 不如出咗街之後你擺片段o既哩度丫...


[引用] | 作者 mingming | 31st May 2007 18:52 PM | [舉報垃圾留言]

[26] Re:
kk :
記得keep fit D收0下身, 扮靚D先上鏡唔好令D blog fan屎失望!

死喇, 我呀, 遠看, 落朦鏡還ok, 現在大頭, zoom 埋去, 還呆呆的... 沒有太高希望, 就不會失望了... 嗚


[引用] | 作者 星屑醫生 | 31st May 2007 17:24 PM | [舉報垃圾留言]

[25] Re:
George :
haha... really a star class GP lar... hope you can replace Kwan Ka Mei...haha
哈, 也不是star 不star, 我聽得有些同學之前都上過去的了. 不過這次叫做客席主持, 也會幫手interview 另外的嘉賓.


[引用] | 作者 星屑醫生 | 31st May 2007 17:22 PM | [舉報垃圾留言]

[24]

記得keep fit D
收0下身, 扮靚D先上鏡
唔好令D blog fan屎失望!


[引用] | 作者 kk | 31st May 2007 17:10 PM | [舉報垃圾留言]

[23]

haha... really a star class GP lar... hope you can replace Kwan Ka Mei...haha


[引用] | 作者 George | 31st May 2007 16:41 PM | [舉報垃圾留言]

[22] Re:
pig :
醫生勁呀!會唔會做番集3分鐘podcast 講下電視台既野?
你乘機提我... 哈. 近來真的忙就真. 有機會有機會啦.


[引用] | 作者 星屑醫生 | 31st May 2007 16:03 PM | [舉報垃圾留言]

[21] Re:
佐治古尼 :
《至fit 男女》,以前,我有Cable時侯,間中都有睇,其中有個"營養師",都幾靚仔架.教人打邊爐,要注意吃d乜,什麼食物最多油.新年食品,注意d乜,才能食得健康,又唔會肥等...
就是這些了. 哈, 營養師還是說這些比較適合, 好過說甚麼踢爆網上誤傳那些啦. 哈哈.

我應該無人地甘靚仔了. 哈哈哈. 不過要對你說句多謝, 你還真捧我的場呢.


[引用] | 作者 星屑醫生 | 31st May 2007 16:02 PM | [舉報垃圾留言]

[20]

醫生勁呀!
會唔會做番集3分鐘podcast 講下電視台既野?


[引用] | 作者 pig | 31st May 2007 13:38 PM | [舉報垃圾留言]

[19]

emoticon 至fit 男女》,以前,我有Cable時侯,間中都有睇,其中有個"營養師",都幾靚仔架.教人打邊爐,要注意吃d乜,什麼食物最多油.新年食品,注意d乜,才能食得健康,又唔會肥等...


[引用] | 作者 佐治古尼 | 31st May 2007 13:09 PM | [舉報垃圾留言]

[18]

emoticon 頂!我剛剛cut咗"有線",合約到期.無計啦!始終見唔到你,什麼樣貌?不過,唔緊要!星屑醫生,我打算提名你今屆"香港先生"選舉.剩係穿條泳褲,在台上濕身天才表演,各位觀眾,一定想睇醫生冇穿白袍,唔著衫救人,又有d咩唔同呢?究竟,星屑醫生,面向六百萬觀眾,表演d乜,大家一定好想睇!光豬六壯士??????最精彩環節,就係接受"Do Do姐,朱恩,或肥姐"盤問,即時扮暈,叫你人工呼吸,有老婆望住,你又會點做呢?台下女士們,不停歡呼喝采,猛男!全部都係考你d急才.


[引用] | 作者 李察基爾 | 31st May 2007 12:45 PM | [舉報垃圾留言]

[17] Re:
一打 :
我家的有線將於17/6終止,希望在那天之前可以看到。
這就趕不及了...


[引用] | 作者 星屑醫生 | 31st May 2007 12:32 PM | [舉報垃圾留言]

[16] Re:
cyt :
我有裝有線!好野!你個幾集係邊日做呀?
暫不說實, 總之要過一排... 哈.


[引用] | 作者 星屑醫生 | 31st May 2007 12:32 PM | [舉報垃圾留言]

[15] Re:
才子 :
依!星屑醫生,你轉行拍戲,有線電線"搵你試鏡開拍"E.R."做明星呀?Very Good啦!"早就應該係咁啦,外國d記者,演員等...他們攞住幾個學位,分鐘鐘係醫生,律師嚟添,好普通.係"香港"先咁畸型,搵埋d唔識做戲的演員,扮演角色.編劇導演又水皮,差不多先生,拍出來d戲又唔真實,一大堆鬧劇,嘈嘈吵吵,香港嘈音污染,已經非常嚴重,又打樁,又車聲等...返到屋企,開電視,都要爭家產,吵吵鬧鬧,十幾廿年,港產電視劇,都係咁,冇變過.我都唔知點解,仲咁多人睇,慣性收視?還是,香港人不願進步,仲停留"口腔期"階段?轉過"明珠台,國際台"睇下,人哋d電視劇,靜好多架.
~ 口腔期... 已算不俗的了.
哈, 不是拍戲, 只是略略做幾集主持吧了. 我是玩票性質, 也開眼界, 是新體驗~ 不過英美劇當然是好得多, 但我會有時略嫌題材嚴肅, 因為港人壓力比別國大就是千真萬確的. 而且港劇的親切感就始終大些.

我就好想看season 2 的supernatural. 我的now 好像沒有axn.


[引用] | 作者 星屑醫生 | 31st May 2007 12:30 PM | [舉報垃圾留言]

[14]

emoticon 依!星屑醫生,你轉行拍戲,有線電線"搵你試鏡開拍"E.R."做明星呀?Very Good啦!"早就應該係咁啦,外國d記者,演員等...他們攞住幾個學位,分鐘鐘係醫生,律師嚟添,好普通.係"香港"先咁畸型,搵埋d唔識做戲的演員,扮演角色.編劇導演又水皮,差不多先生,拍出來d戲又唔真實,一大堆鬧劇,嘈嘈吵吵,香港嘈音污染,已經非常嚴重,又打樁,又車聲等...返到屋企,開電視,都要爭家產,吵吵鬧鬧,十幾廿年,港產電視劇,都係咁,冇變過.我都唔知點解,仲咁多人睇,慣性收視?還是,香港人不願進步,仲停留"口腔期"階段?轉過"明珠台,國際台"睇下,人哋d電視劇,靜好多架.


[引用] | 作者 才子 | 31st May 2007 12:16 PM | [舉報垃圾留言]

[13]

我有裝有線!好野!你個幾集係邊日做呀?


[引用] | 作者 cyt | 31st May 2007 09:49 AM | [舉報垃圾留言]

[12]

我家的有線將於17/6終止,希望在那天之前可以看到。


[引用] | 作者 一打 | 31st May 2007 09:46 AM | [舉報垃圾留言]

[11]

to all,

太太讀了你們的留言, 笑不攏嘴. 她說, 怎麼人人都先伸明家裡沒有裝有線電視... 哈哈. 其實也是有點可惜的, 因為這節目其實製作得十分認真, 而且說及的資訊比類似節目更入肉, 例如有環節會教在藥房裡買得到的健康產品的成份和功效, 這些, 其實到診所問醫生也未必問得到的.

哈, 才客串幾集, 算不上紅不紅也... 這節目好像在現場播影之後會循環重播的, 有緣就會相見... 忽然想, 這許是電視版醫生會伊人!?


[引用] | 作者 星屑醫生 | 31st May 2007 09:15 AM | [舉報垃圾留言]

[10]

看來那節目不是給弟兄姊妹看啦! :P
會不會重播架?


[引用] | 作者 pinocchio | 31st May 2007 00:38 AM | [舉報垃圾留言]

[9]

Me Too! 我都好想看看, 期待呢~~!


[引用] | 作者 lilyrose | 30th May 2007 23:49 PM | [舉報垃圾留言]

[8]

我係外國更加冇cable啦..不如你搵日揖錄一小節放上youtube畀我地呢啲"fans"睇下啦~ XD


[引用] | 作者 JC | 30th May 2007 23:27 PM | [舉報垃圾留言]

[7]

咦! 你用真身, 還是用回星屑醫生呢! 嘿! 好期待!


[引用] | 作者 井蛙 | 30th May 2007 22:53 PM | [舉報垃圾留言]

[6]

哈哈,我當年都試過cue,以為好易,但原來真的好難讀,看見自己在鏡頭中的笨樣,就知道自己唔係做電視的材料!!

可惜我冇cable,冇得睇醫生的表演!!


[引用] | 作者 小彭 | 30th May 2007 22:28 PM | [舉報垃圾留言]

[5]

嘩! 真的決定上電視了?
好o野! 佩服! ^o^
第時影容你, 係咪要叫你做"星級blogger"? ^o^


[引用] | 作者 sidekick | 30th May 2007 21:58 PM | [舉報垃圾留言]

[4]

星屑兄成了電視紅人,幾時出閃卡,記得幫我簽名,要三張,一張儲兩張炒(笑),只可惜我家就是沒有線...


[引用] | 作者 shadowzo | 30th May 2007 21:50 PM | [舉報垃圾留言]

[3]

醫生越來越紅,可惜我冇有線,唔可以見到醫生。


[引用] | 作者 護士小天使 | 30th May 2007 21:49 PM | [舉報垃圾留言]

[2]

醫生靚仔!實紅!


[引用] | 作者 TinTin | 30th May 2007 21:38 PM | [舉報垃圾留言]

[1]

哎呀~ 好想看呀﹗不過我家中沒有cable,點算﹖


[引用] | 作者 流星 | 30th May 2007 21:21 PM | [舉報垃圾留言]