香港新浪網 MySinaBlog
« 上一篇 | 下一篇 »
星屑醫生 | 17th Oct 2007, 11:25 AM | 虛擬玩樂, 影音熱潮

Picture

正在玩【薩爾達傳說~ 夢幻之砂時計】,真的好玩到暈。【薩爾達傳說】向來都是 RPG 角色扮演遊戲的經典系列,近年更成為 action RPG 動作冒險遊戲中的名牌,現在結合了 NDS 那「篤篤篤」的玩法就更見新穎有趣了。十字方向鍵的功能差不多給筆觸完全駕空,無論主角前行退後翻滾跳躍,甚至揮劍,拋回力鏢和駕駛輪船,都只須跟從筆尖的簡單指示就能輕易耍出來。就算是那 RPG 遊戲中不可或缺,卻常令人感到頭痛的迷宮現在都變得有趣得多,因為隨時都能在地圖上畫標記和路徑,就不怕迷路了。

Picture

連回力鏢怎樣飛都可以由玩家劃出來,還有航海路線、船頭大砲的瞄準目標等等... 可以想像製作人如何嘔心瀝血的付出心力和創意。

NDS 當然是注定成功的。除了它那新穎的玩法,和市面上一眾大小遊戲機相比它另有一個最值得讚賞的地方:就是無需改機已能兼容歐洲版,美版和日版的遊戲。這對世界上大部份玩家來說可能都沒有甚麼特別,唯獨是對我們這群常在美日文化之間左右逢源的香港人,才會一時要玩日版 game,一時又要玩美版的。以往我們的遊戲機和遊戲都多數買日版,主要因為日系遊戲無論人物設定和遊戲風格一般較受香港人歡迎,因此自小玩 RPG 都是日文 game,就要看著攻略來玩了。其實這樣玩十分「填鴨」,只是順著書本裡的流程走一次吧了,好在現在終於可以常常用得到英文玩 RPG,這就好得多了,能完全明白遊戲過程和當中的大小提示,才更有自己正在冒險的感覺。

我也有R4,是初初買機的時候一併買的,不過現在已很少開來玩了,我會鼓勵大家玩 game 還是玩正版吧。特別是我們 blogger,既然報紙/雜誌/其他博客抄Blog 文都曉得罵,就不能玩 game 看碟聽歌仍然依舊用老翻。一個 game 花耗幾多製作人的心血和腦汁才叫做「玩得吓」,這創意和努力絕對值得受到所有人的肯定。而且一個月花 300 元買一隻正版 game 玩,即使它的遊戲性只得一般高,耐玩度也只是一般強的話,至少也都夠我們玩它 30來個小時了。這樣每小時算下來只不過 10元,根本不是昂貴的消遣。你看到現在大多數人也還在玩【孖寶賽車】,分分鐘已打了幾百個小時,就知道那確是廉價到極的消閒玩意。

而且太容易得到的就容易放棄,於是很多要努力練功、細心思考策略才能衝破難關的樂趣,就會白白錯失了。


[6]

我係鐘意打番日文版, 反正講d嘢都好簡單, 識睇漢字+平時有睇開日劇都估到佢講乜. 最正係zelda日文版有拼音功能架, 當你用支筆篤d漢字個陣會show番個拼音比你睇, 有時有d唔知係咩意思既漢字, 跟住個拼音讀又知道番係咩嚟 (日劇呀, anime呀, 成日都講個d對白)

因為玩zelda,我d日文actually進步咗


[引用] | 作者 癲狗 | 19th Oct 2007 11:00 AM | [舉報垃圾留言]

[5]

我都唔知點解, 一直對NDS冇乜興趣... 可能係性格問題 (一向認為自己比同齡ge人成熟少少). 部機買左九個月, 除左頭三個月同人狂玩Mario Kart (間中玩三國志大戰+應援團), 之後部機就放晌我張書檯度封塵...
近排迷上左iPod (classic真係好好用), 聽Beethoven Sonatas and Symphonies... 放左二千幾隻歌先用左20GB, 唔洗再擔心唔夠位lu...
尋日想同你傾耐d, but見你咁忙所以都係先走為妙, 而且之後又要補習...


[引用] | 作者 Chris | 19th Oct 2007 08:26 AM | [舉報垃圾留言]

[4] HELLO

你好呀醫生!
最近我很煩惱, 因為原本想當飛機師的我, 近日竟然想當醫生去救人
但是因為堅持當飛機師很久了的我,竟然突然這樣想, 我很擔心選擇別的道路會令我感到很後悔

而且, 我實在不是很了解醫生的工作
自己心中的畫面都只是救人的畫面

如果可以的話希望可以和你聊聊


[引用] | 作者 aki | 18th Oct 2007 22:07 PM | [舉報垃圾留言]

[3]

呢隻我都玩緊喎~最中意係個回力鏢既畫法, 有時我會用黎畫下公仔先拋出去tim~ lol而家玩到B11, B12, 卡住左, 有D限時機關太煩...不過呢隻薩爾達係kuso畫風, 得意之餘又怪怪地咁~另外而家玩game都通常揀英文版喇. 起碼可以睇得明~除左應援團, 其他DS遊戲都只玩英文~


[引用] | 作者 Oscar | 18th Oct 2007 11:57 AM | [舉報垃圾留言]

[2]

就咁話啦,可以幫倒你我都好高興。有沒有dress code?


[引用] | 作者 星屑醫生 | 17th Oct 2007 15:49 PM | [舉報垃圾留言]

[1]

1.你都係薩爾達迷?我都係,不過只係迷左第一集紅白機版,2D迷宮,當年唔食兩餐晏買左本攻略本,卒之爆機!到而家仍然覺得係最好玩既遊戲之一!

2.11/11生命加油站方面,我地1:45會係九龍堂出發,2:30-4:00會係旺角行人專用區擺檔,4:30-5:00會係九龍堂開分享會。如有困難,可以只出席2:30-4:00。你睇既檔係「健康檢查站」(工作包括:量血壓、心跳、磅重、度高、健康提示等),因本堂常駐醫生剛結婚去蜜月,未必可以出席,但仍有其他護士姐姐。另尚有中醫醫女啦、扭氣球啦、穿五色電話繩啦,最勁既係有舞台表演,將邀請基督徒舞蹈團勁歌熱舞!

3.原來你都係林狗唱既「三字頭」,我地既集體回憶應該類近。唔好講笑,有冇掟過臭蛋同擦地炮先?


[引用] | 作者 littlebrave | 17th Oct 2007 15:00 PM | [舉報垃圾留言]