香港新浪網 MySinaBlog
« 上一篇 | 下一篇 »
星屑醫生 | 15th Aug 2007, 17:30 PM | 生命留痕

平均分: 8.00 | 評分人數: 2

寫過《天才的歪路》, 那時胡亂作的其中一個結論是: 天才倒是頗為容易走歪的.

香港忽然掀起「天才熱」, 上年的摘星少年陳奕希, 今年的會考女神童, 9歲進大學的詩鈞... 還有一眾在不同方面都有特出表現的資優生. 說著說著, 才發現香港教育當局雖然口口聲聲說不搞精英教育, 將5個BAND 轉成3個, 又逼學校交出獨立辦學管理權... 骨子裡, 還是會把特別的人特別地分辨出來.

9歲入U, 在香港確是新奇事. 這社會求才若渴, 最好盡快給他入大學裝備好, 然後短期內學有所成蜚聲國際, 就為之獅子山下的一個新傳奇了. 然而這樣的一條成長路, 對這位小朋友來說, 就會是好路嗎?

我估他一定會說好希望能立刻進大學. 然而我卻想指出一點, 智商可以比別人高, 情商EQ 卻未必同時高人一等. 人生經驗更是沒得跳班的, 他是9 歲就是9 歲, 再老積也只做了9 年人.

功課應付得了, 其他範疇就應付得了? 連青春期發育都未開始, 自己一套價值觀應該遠遠未及成形, 然而大學不是為意識形態打造基礎的好地方, 卻是容讓不同的信仰價值思潮衝撞激碰的反應堆. 根基未穩, 他在這些衝擊中能如何自處? 待人接物, 表達技考和情緒控制等, 中學階段還未掌握好就已經太遲, 因為一進大學門檻, 已經要懂得靈活運用了.

其他的知識: 語文, 基礎科學, 地理, 經濟, 商業, 政制, 通識都不用學了? 結果他識做數不識做人, 五穀不分, 政治冷感, 和社會脫節... 又算不算另類的高分低能?

又會讓他參加迎新營的時候舔奶油麵包嗎?

其實我不覺得所有人的人生路都應該一個模子的打印出來, 也不會堅持說所有人都必須經過中學階段. 然而我們會發覺, 我們當中很多人都留戀青荵歲月, 甚至會說生命最好的日子就在那時, 因為中學階段實在對人生有一定程度的重要性. 很多所謂最知心的「一世朋友」都在那時認識, 因為我們都是從那時候開始尋覓自己, 然後建立自己, 和同輩一起跌碰, 一起成長, 繼而一同成熟起來. 現在這位小朋友9 歲要跳進大學裡, 他的同輩關係就給割裂了.

讓9 歲小童走進19 歲的圈子, 根本只如趕羊進入了狼群中. 我才擔心, 容易有19 歲或以上的同學肯和他成為密友嗎? 又會有9 歲的小朋友不嫌他「怪」而能和他好好溝通嗎? 他又會如何超脫自己這「高人一等」的思維, 肯「紓尊降貴」的和同齡的小朋友交往呢?

且看各間大學對他那副功利的嘴臉, 你認為香港真的曉得栽培天才嗎? 讓他過早進入大學, 剝削他享受正常成長的生命過程, 我覺得這不是給他最適當的栽培, 反而看起來, 倒像是對他作為天才的懲罰.

當然子非魚, 不會知魚之樂, 也可能說,「夏蟲不可語冰」. 不知為何, 卻想起了梅豔芳她9 歲給逼出荔園賣藝的故事. 結果早開的花就早敗了...

其他的還有傷仲永, 神童輝, 成語拔苗助長等等... 天才給埋沒了固然可惜, 若是走歪, 就更是悲劇了.

始終覺得, 還是做普通人開心些.


[58] Re:
黑桐 :
我個人是比較建議一邊讀中學(最好無或者很少功課)、一邊玩、課餘一邊上大學的特備課程又或者到專家學者們雲集的地方去學習這種模式啦~ 因為可以讓人有多點自由選擇和發展的空間,對個人成長也頗有益處。當然,由我這種'愚人'提出來的意見應該沒有多少說服力;可能由'更恰當的人'提出的建議更有用:Advice on gifted education。無論是天生早熟的、人工刻意訓練的、或者體質特殊(學者症候群)的'天才'在肉體上、精神上也終歸屬於靈長目智人屬的普通生物一名,不論將來是要有所成就、發揮所長也好;又或者選擇平平凡凡、簡簡單單地過日子也好;甚至乎到尼泊爾做個喇嘛僧,追尋人生真理也好,只要是生物個體能自覺地選擇了自己喜歡的過程和結局便足以找到一份屬於自己的幸福了。旁人(包括家長在內)的「努力(?)」、操心、疑惑同憂慮也是徒勞。
說得好極~ 最喜歡你說是靈長目智人屬... 真! 不敢說是最重要, 但還是覺得自己喜歡是好重要的.


[引用] | 作者 星屑醫生 | 6th Sep 2007 13:13 PM | [舉報垃圾留言]

[57]

不好意思,打錯後面的連結 > 可能由'更恰當的人'提出的建議更有用:Advice on gifted education


[引用] | 作者 黑桐 | 6th Sep 2007 13:12 PM | [舉報垃圾留言]

[56]

我個人是比較建議一邊讀中學(最好無或者很少功課)、一邊玩、課餘一邊上大學的特備課程又或者到專家學者們雲集的地方去學習這種模式啦~ 因為可以讓人有多點自由選擇和發展的空間,對個人成長也頗有益處。當然,由我這種'愚人'提出來的意見應該沒有多少說服力;可能由'更恰當的人'提出的建議更有用:Advice on gifted education

無論是天生早熟的、人工刻意訓練的、或者體質特殊(學者症候群)的'天才'在肉體上、精神上也終歸屬於靈長目智人屬的普通生物一名,不論將來是要有所成就、發揮所長也好;又或者選擇平平凡凡、簡簡單單地過日子也好;甚至乎到尼泊爾做個喇嘛僧,追尋人生真理也好,只要是生物個體能自覺地選擇了自己喜歡的過程和結局便足以找到一份屬於自己的幸福了。旁人(包括家長在內)的「努力(?)」、操心、疑惑同憂慮也是徒勞。


[引用] | 作者 黑桐 | 6th Sep 2007 13:07 PM | [舉報垃圾留言]

[55]

謝謝大塚和流星. 人都是對自己交代得了就夠, 始終又真的無法討好所有人.


[引用] | 作者 星屑醫生 | 3rd Sep 2007 09:33 AM | [舉報垃圾留言]

[54]

我重複又重複的把這篇文看了數遍,根本看不出文章是在鬧、在罵,醫生不過是就「資優生」入大學作出一點回應和憂心,有甚麼問題﹖

我相信,真正認識醫生的人自然會明白和支持醫生,of course, including me la.


[引用] | 作者 流星 | 2nd Sep 2007 22:23 PM | [舉報垃圾留言]

[53]

你呢篇文寫得幾好幾中肯,
有咩問題呢??


[引用] | 作者 大塚日月 | 31st Aug 2007 23:25 PM | [舉報垃圾留言]

[52]

emoticon 今晚(30-8-2007),收聽FM 99.7,今夜陽光燦爛 9:10pm,"顏聯武,葉恩明醫生",跟聽眾討論.何謂天才?


[引用] | 作者 阿甘 | 30th Aug 2007 15:12 PM | [舉報垃圾留言]

[51]

我讚成最高工時,因為做醫護人員,社工,教師,紀律部隊等職業,同外面的工作唔同,他們成日超時工作,都係冇補水.出面的工種,如果,老闆話要開OT,有冇得補水,咪同老闆傾掂去,最高工時,根本唔會影響市場. 最慘!97,經濟低迷,現在開OT冇錢呢?我問過很多人都係咁,每晚,最小開到八至九點,才可以收工.老闆未走,無嘢做,都唔比收工. 我屋企附近的社區中心,我晚上11:45pm打電話搵社工查詢,她們仲未走,仲可以搵到她們,但係社區中心10:00pm關門,你話社工有冇得向政府追討超時的工資?教師,救護員,懲教處職員,更加唔洗講添啦! 

上年(1-4-2006),就有個中年男人,因為長期疲累,睇中醫浸藥浴而死,一日做十幾個鐘,有錢都冇命洗,現在,他要去(冥通銀行)出糧.


[引用] | 作者 肥彭 | 30th Aug 2007 15:00 PM | [舉報垃圾留言]

[50]

emoticon 我個腦好似除左up埋晒政治之外,我都鐘意諗女人.Co.C0姐,身材好勁呀!異人Co.Co.同我生翻個"秦始皇"出嚟.


[引用] | 作者 呂不韋 | 30th Aug 2007 02:40 AM | [舉報垃圾留言]

[49]

emoticon 我都講唔到咁多,不如你自己聽下其他人講,節目重溫"黎則奮"頻道(14-8-2007),自由風自由Phone(29-8-2007).如果,你住居屋,苦業主,仲死呀!賺埋賺埋都夠比1億2千萬維修費,每戶要比10萬元.由2007年7月11日開始,逢星期三晚download重溫. "黎則奮"頻道(14-8-2007)扎鐵工人,訴心聲,工潮背後因由:http://www.myradio.com.hk/  自由風自由Phone(29-8-2007)擁有三個學位,中年失業,年齡歧視:http://www.rthk.org.hk/rthk/radio1/openline_openview/20070829.html 民間電台,居屋維修,豪宅價11-7-2007):http://210.17.188.211/%7Efm1028org/yesterday/list.htm  


[引用] | 作者 呂不韋 | 30th Aug 2007 02:38 AM | [舉報垃圾留言]

[48]

文少,唔諗政治唔得呀!我都唔想諗呀!大佬,有很多嘢殺到埋身,政府政策,向大商家佬傾斜,你睇下附近d超市,便利店越開越多,就知啦!我估遲d士多,小販檔,變成集體回憶.由加唔加交通費,至開徵銷售稅,都係政治嚟架!很多香港人,真係為咗慳一百幾十,計住計住煩腦架!你唔好以為開網吧,就影響到你,萬一開銷售稅,水電媒,加租,咁租你電腦加唔加先?咁d學生哥,師奶,麻甩佬,長遠計過條數,去網吧仲貴過自己買部電腦,在屋企上網,或去同學屋企打機,到後來,咪又係益咗d網絡供應商,又係那幾間集團老鬧.9月,又要開學,每年,書商都借頭借路,改版加價,只係改少少嘢,改變幾幅插圖位置,買教科書,一年貴過一年,沙士期間,經濟低迷,都照改版加價.政府要做果d又唔去做,唔應該做果d又亂攪,改策一改,又很難返轉頭.又話攪高科技,數碼港,結果,又係變了攪地產,益咗"小超人".又唔去開拓e-book,連保守封建的"新加坡"都推行了e-book,學生唔使帶書包返學,買貴書.呢個政府唔去攪e-book,但係又嚴重超支,撥款4億去攪Wi-Fi,咁d學生或普通市民都買唔起e-book,Notebook,PDA,咁d Wi-Fi又比d咩人用呢?以後,亦唔需要去酒吧上網.如果,Wi-Fi係比人傾生意,商業用途,咁點解又要立稅人,政府比錢d人去傾生意賺錢呢?佢可以申請3G服務,反正都開翻公司數.而且,我聽網上電台I.T.人講,那幾個小小地方,攪Wi-Fi根本唔使要4億咁貴,開大數.我都講唔到咁多,不如你自己聽下其他人講,節目重溫"黎則奮"頻道(14-8-2007),自由風自由Phone(29-8-2007).如果,你住居屋,苦業主,仲死呀!賺埋賺埋都夠比1億2千萬維修費,每戶要比10萬元.由2007年7月11日開始,逢星期三晚download重溫.扎鐵工人,訴心聲,工潮背後因由(14-8-2007):http://www.myradio.com.hk/擁有三個學位,中年失業,年齡歧視http://www.rthk.org.hk/rthk/radio1/openline_openview/20070829.html居屋維修,豪宅價:http://210.17.188.211/%7Efm1028org/yesterday/list.htm


[引用] | 作者 呂不韋 | 30th Aug 2007 02:27 AM | [舉報垃圾留言]

[47]

根本很多學校的建設是多餘的,刻意開大數,就好似我以前的夜校為例,暑假裝修,把全部冷氣機換新的,我看過大部份舊的冷氣機,其實可以繼續用,相同牌子(開利牌),一樣是兩匹機,我唔知換來做乜,浪費公帑;由於裝了隔音破璃,冬天都要開冷氣,電費又入學生數;在操場按裝多十幾支射燈,比大陽更曬,比乜人用呀?日校生己經放學,日校生又唔會用的,夜校學生一年最多用兩次,走火警演習,最小又唔見幾十萬連人工;禮堂內的油木地板,用了幾十年,很實用,全世界都知,幾十年前的木地板,係越用越靚,幾年前,校長說不想換新的,但教统局要她交份詳盡報告,官僚得很,校長又怕教统局CUT撥款,唯有照做,装修換過新地板後,經常滲水,攪到每年都要撥款维修;另外,將一間班房装修按裝寬頻,添置廿多部全新,但是舊款的手提電腦,專给夜校學生使用的,我估最小過百萬,但夜校生很小用的,因為都未放工,我唔明白點解不能共用日校的電腦房,反正都有校工睇住,唔驚有人破壞,用了兩年又停了!

大佬呀,教统局麻林攪咁多無用的硬件建設,你繼續資助夜校生的學費好過啦!外判後,老師減薪,大幅加學費,又要交冷氣費.所以,我對教统局極之憤怒,對"李國章"極之不滿.


[引用] | 作者 呂不韋 | 30th Aug 2007 02:22 AM | [舉報垃圾留言]

[46]

特衰政府,又賤賣資產,(領滙),又賤賣(九鐵),去年,保安已經裁員1000人.

九鐵資產900,沿線鐵路地產物業發展,估值3000,(特衰政府)250,賤賣資產! 又成日叫窮,要滅赤?

反轉政府,賤賣九鐵,又無得減車費,最多減一成,咁賤賣來做乜?


[引用] | 作者 呂不韋 | 30th Aug 2007 02:17 AM | [舉報垃圾留言]

[45]

水塘水浸,排洪浪費三億;維港巨星會又浪費過億;3G,又用低價出售益電訊公司;红灣半島益地產商,賤賣土地;西九龍建造四座歌劇院,又乜人睇呀?保守估計政府最小要蝕四佰多億,益地產商,你當香港是(維也纳)?仙樂飄飄處處聞?(澳洲)的歌劇院也每年蝕錢,要政府補貼;每年,强積金有五百多億倒落鹹水海,益咗啲基金公司,到你60歲退休後,是追唔到通賬,加上你長命咗;奧運攪馬術,又唔見十幾億,馬術是以前外國貴族的玩意,唔係人人玩得起,要睇血统,跟香港用的賽馬完全不同,2012年奥運會又取消馬術,西鐵四百幾億建築費,結果沒有人坐,年年蝕錢,攪到九鐵想跟地鐵合併,拖累地鐵;由尖沙咀至红磡鐵路支線1公里,要四十幾億成本,你知唔知有幾貴呀?如果,興建行人扶手電挮,一億多元,不到二億.還有馬鞍山鐵路,貨櫃碼頭,迪士尼,領滙拆骨,昂坪360...好多嘢,未計呀.


[引用] | 作者 呂不韋 | 30th Aug 2007 02:16 AM | [舉報垃圾留言]

[44]

無計啦!你都唔做古惑仔,又唔帶我入行賣翻版,梗係失業啦!話事話,依家d古惑仔靠咩搵食?差佬又成日掃黃.

其實,我一直無留意這宗新聞,上網睇見,路過答兩句爹,我無報紙好耐啦,更唔會比錢賣.所以,你話邊鬧邊睇,唔可以成立喎!我無鬧過"詩均",只見到上星期五,全部報紙做頭版,無興趣睇內容.每年,放榜新聞睇到煩,年年都一模一樣炸作.

文少,一句話晒,你話你自己撐政府,係"保皇黨"咪得囉!咁你好采囉,回歸十年,你係得益者,覺得政府官員咁高水平,咁有智慧,帶協你發達,仲招安成功,做翻正行.

我都想問下d古惑仔,有手有腳,咁點解做古惑仔,搵快錢?文少,上咗岸,梗係講得蕭灑,講風涼話啦.全香港唔剩只班紮鐵工人,擔得起條鐵,擔唔起頭家.剩係領匯外判保安,清潔,呢道都大鑊啦,薪水減了一半,工作時數又增加,製服,安全鞋,又要自己買.供埋d強積金,都無用,益晒d基金佬.

文少,你咁鐘意政府,你搵翻"董建華"等高官,攬住佢嚟錫.


[引用] | 作者 呂不韋 | 28th Aug 2007 17:51 PM | [舉報垃圾留言]

[43]

回呂不韋﹕

仲失緊業咁慘﹐會唔會你個人眼角高呀﹖唔好話比我聽你去拎綜援呀﹐你有手有腳拎綜援﹐我真係覺得唔對路架。

你講果D﹐正正就係我最原本批評醫生個point﹐其實係指桑罵槐。借呢單新聞﹐做社會判官﹐話呢度唔得﹐果度唔著﹐個世界點唔掂。大學點借靚仔做生招牌﹐政府班官點點點﹐傳媒又點點點﹐總之就係話呢個世界好有問題﹐但你又唔係救世主﹐唔會無喇喇比你坐上高達打敗邪惡自護﹐所以只可以做係度怨天尤人。

你話呢個世界品流複雜﹐本來就係咁複雜啦﹖九歲﹑十四歲就應付唔掂﹐唔通你話你幾十歲人就應付得掂咩﹖你唔跌過碰過﹐點識大﹖

至於家陣D大學生係點﹐關鍵又係你自己0者﹐你唔係下下盲中中玩埋堆﹐或者為埋堆唔理是非對錯﹐唔通無啦啦係學校比人捉去玩happy corner咩﹖呢個問題﹐根本又唔係年齡問題﹐做幾十年人都可以不知所謂。

至於你鬧政府﹐又係爆笑﹐你識政府D官咩﹖你係政府做呀﹖你對政府的"印象"點得黎呀﹖你話班官唔夠水平﹐你憑乜認為呢﹖

傳媒方面﹐我覺得仲搞笑。我其實第一篇文就話啦﹐個market係你地做出來架﹐傳媒就好似賭場一樣﹐唔怕你精唔怕你呆﹐至怕你唔來﹗傳媒就係唔怕你讚﹐唔怕你彈﹐至怕你唔睇﹐你邊鬧邊睇﹐今日傳媒踢爆小詩鈞﹐你地又走出來評頭品足﹐搞掂﹗呢個就係market﹐你怪阿水呀﹖

最後﹐你講到命運。我唔信呢個世界有命運﹐命運只不過係人諗出來的東東囉。


[引用] | 作者 文少 | 28th Aug 2007 03:47 AM | [舉報垃圾留言]

[42]

不須介意那些自己說什麼都可以/都是對的,別人的表達就諸多挑剔的人。
可能你是醫生吧,若你不是專業,他們可能不會那麼激動。
從另一方面看,能收到正面負面有理無理的評價,也是獲益。
支持你。


[引用] | 作者 VL | 26th Aug 2007 15:15 PM | [舉報垃圾留言]

[41] re gifted child's giant step

Re title: it's fostering or penalizing these gifted children

There are numerous pro and con about whether should let gifted children to take a giant step to univeristy instead of ordinary class and step by step schooling. Please note the following before adults making any judgement:
1. gifted children are extemely high in IQ
2. their EQ or AQ is same or not could only be known when they are facing certain scenerios, at this stage, we don't need to have doubts on them. In many cases, children were found with better EQ and AQ than adutls in handling critical happenings.
3. with all the so called worries that gifted children could not get along well with their college classmates and or losing their childhood life.
3.1. Why should we deprive their rights from trying that?????????
3.2 Why can't we let them learn college level knowledge while at the same time having peers friends and adult friend simoutaneouly.
3.3 There are too many "experts" and "specialists" jumping out too early to outcry their "specialist comments" !!!!
4. Folks, give them (gifted children) a break.
5. We need multi colors inside a kaleidoscope to work out beautiful and unforseen combinations. We don't need a world of simply black or white or grey. It's only those multi colors that make it a real world. And a world is meant to be like this!!!!!!!!!!!!!!!!

Eddy


[引用] | 作者 Eddy Ho | 26th Aug 2007 01:14 AM | [舉報垃圾留言]

[40]

贊成呂不韋的分析, 雖然說傳媒朋友的那段有點一竹高打一船人.


[引用] | 作者 星屑醫生 | 23rd Aug 2007 17:47 PM | [舉報垃圾留言]

[39]

emoticon

呢個世界,資訊爆炸年代,無話邊個先至係天才.介紹套十幾年前的電影比大家睇,阿甘正傳:Forrest Gump,智商70,但你話佢天才,還是白癡呢?

http://www.lib.nctu.edu.tw/Multimedia/new/index/LDF/LDF000270.html


[引用] | 作者 Tom Hanks | 23rd Aug 2007 16:18 PM | [舉報垃圾留言]

[38]

emoticon 

係呀?我仲失緊業呀?你都做翻正行,唔做古惑仔,邊到有人帶入行?連古惑仔都式微,紮鐵工人都罷工,我當然響應啦,無淡好食.

再者,呢個世界無話有冇天才,我睇過14歲5星狀元電視訪問,我又唔覺得她特別天才,反而,我擔心她們比人利用,我想曲線提提你,呢個世界仲有很多外在因素,估唔到,影響後來心理.

個人立場,我當然讚成她們提早入大學.不過,做她們父母,心思細密,仲要考慮好多嘢,呢個世界乜嘢人都有.咁比唔比她們參加大學迎新營好呢?一齊玩Happy Conner,大長碌,你唔好睇到依家d大學生水準咁高先得架,呢個已經係最簡單的考慮.更深一層,她選擇醫科,即係要一早在醫院看透人生的生離死別,人性陰暗面,投入成人世界.

如果,我係政府,我都利用傳媒大吹大雷,即係話比人聽,証明香港教育改革係得,保住自己飯碗,香港d官,根本唔夠水平,判斷什麼係天才,連天才定義係乜,都未知.香港d心理學家,袖手旁觀,坐視不理,向權貴低頭,唔走出來評擊政府,糾正錯誤.

至於,傳媒有新聞,梗係照報,不分是非,唔會做分析,香港d報紙佬,傳媒佬最無常識,最無人格架la!呢班人都讀過很多書,受過高等教育.

她們越早畢業,越好添,可以幫立稅人,幫政府慳錢,越早畢業越好,代表國家派去"伊立克,阿富汗"等戰亂國家做軍醫,幫"紅十會,無國界醫生",如果,炸唔死,頒面錦旗比她們.

仲有,我又唔覺得,比D大佬舞來舞去,係讀唔到書先撈偏0者.呢d都係後天陪養,人生的際遇,亦可以說比命運戲弄.


[引用] | 作者 呂不韋 | 23rd Aug 2007 16:12 PM | [舉報垃圾留言]

[37]

emoticon

我未睇過9歲資優生的背境,入大學的新聞,所以,不願致評.不過,我睇過"何凱琳"的訪問,我唔覺得她係天才,跟普通人無分別.真正的天才不是這樣的,要打破香港人對天才的觀念.


[引用] | 作者 達文西 | 23rd Aug 2007 16:06 PM | [舉報垃圾留言]

[36]

emoticon

"擁有驚人的天賦,也懂得閱讀許多國家的文字",真係有這種人,就算倒轉報紙給他看,他都睇到.有一種有超強記憶力,睇過一次任何書籍,永遠存儲腦裡,記得頁數,記得內容,可以記得整本"黃頁"的人名電話.另一個,他坐過一次直升機,環繞"羅馬"城市,飛行一圈,他好似相機一樣,用三天時間,將"羅馬",每條街道,當日停泊幾多架車等...繪畫出來,只有輕微錯誤.這些人稱做"智障天才".2007年2月尾,國際台,逢星期五晚,9:00pm,連續三個星期,播放"智障天才"的記錄片.

"智障天才"仲有很多不同才華的例子,eg:音樂,數學,繪畫...等,有自閉症病徽,很難跟外間溝通,他們童年時期,往往被醫生錯誤趁斷,唐氏綜合症,送往特殊學校讀書,到長大才知道他們是天才.記錄片中,更推斷"牛頓,愛恩斯旦"...等,很多名人,都係""智障天才".

 

http://contact_ching.mysinablog.com/index.php?op=ViewArticle&articleId=501036


[引用] | 作者 達文西 | 23rd Aug 2007 16:05 PM | [舉報垃圾留言]

[35] Re:
ivy : 呀醫生基上不過話,呢個小朋友行咁快,因住仆親喎,咁就叫講「鬧人」同「唔尊重人」? 好難溝通囉! -_-;
emoticon 大家都明我就覺得ok. 算了. 當也是一種學習.


[引用] | 作者 星屑醫生 | 23rd Aug 2007 10:26 AM | [舉報垃圾留言]

[34]

呀醫生基上不過話,呢個小朋友行咁快,因住仆親喎,咁就叫講「鬧人」同「唔尊重人」?

好難溝通囉! -_-;


[引用] | 作者 ivy | 23rd Aug 2007 09:50 AM | [舉報垃圾留言]

[33] Thx

小弟慕名閱讀閣下的網誌已久,今次首次留言,請多多指教。

拜讀了閣下對天才兒童發展的擔心的文章,小弟十分認同,所以引用閣下文章寫了一點想法,在此言謝。

另對Jonathan君對閣下的批評不敢苟同,但是各方意見不同是意料中事。希望醫生不要氣餒,努力!


[引用] | 作者 蜜柑 | 23rd Aug 2007 01:00 AM | [舉報垃圾留言]

[32] Re: re
Jacky :
我覺得篇文係講緊 general case 喎, 唔駛識人

咩叫general case﹖講埋人個名﹐指名道姓﹐"再老積也只做了9 年人"﹐明明有針對性﹐你都可以話係general case﹐係咪讀得書多就鍾意打橫黎講野呀﹖


[引用] | 作者 文少 | 22nd Aug 2007 23:55 PM | [舉報垃圾留言]

[31]

回金魚他﹕
你係咪就係成日化九十幾個名玩blog遊果條粉皮﹖點呀﹐仲失緊業呀﹖咁得閒上網玩串嘴﹖
我係開網吧﹐開酒吧係我老友。
至於你講果D野﹐算吧啦﹐係讀唔到書先撈偏0者﹐9歲行古惑我確實見過﹐咪比D大佬舞來舞去囉﹖但人地讀到書呀嘛﹖好地地梗係讀上去啦﹖
仲有個問題﹐我都係講果句﹐人地點關你叉事咩﹖咁八做乜﹖


[引用] | 作者 文少 | 22nd Aug 2007 23:52 PM | [舉報垃圾留言]

[30]

emoticon 依!文少,乜你返咗嚟,你又話開酒吧,生意忙唔忙呀?差些唔記得,你以前加入過黑社會,我覺得那個9歲或14歲天才,太早入大學,實在太可惜,應該賣比d古爺仔落火坑,做個天子妓女:我會做好呢份工,服待客人emoticon忽窿.


[引用] | 作者 金魚他 | 22nd Aug 2007 10:32 AM | [舉報垃圾留言]

[29]

emoticon 寄然,9歲或14歲天才入大學,如果,比d大學生哥哥溝,發生性行為,聽d 18歲以上同學,嫖妓指南,講下鹹故,一齊Fing頭,係唔係都無事呀?


[引用] | 作者 火雲邪神 | 22nd Aug 2007 10:18 AM | [舉報垃圾留言]

[28] re

我覺得篇文係講緊 general case 喎, 唔駛識人


[引用] | 作者 Jacky | 22nd Aug 2007 09:58 AM | [舉報垃圾留言]

[27]

仲有﹐我想講﹐原來你知乜叫尊重別人。

人地寫文插你﹐你就識得講尊重人﹐你會情緒激動你會唔開心。人地呢﹖人地個靚仔唔識你﹐有無得罪你﹐自己讀得叻﹐比傳媒報下﹐你就鬧三鬧四。個口話擔心﹐實情你care咩﹖過兩個禮拜之後﹐你咪繼續你生活﹐人地有人地忙碌﹖而你個重點﹐根本就係指桑罵槐﹐扮社會判官咋嘛﹖

我諗﹐呢篇文如果我拎比佢老豆睇﹐眼火爆未必﹐但唔開心實有囉。既然你話得Blog is anything但都要尊重人﹐唔該﹐無啦啦比傳媒報下變公眾人物果D﹐原本都係平民百姓﹐你就都要記得要尊重啦。


[引用] | 作者 文少 | 22nd Aug 2007 04:32 AM | [舉報垃圾留言]

[26]

首先﹐果個文哥唔係我﹐呢點要搞清楚。
第二﹐乜寫blog有乜特別要求咩﹖但就算有﹐我亦唔會理。
第三﹐我一早講過唔識你﹐而我篇文都講過﹐你可以話我有口話人無口話自己﹐但我認而且覺得無問題。
至於憤世疾俗症﹐對唔住﹐我淨係批評你篇文﹐唔係批評成個社會﹐亦唔會學人成日話個社會呢度唔得﹐果度唔著。
至於文哥講到潮﹐而家確實係反話﹐而家落MK話人潮﹐分分鐘比人打。
我唔理得咩叫blog is anything﹐我淨係話你個口話擔心﹐其實唔係真係擔心關心﹐你亦從無知道你鬧果個人點成長﹐又或者你根本唔知道。
至於尊重別人﹐你話人地可能會變高分低能﹐又算點﹖
至於你刪唔刪個留言﹐我唔care﹐確實你刪好過唔刪。


[引用] | 作者 文少 | 22nd Aug 2007 04:03 AM | [舉報垃圾留言]

[25] Re: Re:
文哥 :
星屑醫生 :
這位朋友新加入部落行列? 新加入新浪?
所以才會留下這種難聽難讀的文字吧? 寫部落文, 為的是記錄自己的感受, 並借機會和其他網友交流一下. 絕對遠遠說不上甚麼硬套在別人身上, 你若覺同意, 就說同意, 若說不同意, 就說不同意, 無必要寫難聽難讀的文字.
將你的字原原本本回敬給你:
「你又識我咩﹖你知甚麼叫寫blog咩? 你有切身處地諗過人地看了你這些難聽難讀的文字, 會有甚麼感受和反應﹖你只不過係食飽飯無xxx﹐睇下別人的blog﹐之後憤世疾俗症發作﹐將自己果套人生觀格硬套落人地果度咋嘛...」
...若是說憤世疾俗, 我看你才真擔得上吧.
誰都可以寫任何的文,blog is anything. 這點在一兩年前早已討論到爛, 你不是要我由頭和你說吧?
總之尊重別人是很基本的個人情操.

寫部落文,是為了成名和顯潮啊!在網絡的用語, 潮 = 老x套!
咩叫blog is anything? 討論到爛係咪即係討論已完結, 成為定律? 別又來硬套呀!
不過尊重別人係要嘅!


「咩叫blog is anything? 討論到爛係咪即係討論已完結, 成為定律? 別又來硬套呀!」

BLOG IS ANYTHING, 即是寫部落文可以寫甚麼都得.

1. 既然寫甚麼都得, 就沒有所謂硬套了.
2. 雖然寫甚麼都得, 但還是有少量規範, 例如應該尊重別人.
3. 討論到爛, 在我的理解上是: 已有共識. 至於這討論是不是就完結? 我覺得不是, 凡有喜歡討論的人拿出來討論都可以. 是不是成為定律? 我覺得這說法不準確, 應該是大部分人都贊同, 所以我用的詞語是共識.
4. 我不明白為何你喜歡說硬套. 寫BLOG 文是硬套? 我告訴你, 香港BLOGGER 既無權, 亦無勢, 甚至無誰直接因寫BLOG 而賺得生計.既是如此, 寫一篇文章出來, 如何叫做硬套? 網友寫某餐廳好味, 就是硬套了你? 網友寫某電影難看, 又來硬套了你? 我說大部份人都同意BLOG IS ANYTHING, 又硬套了你?

我還是高興見你同意說「尊重別人的係要O既.」


[引用] | 作者 星屑醫生 | 22nd Aug 2007 03:21 AM | [舉報垃圾留言]

[24] Re: Re: Re:
文哥 :
文哥 :
星屑醫生 :
這位朋友新加入部落行列? 新加入新浪?
所以才會留下這種難聽難讀的文字吧? 寫部落文, 為的是記錄自己的感受, 並借機會和其他網友交流一下. 絕對遠遠說不上甚麼硬套在別人身上, 你若覺同意, 就說同意, 若說不同意, 就說不同意, 無必要寫難聽難讀的文字.
將你的字原原本本回敬給你:
「你又識我咩﹖你知甚麼叫寫blog咩? 你有切身處地諗過人地看了你這些難聽難讀的文字, 會有甚麼感受和反應﹖你只不過係食飽飯無xxx﹐睇下別人的blog﹐之後憤世疾俗症發作﹐將自己果套人生觀格硬套落人地果度咋嘛...」
...若是說憤世疾俗, 我看你才真擔得上吧.
誰都可以寫任何的文,blog is anything. 這點在一兩年前早已討論到爛, 你不是要我由頭和你說吧?
總之尊重別人是很基本的個人情操.
寫部落文,是為了成名和顯潮啊!在網絡的用語, 潮 = 老x套!
咩叫blog is anything? 討論到爛係咪即係討論已完結, 成為定律? 別又來硬套呀!
不過尊重別人係要嘅!

做乜刪左個留言嘅? 咁咪會殺埋我呢個????? 等我copy低備案先, 或者貼過文少到先!


我從來都不會刪別人留言的, 除非賣廣告. 本來覺得, 在答你的回話中我的情緒太強烈, 才刪了自己的留言. 刪的時候都未見你回, 刪了之後才見到. 總之, 又無謂罵起來. 唉.


[引用] | 作者 星屑醫生 | 22nd Aug 2007 03:08 AM | [舉報垃圾留言]

[23] Re: Re:
文哥 :
星屑醫生 :
這位朋友新加入部落行列? 新加入新浪?
所以才會留下這種難聽難讀的文字吧? 寫部落文, 為的是記錄自己的感受, 並借機會和其他網友交流一下. 絕對遠遠說不上甚麼硬套在別人身上, 你若覺同意, 就說同意, 若說不同意, 就說不同意, 無必要寫難聽難讀的文字.
將你的字原原本本回敬給你:
「你又識我咩﹖你知甚麼叫寫blog咩? 你有切身處地諗過人地看了你這些難聽難讀的文字, 會有甚麼感受和反應﹖你只不過係食飽飯無xxx﹐睇下別人的blog﹐之後憤世疾俗症發作﹐將自己果套人生觀格硬套落人地果度咋嘛...」
...若是說憤世疾俗, 我看你才真擔得上吧.
誰都可以寫任何的文,blog is anything. 這點在一兩年前早已討論到爛, 你不是要我由頭和你說吧?
總之尊重別人是很基本的個人情操.

寫部落文,是為了成名和顯潮啊!在網絡的用語, 潮 = 老x套!
咩叫blog is anything? 討論到爛係咪即係討論已完結, 成為定律? 別又來硬套呀!
不過尊重別人係要嘅!

做乜刪左個留言嘅? 咁咪會殺埋我呢個????? 等我copy低備案先, 或者貼過文少到先!


[引用] | 作者 文哥 | 22nd Aug 2007 03:00 AM | [舉報垃圾留言]

[22] Re:
星屑醫生 :
這位朋友新加入部落行列? 新加入新浪?
所以才會留下這種難聽難讀的文字吧? 寫部落文, 為的是記錄自己的感受, 並借機會和其他網友交流一下. 絕對遠遠說不上甚麼硬套在別人身上, 你若覺同意, 就說同意, 若說不同意, 就說不同意, 無必要寫難聽難讀的文字.
將你的字原原本本回敬給你:
「你又識我咩﹖你知甚麼叫寫blog咩? 你有切身處地諗過人地看了你這些難聽難讀的文字, 會有甚麼感受和反應﹖你只不過係食飽飯無xxx﹐睇下別人的blog﹐之後憤世疾俗症發作﹐將自己果套人生觀格硬套落人地果度咋嘛...」
...若是說憤世疾俗, 我看你才真擔得上吧.
誰都可以寫任何的文,blog is anything. 這點在一兩年前早已討論到爛, 你不是要我由頭和你說吧?
總之尊重別人是很基本的個人情操.

寫部落文,是為了成名和顯潮啊!在網絡的用語, 潮 = 老x套!

咩叫blog is anything? 討論到爛係咪即係討論已完結, 成為定律? 別又來硬套呀!

不過尊重別人係要嘅!


[引用] | 作者 文哥 | 22nd Aug 2007 02:58 AM | [舉報垃圾留言]

[21]

對唔住﹐雖然我唔識你﹐但我睇完篇文﹐我淨係覺得你係食飽飯無屎疴﹐扮關心彈三彈四。你識人咩﹖你知人地點成長咩﹖你識人地老豆老母咩﹖你有切身處地諗過人地咩﹖你有無諗過人地老豆老母睇完有乜反應﹖你只不過係食飽飯無屎疴﹐睇下傳媒雜誌﹐之後憤世疾俗症發作﹐將自己果套人生觀格硬套落人地果度咋嘛﹖寫左篇文回應﹐你有興就睇啦﹐係咁多。

你憑乜﹖


[引用] | 作者 文少 | 22nd Aug 2007 02:00 AM | [舉報垃圾留言]

[20]

計我話佢條命應該用另外一條方程式去計
9歲讀完大學出來先得果12-3歲
到時候再入返中學去追返中學時代既快樂都未遲
大學畢業後成績唔需要擔心, 到時候可以專心反轉中學都得hahaha


[引用] | 作者 柏克萊 | 17th Aug 2007 00:33 AM | [舉報垃圾留言]

[19]

成長的速度有快有慢,九歲的資優兒童可能只是IQ高,但也可能因為特別的智商而有特別的經歷,令他/她的成長進程和別人不同,九歲時比同齡的人成熟很多,也說不定。

的確,理想點說,大學應該是讓各種思潮交流的地方,自己的價值觀也未形成的話,會受到很大的衝擊,未必可以應付;但現在香港的大學是否一個讓各種思潮可以交匯切磋的地方呢?就算有這樣的園地,又是否有足夠的本科生可以把自己的一套帶進校園深入交流思辯呢?

說到底,資優童「大跳級」入大學,是禍是福,還看個人造化。


[引用] | 作者 閃持 | 16th Aug 2007 19:59 PM | [舉報垃圾留言]

[18]

我都認同呀!佢只得九歲實在係太細la,連中學都未入!
我覺得佢唔應該咁快入大學,令願佢跳班,最少都過幾年中學生活,識翻D同年紀ga朋友,先入大學啦!入到大學,個個人牛高馬大,應該當這些人係哥哥姐姐,定係平輩的同學好呀?
而且到畢業ga時候,佢都係得十幾歲,咁應該出黎做野定點呀?仲咁細個!
似中我都覺得過幾年再算好D!


[引用] | 作者 青蛙B | 16th Aug 2007 17:33 PM | [舉報垃圾留言]

[17] Re: Re: 認同
sindyChoCo :
JT :
...一生最大成就...係曾經渡過一段既無聊又毫無意義的開心日子。
哈, 可以過無聊的開心日子, 真係好大成就呀! 我都要努力achieve!
對, 人生不外乎這樣, 所謂修身齊家治國平天下, 先能讓自己活得快樂, 有餘暇, 才有心有力有空間去做更多的事! 人人都開心, 天下自然和平而且充滿愛. 所以做好自己, 已是很大的成就了.


[引用] | 作者 星屑醫生 | 16th Aug 2007 16:39 PM | [舉報垃圾留言]

[16] Re: 認同
JT :
...一生最大成就...係曾經渡過一段既無聊又毫無意義的開心日子。

哈, 可以過無聊的開心日子, 真係好大成就呀! 我都要努力achieve!


[引用] | 作者 sindyChoCo | 16th Aug 2007 16:33 PM | [舉報垃圾留言]

[15] 認同

絕對認同,人去到某個年幾先會發覺,一生最大成就並不是什麼豐功偉業又或者係身份地位,而係曾經渡過一段既無聊又毫無意義的開心日子。


[引用] | 作者 JT | 16th Aug 2007 15:35 PM | [舉報垃圾留言]

[14] 你好

普通人會較快樂... 天才唔係唔好, 只不過當冇人認為你係天才的時候, 都幾慘~


[引用] | 作者 kenji | 16th Aug 2007 14:50 PM | [舉報垃圾留言]

[13]

人生的路往往不由自主.天才輝煌星路,從此揚威海外、蜚聲國際.福禍難料!


[引用] | 作者 莎莉 | 16th Aug 2007 12:10 PM | [舉報垃圾留言]

[12] Re: Hello 首次留言
吉子 :
絕對認同。早兩天我才自己的在想,如果我係一個老闆(幻想),我想我不必會想請一個18歲就大學或碩士畢業的神童作為員工,本人較為覺得成長的過程及經歷比單是讀書一流的更為重要...
hihi,歡迎你, 以後常來大家傾計! 也請各位繼續討論, 我在你們身上獲益良多.


[引用] | 作者 星屑醫生 | 16th Aug 2007 12:05 PM | [舉報垃圾留言]

[11] Hello 首次留言

絕對認同。早兩天我才自己的在想,如果我係一個老闆(幻想),我想我不必會想請一個18歲就大學或碩士畢業的神童作為員工,本人較為覺得成長的過程及經歷比單是讀書一流的更為重要...


[引用] | 作者 吉子 | 16th Aug 2007 11:56 AM | [舉報垃圾留言]

[10]

I totally agree with you.

Most of my best friends are from secondary school. We support and trust each others.


[引用] | 作者 HHH | 16th Aug 2007 10:14 AM | [舉報垃圾留言]

[9] 但願生兒愚且魯,無災無難到公卿

昨晚剛看了新一期《壹週刊》也有提及"資優兒童"這話題, 有的家長真的希望自己子女屬於資優, 但如果我有孩子的話, 我想會和"蘇東坡" 一樣 .. 「但願生兒愚且魯,無災無難到公卿」


[引用] | 作者 GL6991 | 16th Aug 2007 09:39 AM | [舉報垃圾留言]

Next