香港新浪網 MySinaBlog
« 上一篇 | 下一篇 »
星屑醫生 | 13th Jun 2007, 11:45 AM | 細味愛情

平均分: 9.50 | 評分人數: 2

太太想做點髮質修護和從新染個亮麗的顏色, 最終卻給髮型師遊說了試試轉換新髮型. 正好那天我又貪舒服去了做facial, 太太剪完髮的時候我還未做完. Facial 小姐中途出去拿架生, 回來時告訴我太太來了. 她之前從來未見過太太, 就說了一句「啊, 你太太好 lady.」

我答說:「是呀, 我喜歡她比較 lady.」

「Lady 些也是好的, 不過其實你們還年輕, 這lady 的style 等過多幾年還不遲.」Facial 小姐饒有深意地說.

做完 facial 行出接待處, 霎眼間看見有兩位女士坐著, 卻看不見太太. 我心想, 或者facial 小姐錯以為別個女郎是我太太吧.

「星屑!」我轉過頭來, 才發現其中一位女士原來真的是太太! 噢, 那個可惡的髮型師! 一把長髮給剪掉了, 竟... 換來了一個葉劉頭!

Picture

初見的時候, 我有點發獃. 雖不至於立時兩耳嗡的一聲然後滿天星斗, 卻有種類似「恨錯難返」的感覺襲上心頭.

太太問:「是不是不很好看?」
我說:「都ok.」
又問:「我早說這種髮型和我不相襯, 髮型師卻硬說信我, 信我啦.」
我說:「都ok, 都ok.」
再問:「唉, 這樣子...」
我說:「都ok.」

我才發現「都ok」原來是我的口頭禪. 乘車回家的時候, 我的心裡有點忐忑, 還有一種異樣的陌生感覺. 她轉過頭來看我, 我本想安慰幾句, 卻又不知如何說才好, 就有意無意別轉頭過去. (事後想來, 我真的衰到極 emoticon , 對不起...) 的士是在街上隨手截來的, 誰知司機竟是那些 8折的士的小隊隊長, 呔盤前面放著幾部電話, 全程響個不停, 有時還一手聽電話, 一手寫號碼. 換在平時我可能會耐著性子不發作, 不知是否自己心裡有點毛燥, 就發脾氣罵了他幾句.

回到家裡, 太太沒作聲, 連忙洗了個頭. 我找本雜誌來讀, 她用風筒吹來吹去, 又對著鏡子試試別上不同的髮夾. 我瞥見她的眼圈好像紅了.

半夜她推醒我說不開心, 特別是覺得我的態度不好令她傷心. 我半夢半醒, 也不記得答了她甚麼, 大概是說先睡好, 明天再找別個髮型師執執吧.

好在第二天約得到另外一位相熟的髮型師, 就為她從新再剪了一次, 這次理了一個清爽的短髮. 我覺得這短髮很適合太太, 她笑靨如花, 又問我好不好看.

「好看極了.」我由衷地說, 心裡很高興. 太太怪我膚淺, 她醜樣點我就不理她, 她漂亮了我就雙眼發光. 我也自反省, 整件事上自己表現得實在差勁, 實在對所有女生來說, 外表都總有一定程度的重要性, 我卻在她懊惱的時候非但沒能表現體貼, 反過來更落井下石了. 雖然我覺得我其實並不是純粹因為她好看不好看而覺不快, 卻是當見到她懊惱的時候, 連我自己也一樣覺得懊惱; 見到她喜上眉稍的時候, 自己也會一併為她感到高興和滿足.

人家說「女為悅己者容」, 作為「悅她」的人, 最高興的, 確是當見到自己所愛的女孩紅粉菲菲, 光彩流轉, 打扮得漂漂亮亮, 開開心心.

前幾天太太買了個新手袋 (BV 又減價了!), 她愛不釋手, 喜孜孜的不停把玩, 還對著鏡子搭左搭右看看笑笑. 我看著她, 又覺得很高興, 很滿足了.

對不起, 下次我會好些的. (還有下次!? emoticon)


[32] Re: Re:
星屑醫生 :
cscs :星屑醫生咁貪靚o既.. 去做facial哈, 不是貪靚, 是貪舒服就真. 老實講, 真的好舒服, 次次做我都睡到不停的.

現在很多男人都去做facial。


[引用] | 作者 VL | 21st Jun 2007 16:50 PM | [舉報垃圾留言]

[31] Re:
cscs :
星屑醫生咁貪靚o既.. 去做facial
哈, 不是貪靚, 是貪舒服就真. 老實講, 真的好舒服, 次次做我都睡到不停的.


[引用] | 作者 星屑醫生 | 16th Jun 2007 15:57 PM | [舉報垃圾留言]

[30]

星屑醫生咁貪靚o既.. 去做facial


[引用] | 作者 cscs | 16th Jun 2007 12:17 PM | [舉報垃圾留言]

[29]

haha.... 我都好怕這種問題....老婆問的問題向來都不會答得好~~~太老實死硬, 正面回答佢又唔信, 真係答又死唔答又死~~~


[引用] | 作者 George | 16th Jun 2007 01:37 AM | [舉報垃圾留言]

[28]

sorry,我常常將個「的」字快手打成個「艇」字。@_@


[引用] | 作者 VL | 15th Jun 2007 04:01 AM | [舉報垃圾留言]

[27]

我估,你是不想唔小心講錯話hurt了她才這樣反應吧。-_-
不過,你這些反應又幾老實呵。^^

乜真係咁「葉劉頭」?那個幫妳太太剪髮艇可是新仔?


[引用] | 作者 VL | 15th Jun 2007 04:00 AM | [舉報垃圾留言]

[26]

抵你太太嬲你!
佢自己都已經好唔開心,你的行為火上加油呀


[引用] | 作者 Mabel | 14th Jun 2007 22:06 PM | [舉報垃圾留言]

[25]

每個人欣賞的角度不一樣,
不管是對事或對人,
都會因為角度不同,
而有不同的觀點,
最重要的是自己開心就好.


[引用] | 作者 eva1355 | 14th Jun 2007 18:14 PM | [舉報垃圾留言]

[24]

唉,我都深明你太太的不開心,幸好佢第二天已經搞番掂個頭。

我都試過電髮電了一個師奶頭,慘不忍睹,但頭髮不夠長去作任何補救,只得忍幾個月,一眾女同事深表同情,連男上司都勸我「快些改善形象」,真是想撼頭埋牆:(


[引用] | 作者 Maisy | 14th Jun 2007 15:45 PM | [舉報垃圾留言]

[23] 真話定假話??

好多時真話是殘酷的, 所以女人成日話要聽真話男人就記住要留力啊....
奇實你真是很好的老公, 相信你太太已原諒你, 你的結婚兩週年紀念評核'補考'通過了, congratulations!
我識我老公14年了, 所以某程度已很自我, 亦已很慣老公識看我面色, 實話ok/好, 呢d似是而非的答案. 若髮型師送過葉劉頭俾我, 我會將你太太在家洗頭個part在髮型屋內做, 問他借風筒吹埋, 然後紮馬尾走人!


[引用] | 作者 3lamma | 14th Jun 2007 10:09 AM | [舉報垃圾留言]

[22]

丫.....星屑你晌的士拎轉頭個下真好衰呀星屑太冇即時喊出0黎你算好彩啦.


[引用] | 作者 肥老襯 | 14th Jun 2007 09:02 AM | [舉報垃圾留言]

[21] Re: Re: Re:
@小尤@ :
星屑醫生 :
肥彭 :掃把頭,唔係掛,邊個咁大整蠱呀?其實,有咩所謂,咁小事.我都唔知邊個係你太太,我介紹套愛情小品戲,給你兩夫妻睇,時裝設計師"鄧達智"亦推介過,"西片:愛情洗剪吹",睇完包你們開心番.不過,這些家庭事,如果你們有需要,我都識很多社工,可以轉介比家庭服務部,社工亦是另一種專業.仲有,星屑醫生,我想知你,罵了的士佬d咩?我都識得人,架的士搵食.他兩隻手離開呔, 一手聽電話, 一手寫number. 好危險, 當然要罵, 我命在他手上呀.

嘩~~咁就危險D.....點可以咁架@_@"
HAHA......你太太d 頭髮真係有d似........................
乜乜官員咁..ha...@@"

你那天有見她吧,現在好OK 了。


[引用] | 作者 星屑醫生 | 14th Jun 2007 01:41 AM | [舉報垃圾留言]

[20] Re:
elly :
女仔就係咁架啦,希望自己愛的人多點關心,會因為伴侶嘅關心而開心,被對方一舉一動牽動自己的情緒,又會因伴侶嘅一點不尋常行為而胡思亂想/唔開心;不過,你都好錫星屑太丫!
這次我真的學乖了。不敢不敢。


[引用] | 作者 星屑醫生 | 14th Jun 2007 01:40 AM | [舉報垃圾留言]

[19] 看看這個腐化的金融中心的真實一面

為錢內訌!著名財經「演員」決裂 1
http://hk.myblog.yahoo.com/jw!r.ks6pGZFRkkQwj3r_h6OqI-/article?mid=272
為錢內訌!著名財經「演員」決裂 2
http://hk.myblog.yahoo.com/kenny7371/article?mid=273&prev=274&next=272


[引用] | 作者 投資人 | 13th Jun 2007 21:32 PM | [舉報垃圾留言]

[18]

女仔就係咁架啦,希望自己愛的人多點關心,會因為伴侶嘅關心而開心,被對方一舉一動牽動自己的情緒,又會因伴侶嘅一點不尋常行為而胡思亂想/唔開心;不過,你都好錫星屑太丫!


[引用] | 作者 elly | 13th Jun 2007 18:05 PM | [舉報垃圾留言]

[17] Re: Re:
星屑醫生 :
肥彭 :掃把頭,唔係掛,邊個咁大整蠱呀?其實,有咩所謂,咁小事.我都唔知邊個係你太太,我介紹套愛情小品戲,給你兩夫妻睇,時裝設計師"鄧達智"亦推介過,"西片:愛情洗剪吹",睇完包你們開心番.不過,這些家庭事,如果你們有需要,我都識很多社工,可以轉介比家庭服務部,社工亦是另一種專業.仲有,星屑醫生,我想知你,罵了的士佬d咩?我都識得人,架的士搵食.他兩隻手離開呔, 一手聽電話, 一手寫number. 好危險, 當然要罵, 我命在他手上呀.

嘩~~咁就危險D.....點可以咁架@_@"
HAHA......你太太d 頭髮真係有d似........................
乜乜官員咁..ha...@@"


[引用] | 作者 @小尤@ | 13th Jun 2007 17:15 PM | [舉報垃圾留言]

[16]

有時真係好怕去整頭,好不好看係個人觀點,當個髮型師堅持時您都唔知反唔反對佢好,
又驚整嬲佢囉您個髮型黎玩,不過男人就係咁,次次剪完頭髮明明佢自己睇唔慣,硬要
話人地個頭怪,剪得唔好仲要踩多兩腳,唔緊要啦~等我同星屑太太講下悄悄話先~
如果下次佢真係再係咁,咁您就整個佢話唔好睇既假髮[例如個葉劉頭]係工餘時間,
要佢帶住出街,咁佢就清楚切身明白到女生會有幾傷心啦~唔洗勞氣架~不過想像如果
1生帶個咁既假髮會,勁好笑~哈哈


[引用] | 作者 | 13th Jun 2007 16:37 PM | [舉報垃圾留言]

[15]

similar things happened to me as well...felt really bad when your loved one thought you looked bad...so...be a good boy next time. Women are quite sensitive to their look most of the time. haha


[引用] | 作者 ali mama | 13th Jun 2007 15:53 PM | [舉報垃圾留言]

[14] Re:
sidekick :
好在第二天約得到另外一位相熟的髮型師, 就為她從新再剪了一次, 這次理了一個清爽的短髮. 我覺得這短髮很適合太太, 她笑靨如花, 又問我好不好看.
<-「好看極了.」我也由衷地說! ^o^
我才發現「都ok」原來是我的口頭禪<- 係囉係囉!我都覺!有些不老實啊~ 

? 甚麼不老實? 哈.
太太千叮萬囑我要代她謝謝你.


[引用] | 作者 星屑醫生 | 13th Jun 2007 13:01 PM | [舉報垃圾留言]

[13]

好在第二天約得到另外一位相熟的髮型師, 就為她從新再剪了一次, 這次理了一個清爽的短髮. 我覺得這短髮很適合太太, 她笑靨如花, 又問我好不好看.

<-「好看極了.」我也由衷地說! ^o^

我才發現「都ok」原來是我的口頭禪
<- 係囉係囉!我都覺!
有些不老實啊~ 


[引用] | 作者 sidekick | 13th Jun 2007 12:45 PM | [舉報垃圾留言]

[12]

昨晚為了這事和太太傾了計, 我從中明白了多一點, 就改了這個歉意版. 哈.


[引用] | 作者 星屑醫生 | 13th Jun 2007 11:51 AM | [舉報垃圾留言]

[11]

其實見到她懊惱係咪更加會逗回她開心呢?
大家一齊懊惱,氣氛就更差.

你卻有點像發她脾氣一樣.


[引用] | 作者 Crystal | 12th Jun 2007 21:54 PM | [舉報垃圾留言]

[10]

髮型大改動(特叮是女孩子)真是膽搏膽呀...不過你今次...應該話你對太太好真!


[引用] | 作者 Carrie | 12th Jun 2007 21:50 PM | [舉報垃圾留言]

[9]

咁樣證明星屑你唔係好識氹女人, 不過咁都好, 即係你唔係口花花果種~ 哈哈!


[引用] | 作者 JC | 12th Jun 2007 21:14 PM | [舉報垃圾留言]

[8]

你應該話比太太聽, 如果無剪呢個掃巴頭, 又點會有呢個「短髮的驚喜」呢
一年365日都靚爆鏡, 無咩花款轉下會好悶架 emoticon


[引用] | 作者 Sweetie Emily | 12th Jun 2007 20:47 PM | [舉報垃圾留言]

[7]

短頭髮迎接夏天...好清爽呀~~~
好適合去沙灘踼水& 和陽光玩遊戲啦~~~


[引用] | 作者 ~秋千~ | 12th Jun 2007 20:41 PM | [舉報垃圾留言]

[6]

如果我望住我老公個陣佢轉過頭唔望我,我會好hurt~~


[引用] | 作者 cyt | 12th Jun 2007 20:31 PM | [舉報垃圾留言]

[5]

emoticon 啊!原來係咁,咁你唔好話自己"發脾氣",這三隻字,令人誤會.


[引用] | 作者 肥彭 | 12th Jun 2007 19:42 PM | [舉報垃圾留言]

[4] Re:
肥彭 :
掃把頭,唔係掛,邊個咁大整蠱呀?其實,有咩所謂,咁小事.我都唔知邊個係你太太,我介紹套愛情小品戲,給你兩夫妻睇,時裝設計師"鄧達智"亦推介過,"西片:愛情洗剪吹",睇完包你們開心番.不過,這些家庭事,如果你們有需要,我都識很多社工,可以轉介比家庭服務部,社工亦是另一種專業.仲有,星屑醫生,我想知你,罵了的士佬d咩?我都識得人,架的士搵食.
他兩隻手離開呔, 一手聽電話, 一手寫number. 好危險, 當然要罵, 我命在他手上呀.


[引用] | 作者 星屑醫生 | 12th Jun 2007 19:32 PM | [舉報垃圾留言]

[3]

emoticon

香港公教婚恩輔導會:http://ifsc.cmac.org.hk/index.php


[引用] | 作者 月老 | 12th Jun 2007 19:31 PM | [舉報垃圾留言]

[2]

emoticon 掃把頭,唔係掛,邊個咁大整蠱呀?其實,有咩所謂,咁小事.我都唔知邊個係你太太,我介紹套愛情小品戲,給你兩夫妻睇,時裝設計師"鄧達智"亦推介過,"西片:愛情洗剪吹",睇完包你們開心番.不過,這些家庭事,如果你們有需要,我都識很多社工,可以轉介比家庭服務部,社工亦是另一種專業.仲有,星屑醫生,我想知你,罵了的士佬d咩?我都識得人,架的士搵食.


[引用] | 作者 肥彭 | 12th Jun 2007 19:22 PM | [舉報垃圾留言]

[1]

都ok... o者係唔ok啦!


[引用] | 作者 阿文 | 12th Jun 2007 18:38 PM | [舉報垃圾留言]